సంజయ్ దత్ బాలీవుడ్ లో చేసిన సౌత్ రీమేక్ సినిమాలు ఏవో తెలుసా?

బాలీవుడ్ నటుడు సంజయ్ దత్ చాలా రీమేక్ సినిమాల్లో నటించారు. కొన్ని హిట్ అయితే, కొన్ని ఫ్లాప్ అయ్యాయి. అందులో ఆయన చేసినవాటిలో సౌత్ రీమేక్ సినిమాలు ఎక్కువగా ఉన్నాయి. వాటితో తెలుగు సినిమాలు కూడా లేకపోలేదు. మరి ఆ సినిమాలేంటి. ఎన్ని హిట్ అయ్యాయి చూద్దాం.  

జీనా మర్నా తేరే సంగ్

1992 లో విడుదలైన సంజయ్ దత్ సినిమా జీనా మర్నా తేరే సంగ్ కన్నడ సినిమా ప్రేమ్ పర్వ్ కి రీమేక్. ఈ సినిమా ప్రేక్షకులను బాగా ఆకట్టుకుంది.

పోలీస్‌గిరి

2013 లో విడుదలైన సంజయ్ దత్ సినిమా పోలీస్‌గిరి 2003 లో వచ్చిన సినిమా తమిళ  సామి కి అధికారిక రీమేక్. అయితే, ఈ సినిమా ఫ్లాప్ అయ్యింది.

ప్రస్థానం

2019 లో విడుదలైన సంజయ్ దత్ సినిమా ప్రస్థానం. ఇది  2010 లో వచ్చిన తెలుగు ప్రస్థానం సినిమాకి రీమేక్. కాని ఈ సినిమా ఫ్లాప్ అయ్యింది.

జంజీర్

2013 లో వచ్చిన జంజీర్ సినిమా సౌత్ సినిమా కాదు, బాలీవుడ్ సినిమాకి రీమేక్. ఇది 1973 లో వచ్చిన అమితాబ్ బచ్చన్ జంజీర్ కి రీమేక్. అయితే, దీనికి సౌత్ కనెక్షన్ కూడా ఉంది. ఇది తెలుగు సూపర్ స్టార్ రామ్ చరణ్ తొలి హిందీ సినిమా. ఈ సినిమాని హిందీ, తెలుగు భాషల్లో ఒకేసారి చిత్రీకరించారు. దీని తెలుగు వెర్షన్ తూఫాన్. ఈ కారణంగా దీన్ని రీమేక్ గా పరిగణించవచ్చు. అయితే, రెండు సినిమాలు బాక్సాఫీస్ వద్ద ఫ్లాప్ అయ్యాయి.

సన్ ఆఫ్ సర్ధార్

2012 లో విడుదలైన సంజయ్ దత్ సినిమా సన్ ఆఫ్ సర్ధార్ 2010 లో వచ్చిన సినిమా మర్యాద రామన్నకు రీమేక్. ఈ సినిమా బాక్సాఫీస్ వద్ద సూపర్ హిట్ అయ్యింది.