Samantha Top 5 Hits: సమంత కెరీర్‌లో బాక్సాఫీస్ దుమ్ముదులిపిన టాప్ 5 సినిమాలు.. తిరుగులేని స్టార్ ని చేసింది ఇవే

Samantha Top 5 Hits: సమంత త్వరలో బిగ్‌ స్క్రీన్‌ పై మెరవబోతుంది. అయితే సమంత కెరీర్‌లో బ్లాక్‌బస్టర్ హిట్టయిన చిత్రాలు చాలా ఉన్నాయి. వాటిలో బాక్సాఫీస్ వద్ద అత్యధిక వసూళ్లు సాధించిన టాప్ 5 సినిమాలేంటో  చూద్దాం. 

Image Credit : Instagram

అనేక సవాళ్లని ఫేస్ చేసి స్టార్‌గా ఎదిగిన సమంత

తెలుగు, తమిళ సినీ పరిశ్రమలో సమంత తనకంటూ ప్రత్యేక గుర్తింపు తెచ్చుకున్నారు. తన నటనతో స్టార్ హీరోయిన్‌గా ఎదిగారు. కెరీర్ పీక్స్‌లో ఉన్నప్పుడే పెళ్లి చేసుకున్నా, నటనను మాత్రం వదల్లేదు. ఆ తర్వాత విడాకులు, మయోసైటిస్ వ్యాధితో బాధపడటం వంటి ఎన్నో సవాళ్లను దాటుకుని ఇప్పటికీ నటిస్తూనే ఉన్నారు. మరి ఆమె కెరీర్‌లో అత్యధిక వసూళ్లు చేసిన 5 సినిమా లిస్ట్ చూస్తే. 

Image Credit : instagram

పుష్ప: ది రైజ్

2021లో అల్లు అర్జున్ హీరోగా వచ్చిన ఈ సినిమాకు సుకుమార్ దర్శకత్వం వహించారు. ఇందులో రష్మిక మందన్న హీరోయిన్ అయినా, 'ఊ అంటావా మావా' ఒక్క పాటతో సమంత దేశవ్యాప్తంగా క్రేజ్ సంపాదించారు. హీరోయిన్‌కి మించిన క్రేజ్‌ ఇందులో సమంతకి ఈ పాట ద్వారా వచ్చిందంటే అతిశయోక్తి కాదు.  అల్లు అర్జున్‌తో సమానంగా అభిమానులు సమంతకు కటౌట్లు పెట్టి సెలబ్రేట్ చేశారు. ఈ సినిమా రూ.365 కోట్లకు పైగా వసూలు చేసింది.

Image Credit : our own

రంగస్థలం

2018లో వచ్చిన 'రంగస్థలం' పల్లెటూరి నేపథ్యంలో తెరకెక్కింది.  ఈ సినిమా బాక్సాఫీస్ వద్ద భారీ విజయం సాధించింది. రామ్ చరణ్ హీరోగా నటించిన ఈ సినిమాలో, సమంత రామలక్ష్మి పాత్రలో అద్భుతంగా నటించారు. ఇది సమంత కెరీర్‌లో  మలుపు తిప్పిందని చెప్పొచ్చు. ఈ మూవీ బాక్సాఫీస్ వద్ద రూ.214 కోట్లు వసూలు చేసింది.

Image Credit : samantharuthprabhuoffl instagram

తెరి

2016లో తమిళంలో వచ్చిన 'తెరి' సినిమాకు అట్లీ దర్శకత్వం వహించారు. విజయ్ హీరోగా నటించిన ఈ యాక్షన్ ఎంటర్‌టైనర్‌లో, సమంత మిత్ర అనే డాక్టర్ పాత్రలో కనిపించారు. ఈ సినిమా బాక్సాఫీస్ వద్ద సుమారు రూ.150-160 కోట్ల వరకు వసూలు చేసింది.

Image Credit : samantharuthprabhuoffl instagram

మహానటి

నాగ్ అశ్విన్ దర్శకత్వంలో 2018లో వచ్చిన ఈ సినిమా, దివంగత నటి సావిత్రి జీవిత కథ ఆధారంగా తెరకెక్కింది. ఇందులో కీర్తి సురేష్ ప్రధాన పాత్ర పోషించినప్పటికీ, సమంత పాత్రకు కూడా ఎంతో ప్రాధాన్యం ఉంది. ఆమె నటనకు మంచి ప్రశంసలు దక్కాయి. ఈ చిత్రం రూ.85 నుంచి 90 కోట్ల వరకు వసూళ్లు సాధించింది.

Image Credit : samantharuthprabhuoffl instagram

ఏ మాయ చేశావే

సమంత సినీ కెరీర్‌కు పునాది వేసిన సినిమా 'ఏ మాయ చేశావే'. ఈ చిత్రంతోనే ఆమె హీరోయిన్‌గా తెలుగు తెరకు పరిచయమయ్యారు. గౌతమ్ మీనన్ దర్శకత్వం వహించిన ఈ సినిమాలో నాగ చైతన్య హీరోగా నటించారు. తమిళ 'విన్నైతాండి వరువాయా'కు ఇది తెలుగు వెర్షన్. ఈ సినిమా రూ.30 నుంచి 35 కోట్ల వరకు వసూలు చేసింది. నేడు సమంత 39వ పుట్టిన రోజుని సెలబ్రేట్‌ చేసుకుంటున్నారు. ఇదిలా ఉంటే ప్రస్తుతం `మా ఇంటి బంగారం` చిత్రంతో రాబోతుంది. త్వరలోనే ఇది రిలీజ్‌ కానుంది.