Intinti gruhalakshmi: తులసికి క్షమాపణ చెప్పిన సామ్రాట్.. ఆటలు, పాటలతో ఇల్లంతా ఆనందమయం!

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి  (Intinti Gruhalakshmi) సీరియల్ మంచి కాన్సెప్ట్ తో కొనసాగుతుంది. భర్తతో విడిపోయి కుటుంబం కోసం ఒంటరిగా పోరాడే మహిళ కాన్సెప్ట్ తో ప్రసారం అవుతున్న ఈ సీరియల్ ఈరోజు సెప్టెంబర్ 13వ తేదీ ఎపిసోడ్ లో ఏం జరిగిందో హైలెట్స్ తెలుసుకుందాం.. 

ఈరోజు ఎపిసోడ్ ప్రారంభంలోనే...అంకిత, శృతి, ప్రేమ్ తులసి దగ్గరికి వచ్చి, ఎలాగో సామ్రాట్ గారు ఇక్కడ వరకు వచ్చారు కదా మీ మధ్య ఉన్న అబద్ధాలు తొలగించుకుంటే మంచిదేమో అని సలహా ఇస్తారు. అదే సమయంలో నందు లాస్యలు ఒకవైపు నుంచి, సామ్రాట్ ఇంకోవైపు నుంచి వాళ్ళ మాటలు వింటారు. అప్పుడు తులసి ,సామ్రాట్ గారూ నామీద గౌరవంతో లోపలికి వచ్చారు, ఏ గోల లేకుండా ప్రశాంతంగా ఈరోజు గడుస్తుంది. సామ్రాట్ గారు నామీద ఇంకా కోపంగానే ఉన్నారు అందుకే బయటే ఉండిపోయారు. ఇప్పుడు క్షమించమని నేను అడిగితే అది నా అత్యాశ అవుతుంది. ఈరోజు మళ్లీ గొడవ పెట్టడానికి నేను ఇష్టపడడం లేదు కనుక ఇలాగే వదిలేద్దాం అని అంటుంది తులసి.

ఆ తర్వాత సీన్లో ఇంట్లో అందరూ భోజనం చేస్తూ ఉండగా లక్కీ పప్పన్నం  చాలా బాగుంది అని తులసితో అంటాడు  అప్పుడు అనసూయ ఈ పప్పన్నం తిన్నలేకే మీ నాన్న వదిలేసి వెళ్ళిపోయాడు అని అంటుంది. అప్పుడు లాస్య లక్కీ నీ తన వైపు రమ్మంటుంది కానీ లక్కీ మాత్రం తులసి పక్కనే కూర్చుంటాను అని మారం చేస్తాడు.అప్పుడు అనసూయ దివ్యకి పాయసం వడ్డించమని అంటుంది. దివ్య, మీకు షుగర్ ఈ రోజుకి ఎక్కువ తిన్నారు అని చెప్పినా సరే బలవంతంగా పెట్టించుకుని, నేను వద్దు అన్నా కానీ దివ్యే పెట్టింది అని అందరి ముందు చెబుతుంది. ఇంట్లో వాళ్ళందరూ నవ్వుకుంటారు. ఈ ఆనందాన్ని చూస్తున్న సామ్రాట్ వల్ల బాబాయ్, సామ్రాట్ తో, ఇల్లు అంటే ఇదిరా,అనుబంధాలు అంటే ఇవి అని అంటాడు.

అప్పుడు లక్కీ ఈ ఉండరాలెందుకు వినాయకుడికి నైవేద్యంగా పెడతారు అని అడగగా లాస్య , వినాయకుడు గుండ్రంగా  కాబట్టి ఇలాంటివి ఇష్టపడతాడు అని అంటుంది. దానికి తులసి,తెలిస్తే చెప్పు లాస్య తెలియకపోతే కథలు అల్లకు అని చెప్పి, వినాయకుడు తల్లిదండ్రులతో పాటు ఒకరోజు ఒక ముని దగ్గరికి వెళ్ళగా అక్కడ వినాయకుడికి ఆకలేసింది. ఎంత పంచభక్ష్య పరమాన్నాలు తిన్నా ఆకలి తీరకపోగా వరిపిండితో చేసిన ఒక కుడుము తినగానే బొజ్జనుండి తేనుపులు వచ్చాయట. అప్పుడు నుంచి ప్రతి వినాయక చవితికి వినాయకుడికి ఉండ్రాలు  ప్రసాదంగా ఇవ్వడం ఆనవాతి అయిపోయింది అని అంటుంది.

