నరేష్ అలాంటి వాడైతే నన్నెందుకు అడగలేదు... అది నాకు మాత్రమే తెలిసిన విషయం అంటూ సీనియర్ నటి పూజిత కామెంట్స్!

పవిత్ర లోకేష్ తో సహజీవనం చేస్తున్న నరేష్ పై కొంత నెగిటివ్ ప్రచారం జరుగుతుంది. ఆయన వ్యక్తిత్వం సరైంది కాదంటూ కొందరు ఆరోపణలు చేస్తున్నారు. అరవై ఏళ్ళ వయసులో నాలుగో వివాహం చేసుకోవడం ఏమిటని ప్రశ్నిస్తున్నారు. మరోవైపు మూడో భార్య రమ్య రఘుపతి ఆయనపై తీవ్ర ఆరోపణలు చేస్తున్నారు.  

Naresh

నాకు విడాకులు ఇవ్వకుండా పవిత్ర లోకేష్ (Pavitra Lokesh)తో సంబంధం పెట్టుకున్నారు. నరేష్ వ్యక్తిత్వం మంచిది కాదంటూ ఆమె తీవ్ర వ్యాఖ్యలు చేశారు. ఇక నరేష్, పవిత్ర హోటల్ లో ఉన్నారని తెలుసుకొని రమ్య అక్కడికి వెళ్లి గోల చేయడం సంచలనంగా మారింది. పవిత్రపై రమ్య చెప్పుతో దాడి చేయబోయారు.

ఈ క్రమంలో నరేష్ (Naresh)ఉమనైజర్ అంటూ కొందరు కామెంట్స్ చేస్తుండగా... సీనియర్ నటి పూజిత ఆయనకు మద్దతుగా నిలిచారు. నరేష్ మంచితనాన్ని ఆమె బయటపెట్టారు. పూజిత ఉమనైజర్ అయితే ఆయనతో నేను కూడా నటించాను, నాతో కూడా తప్పుగా ప్రవర్తించాలిగా. 40 ఏళ్ల కెరీర్ లో అనేక మంది హీరోయిన్స్ తో నటించారు. ఏ ఒక్కరైన ఆయనపై ఆరోపణలు చేశారా, అన్నారు.

ఆయన సహాయం పొందినవాళ్లు వందల మంది ఉన్నారు. వాళ్ళలో నేను కూడా ఒకదాన్ని. నాకు ఆరోగ్యం పాడై ఆసుపత్రిలో ఉంటే నరేష్ సహాయం చేశారు. ఆయన వలనే  ఈ రోజు నేను బ్రతికి ఉన్నాను. నాకు సహాయం చేశాడని నరేష్ గురించి గొప్పగా చెప్పడం లేదు. ఎవరు ఇంటికి వెళ్లినా కడుపు నిండా అన్నం పెట్టి పంపిస్తారు. అలాంటి మనుషులు వాళ్ళు. 

ఆయన చేసిన సహాయం ఎవరికీ చెప్పొద్దని నరేష్ నాతో అన్నారు. నరేష్ ఏమిటో నాకు మాత్రమే తెలుసు. అలాంటి నరేష్ ఇమేజ్ ని టాలీవుడ్ తో పాటు కర్ణాటకలో కూడా దెబ్బతీస్తున్నారు. ఆయన గురించి తప్పుడు ప్రచారం చేస్తున్నారు. అందుకే నేను మీడియా ముందుకు వచ్చాను. నరేష్ గురించి మాట్లాడడానికి కర్ణాటక వెళ్లడం జరిగింది. అక్కడ మీడియాతో మాట్లాడాను, అంటూ పూజిత నరేష్ గురించి గొప్పగా చెప్పారు.

మరోవైపు నరేష్-పవిత్ర లోకేష్ తాము సహజీవనం చేస్తున్నట్లు ఒప్పుకున్నారు. మూడో భార్య రమ్య రఘుపతితో విడిపోయిన నరేష్ నటి పవిత్ర లోకేష్ కి దగ్గరయ్యారు. ప్రస్తుతానికి రమ్యను వివాహం చేసుకునే ఆలోచన లేదు. మేమిద్దరం కలిసి జీవించాలి అనుకుంటున్నాం, అంటున్నారు.

ఇక నరేష్ మొదట చిత్ర పరిశ్రమకు చెందిన సినిమాటోగ్రఫర్ శ్రీను అనే వ్యక్తి కుమార్తెను చేసుకున్నారు.  నవీన్ విజయ్ కృష్ణ వీరి కుమారుడు. అతడు హీరోగా రెండు మూడు చిత్రాలు చేశారు. అనంతరం దేవులపల్లి కృష్ణశాస్త్రి మనవరాలని వివాహం చేసుకున్నారు. ఆమెకు కూడా కొడుకు ఉన్నారు. ఆమెతో విడిడిపోయాక 2010లో రమ్య  రఘుపతి ని వివాహం చేసుకున్నారు.