మెట్ గాలాలో షారుఖ్ ఖాన్, కింగ్ ఖాన్ మేనేజర్ పై ఫ్యాన్స్ ఫైర్, కారణం ఏంటంటే?
షారుఖ్ ఖాన్ మొదటిసారి మెట్ గాలా ఈవెంట్లో పాల్గొన్నారు. న్యూయార్క్లోని మెట్రోపాలిటన్ మ్యూజియం ఆఫ్ ఆర్ట్లో జరిగిన ఈ ఈవెంట్ నుండి SRK ఫోటోలు బయటకు వచ్చాయి, ఆయన లుక్ కి మిశ్రమ స్పందన వచ్చింది. SRK మేనేజర్ పూజా దదలానీ ఈ ఫోటోలను షేర్ చేశారు.
SRK ఫోటోల షేరింగ్ పై ఫ్యాన్స్ ఆగ్రహం
షారుఖ్ ఖాన్ మేనేజర్ పై ఆయన ఫ్యాన్స్ ఫైర్ అవుతున్నారు. ఆమె తన ఖాతా నుండి షారుఖ్ ఖాన్ ఫోటోలను షేర్ చేయడం పూజా దదలానీకి ఇబ్బందికరంగా మారింది. సూపర్స్టార్ అభిమానులు దదలానీపై మండిపడుతున్నారు. ఇంత పెద్ద అంతర్జాతీయ ఈవెంట్ ఫోటోలను పూజా తన ఖాతా నుండి కాకుండా షారుఖ్ ఖాతా నుండి షేర్ చేయాలని వారు అంటున్నారు.
పూజ దదలానీ పోస్ట్ పై ఫ్యాన్స్ కామెంట్స్
పూజా దదలానీ ఫోటోలను షేర్ చేస్తూ, "మెట్ గాలా 2025! బ్లాక్ అండ్ వైట్ ఎడిట్...K ఫర్ కింగ్!" అని రాశారు. ఈ పోస్ట్ చూసిన తర్వాత ఓ ఇంటర్నెట్ యూజర్, "ఇంత పెద్ద ఈవెంట్ ఫోటోలు ఖాన్ సార్ అధికారిక ఖాతా నుండి పోస్ట్ చేయాలనే సెన్స్ ఉండాలి కదా అని కామెంట్స్ చేస్తున్నాు. మరో యూజర్ అయితే "ఖాన్ సాబ్ అధికారిక ఖాతా నుండి పోస్ట్ చేయాల్సిందే" అని రాశారు. ఇంకో యూజర్, "SRK ఖాతా నుండి పోస్ట్ చెయ్యి" అని డిమాండ్ చేస్తూ కామెంట్ చేశాడు.
'K' అంటే కింగ్ అని దదలానీ క్లారిటీ
షారుఖ్ ఖాన్ ధరించిన లాకెట్ లోని 'K' కాజోల్ కి గుర్తుగా వేసుకున్నట్టు ఉన్నాడు అని కొందరు నెటిజన్లు షారుఖ్ ను టీజ్ చేస్తున్నారు. కాజోల్ ఆయన మంచి స్నేహితురాలు, చాలా సినిమాల్లో ఆయనతో జంటగా నటించింది. అయితే, పూజా దదలానీ తన క్యాప్షన్లో 'K' అంటే కింగ్ అని చెప్పారు. 'కింగ్' షారుఖ్ ఖాన్ నెక్ట్స్ సినిమా పేరు, ఆయన అభిమానులు ఆయన్ని ప్రేమగా ఈ పేరుతోనే పిలుస్తారు.
SRK మెట్ గాలా లుక్: సబ్యసాచి డిజైన్
షారుఖ్ ఖాన్ మెట్ గాలా లుక్ గురించి చెప్పాలంటే, ఆయన ధరించిన దుస్తులను సబ్యసాచి డిజైన్ చేశారు. పూర్తిగా నలుపు రంగు దుస్తులకు ఆయన లేయర్డ్ నగలు ధరించారు, దానిలో 'K' అనే పెండెంట్ ఆయన వ్యక్తిత్వాన్ని (కింగ్ ఖాన్) సూచిస్తుంది. ఆయన చేతిలో కర్ర, కళ్ళకు గాగుల్స్ ఉన్నాయి.
SRK దుస్తులపై ఫ్యాన్స్ అసంతృప్తి
షారుఖ్ ఖాన్ దుస్తులు కూడా చాలా మంది అభిమానులకు నచ్చలేదు. ఒక యూజర్, "సబ్యసాచి, నువ్వు ఆయన లుక్ ను కంప్లీట్ గా పాడుచేశావు" అని రాశారు. మరో యూజర్, "ఇది చూడటానికి నేను 3:30 వరకు మేల్కొని ఉన్నాను" అని రాశారు. ఇంకో యూజర్, "వావ్, డిజైనర్ కి ఒక్క పనే ఉంది, అది కూడా డాలీ చాయ్వాలాకి ఇచ్చేశాడు" అని రాశారు.
'కింగ్' సినిమాలో SRK, సుహానా కలిసి నటిస్తున్నారు
ఇక షారుఖ్ ఖాన్ సినిమాల గురించి చూస్తే.. ఆయన 'కింగ్' సినిమాలో కనిపించనున్నారు, దీనిలో ఆయన తన కూతురు సుహానా ఖాన్తో కలిసి నటిస్తున్నారు. ఈ సినిమాలో అభిషేక్ బచ్చన్, జయదీప్ అహ్లావత్, అర్షద్ వార్సీ కూడా ముఖ్య పాత్రల్లో నటిస్తున్నారు. సిద్ధార్థ్ ఆనంద్ దర్శకత్వం వహించిన ఈ సినిమా 2026లో విడుదల కానుంది.
