పెళ్లి కాకుండా తల్లి అయితే నన్ను ఎవరు ఆపుతారు.. టబు సంచలన వ్యాఖ్యలు

సంచలన వ్యాఖ్యలు చేసింది సీనియర్ హీరోయిన్ టబు. తాను తల్లి అవ్వాలి అనుకుంటే ఎవరైనా ఆపగలరా అంటూ బోల్డ్ కామెంట్స్ చేసింది. ఇంతకీ ఆమె కామెంట్స్ ఎందుకు చేయాల్సి వచ్చింది...? 

టాలీవుడ్ ను ఒక ఊపు ఊపిన హీరోయిన్లలో టబు కూడా ఒకరు. ఆమె గ్లామర్ తో కుర్ర కారును ఉర్రూతలూగించారు. సీనియర్ హీరోయిన్ గా..ఏజ్ బార్ అయినా సరే..మొన్న మొన్నటి వరకూ కూడా గ్లామర్ పాత్రలతో అలరించింది టబు. కాని ఇంత ఇమేజ్ సాధించిన బ్యూటీ.. పెళ్ళి చేసుకోకుండా సింగిల్ గా ఉండిపోయింది. 

తన విషయంలో ఎవరు ఏ కామెంట్ చేసినా.. లెఫ్ట్ అండ్ రైట్ ఇచ్చేస్తుంది టబు. ఎవరికి ఎలా సమాధానం చెప్పాలో అలా చేప్పేస్తుంది. ఇక రీసెంట్ గా ఆమె సంచలన వ్యాఖ్యలు చేశారు. నాకూ తల్లవ్వాలని వుంది... తల్లినవ్వాలనుకుంటే, పెళ్ళి చేసుకోవాల్సిన అవసరం లేదు.. పెళ్ళి కాకుండానే గర్భం దాల్చొచ్చు అన్నారు. 

అయితే ఆమె అన్నది  సరోగసి ద్వారా కూడా తల్లినయ్యే అవకాశం వుంది అని.  కానీ.. అలాంటి ఆలోచనలేవీ నేను చేయడంలేదు... అంటూ.. ఓ ప్రశ్నకు బదులిచ్చింది ప్రముఖ నటి టబు. ఓ ఇంటర్వ్యూలో మాట్లాడిన బ్యూటీ.. ఈ విధంగా స్టేట్ మెంట్ ఇచ్చింది. 

తన మనసుకు నచ్చినవాడు ఇంకా దొరకలేదనీ, మహిళల్ని అన్ని విధాలుగానూ గౌరవించేవాడు తనకు దొరికనప్పుడు.. అతను తన మనసుకు నచ్చినప్పుడు పెళ్ళి చేసుకుంటానని టబు చెప్పింది. పెళ్ళి కాకపోతే చచ్చిపోం.. తల్లి కాకపోతే చచ్చిపోం.. నటనా కెరీర్‌ని ఎంజాయ్ చేస్తున్నా.. అని టబు తనదైన స్టయిల్లో కౌంటర్లిచ్చింది. 

అయితే చివరిగా టబు చెప్పిన కొన్ని మాటలు వైరల్ అవుతున్నాయి. వయసు మీద పడింది.. ఈ వయసులో పెళ్ళి, పిల్లలు సాధ్యమేనా. అని ప్రశ్న ఆమెకు ఎదురవ్వగా..   ఈ రోజుల్లో వయసు దేనికీ అడ్డంకి కాదని టబు సింగిల్ లైన్ లో ఆన్సర్ చెప్పెసిందీ బ్యూటీ. ఈ రకంగా ఆమెకు ఇప్పుడు పెళ్ళి మీద కంటే.. నటనమీదనే ఇంట్రెస్ట్ ఎక్కువగా ఉన్నట్టు తెలుస్తోంది.

Tabu

ఈ సీనియ‌ర్ న‌టి ప్ర‌స్తుతం మ‌ల‌యాళం క్రైం థ్రిల్ల‌ర్ హిందీ రీమేక్‌ దృశ్యం 2లో న‌టిస్తుంది.. న‌వంబ‌ర్ 18న ఈ మూవీ విడుద‌ల కానుంది. ట‌బు కీ రోల్ చేస్తున్న మ‌రో త‌మిళ రీమేక్ భోళా 2023 మార్చి 30లో విడుద‌ల కానుంది.