ఆ తర్వాత సీన్లో సామ్రాట్ చేయకడుకుంటూ ఉండగా తులసి అక్కడికి వెళుతుంది. అప్పుడు సామ్రాట్, తులసి క్షమాపణ చెప్తాడు. నేను బయట ఉండడం నా తప్పే క్షమించండి అని అనగా పర్లేదు క్షమాపణ లేమీ వద్దు అని తులసి అంటుంది.అప్పుడు అభి అక్కడికి వచ్చి, ఏంటమ్మా నీ మంచితనాన్ని ఇక్కడ కూడా చూపిస్తున్నావా క్షమించడం ఎందుకు అని అంటాడు. అప్పుడు అంకిత అభి లోపలికి తీసుకొని వెళ్ళిపోతుంది. సరే అండి నేను ఇంకా బయలుదేరుతాను అని సామ్రాట్ అనగా దివ్య అక్కడికి వచ్చి, ఈరోజు రాత్రికి ప్రోగ్రాం ఉంది. మీరు ఎక్కడికి కదలడానికి వీలులేదు అని ఉంచేస్తుంది.

తర్వాత నందు లాస్యలు అభి దగ్గరికి వెళ్లి బయలుదేరుతాము అని అనగా, వద్దు డాడీ మీరు ఇక్కడే ఉండండి పరాయి వాళ్ళు కూడా ఇంట్లో ఉంటున్నారు మీరు ఉండడానికి ఏం అభ్యంతరం లేదు అని చెప్పి వాళ్ళిద్దర్నీ ఉంచేస్తాడు. రాత్రి అందరూ కలిసి కూర్చొని గేమ్స్ ఆడుతారు .అప్పుడు దివ్య అక్కడికి వచ్చి నేను ఒక గేమ్ కనిపెట్టాను ఈ బాల్ లో చీటీలు ఉన్నాయి ఎవరు తీస్తే వాళ్ళు అందులో ఉన్నది చేయాలి అని అంటుంది.అప్పుడు అంకిత అభిలు మొదలుపెడతారు, ఒక భర్త తన భార్య నుంచి ఏమి ఆశిస్తాడో చెప్పమని అందులో వస్తుంది.

అప్పుడు అభి లేచి, తన భార్య మనసులో తన భర్తకే మొదటి స్థానం ఉండాలని కోరుకుంటాడు. ఏ పనినైనా తన భర్తకు నచ్చినట్టే జరగాలి అని కోరుకుంటాడు. నా భార్యకు కూడా ఒకప్పుడు మొదటి స్థానం నేనే ఉండే వాడిని కానీ ఇప్పుడు నేను ఎక్కడున్నానో కూడా తెలియదు దానికి కారణం ఎవరు వాళ్లకి తెలుసు. ఇప్పటికైనా నా భార్య నన్ను అర్థం చేసుకుంటే నాకు చాలు, ఐ లవ్ యు అంకిత అని చెప్తాడు. ఆ తర్వాత దివ్య తనకి ఇష్టమైన హీరో డైలాగ్ చెప్పమని వస్తుంది. అప్పుడు దివ్య బాలయ్య బాబు డైలాగులు అని చెబుతుంది.

తర్వాత ప్రేమ్ కి శృతికి, ఇద్దరు భార్యాభర్తలు గొడవపడితే ఎలా ఉంటుందో చూపించమని వస్తుంది. అప్పుడు ప్రేమ్ శృతి లు గొడవ పడడం మొదలు పెడతారు. అప్పుడు శృతి ప్రేమ్ తో, ఇన్నాళ్లు నువ్వు నన్ను ప్రేమించావు అనుకున్నాను కానీ ఇది నటనని తెలియలేదు అని అంటుంది. అప్పుడు ప్రేమ్, నువ్వే నటించావు నీ దగ్గర ప్రేమ లేదు అని అంటాడు. అందరూ ఆశ్చర్యపోతారు. ఇంతటితో ఎపిసోడ్ ముగుస్తుంది.తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!