పెళ్లి తర్వాత ఆమె ప్లానింగ్ వేరే, అక్కడే తేడా కొట్టింది.. మొదటి భార్యతో నాగార్జున విడాకులు అందుకే

కింగ్ నాగార్జున ఒకవైపు సినిమాలు చేస్తూనే మరోవైపు బిగ్ బాస్ తెలుగు హోస్ట్ గా రాణిస్తున్నారు. తెలుగు బిగ్ బాస్ కి నాగార్జున ఒక బ్రాండ్ గా మారిపోయారు. ప్రస్తుతం నాగార్జున ధనుష్, శేఖర్ కమ్ముల కాంబినేషన్ లో తెరకెక్కుతున్న కుబేర చిత్రంలో కీలక పాత్రలో నటిస్తున్నారు. 

నాగార్జున సినిమాల గురించి మాత్రమే కాకుండా ఆయన ఫ్యామిలీ గురించి, వ్యక్తిగత జీవితం గురించి తరచుగా సోషల్ మీడియాలో చర్చ జరుగుతూ ఉంటుంది. నాగార్జున తన మొదటి భార్య లక్ష్మి దగ్గుబాటి నుంచి విడాకులు తీసుకున్న సంగతి తెలిసిందే. ఆ తర్వాత అమలని ప్రేమ వివాహం చేసుకున్నారు. 

లక్ష్మి దగ్గుబాటి మూవీ మొఘల్ రామానాయుడు కుమార్తె. మొదట నాగార్జునకి ఈ సంబంధం వచ్చింది. అయితే నాగేశ్వర రావు గారికి ఈ సంబంధం అంతగా ఇష్టం లేదట. కానీ కుటుంబ సభ్యులు చాలా మంది ఒకే చెప్పారట. అందరూ ఒకే అంటున్నప్పుడు నేనెందుకు కాదు అనాలి అని నాగేశ్వర రావు కూడా ఒప్పుకున్నట్లు ప్రముఖ రచయిత కానగల జయకుమార్ అన్నారు. 

అనేక చిత్రాలకు ఆయన రచయితగా, అసిస్టెంట్ డైరెక్టర్ గా పనిచేశారు. పెళ్ళైన రెండేళ్లు బాగానే ఉన్నారు. లక్ష్మి దగ్గుబాటి అమెరికాలో ఉండడం అంటే ఇష్టం. నాగార్జున షూటింగ్స్ లో బిజీగా ఉంటే ఆమె యుఎస్ వెళ్లేవారు. చిత్ర పరిశ్రమతో సంబంధం మీతోనే అంతం అయిపోవాలని దగ్గుబాటి లక్ష్మి వాళ్ళ తండ్రి రామానాయుడుకి కూడా ఒక సందర్భంలో తెలిపింది. 

కానీ సినిమా హీరోనే ఆమె పెళ్లి చేసుకోవాల్సి వచ్చింది. నాగార్జునకి ఇండస్ట్రీలో అప్పుడప్పుడే హిట్లు పడుతున్నాయి. ఆ టైంలో మనకి సినిమాలు వద్దు.. యుఎస్ వెళ్లి ఏదైనా బిజినెస్ చేసుకుందాం అని నాగార్జునకి చెప్పినట్లు జయకుమార్ తెలిపారు. చిరంజీవితో పాటు నాగార్జున కూడా ఇండస్ట్రీలో ఎదుగుతున్నారు. అలాంటి చిత్ర పరిశ్రమని వదిలిపెట్టడానికి నాగార్జున ఇష్టపడలేదు. 

దీని కారణంగా నాగార్జున, దగ్గుబాటి లక్ష్మి మధ్య విభేదాలు వచ్చాయి. దీనితో ఆమె యుఎస్ వెళ్లిపోయిందట. ఆ కారణంగా నాగార్జున, లక్ష్మి ఇద్దరూ విడాకులు తీసుకున్నట్లు జయకుమార్ పేర్కొన్నారు. ఓ యూట్యూబ్ ఛానల్ లో ఆయన చెప్పిన ఈ విషయాలు వైరల్ గా మారాయి. ఆ తర్వాత నాగ్.. శివ చిత్రంలో తనతో కలసి నటించిన అమలని వివాహం చేసుకున్నాడు.