Rajinikanth: రజినీకాంత్‌ను బిచ్చగాడనుకొని 10 రూపాయలు వేసిన మహిళ.. రజినీ రియాక్షన్ ఇదే

Rajinikanth: ఓసారి రజినీకాంత్ ను చూసి ఒక మహిళ బిచ్చగాడనుకుంది. ఆయన అవతారం చూసి జాలితో తన దగ్గరున్న 10 రూపాయలు చేతిలో పెట్టింది. ఆ తరవాత అతను సూపర్ స్టార్ రజినీ అని తెలిశాక ఏ చేసిందో తెలుసుకోండి. 

Image Credit : Instagram

నిజజీవితంలో సింపుల్ గా ఉండే రజినీ

సినిమాల్లో రజినీకాంత్‌ సూపర్ స్టార్. కానీ నిజజీవితంలో ఆయన చాలా సింపుల్ గా ఉంటారు. కింద కూర్చోవడానికి ఏమాత్ర సందేహించరు. ఆయన సింప్లిసిటీ వల్ల కొన్ని సార్లు ఆయన అభిమానులు సైతం అతడిని పోల్చుకోలేరు.  ఓ మహిళ రజనీని పోల్చుకోలేక బిచ్చగాడు అనుకుని 10 రూపాయలు భిక్షం వేసింది. ఈ ఘటన ఎప్పుడు, ఎక్కడ జరిగిందో తెలుసా? 

Image Credit : instagram

శివాజీ సినిమా షూటింగ్లో

రజినీకాంత్‌కు తన సినిమా హిట్ కొడితే హిమాలయాలకు వెళ్లడం, గుళ్లకు వెళ్లడం అలవాటు. 'శివాజి' సినిమా బాక్సాఫీస్‌ను షేక్ చేసిన విషయం అందరికీ తెలిసిందే. ఆ సమయంలో ఆయన ఓ గుడికి వెళ్లాలనుకున్నారు.  కానీ సూపర్‌స్టార్‌గా కాకుండా ఎలాంటి సెక్యూరిటీ లేకుండా వెళ్లారు. తనతో పాటూ బౌన్సర్లను రావొద్దని చెప్పారు. తెల్ల పంచె, చొక్కా వేసుకుని ఒంటరిగా గుడికి వెళ్లారు. దేవుడి దర్శనం తర్వాత గుడి బయట మెట్లపై కాసేపు కూర్చున్నారు. అప్పుడే అక్కడికి ఓ వృద్ధురాలు వచ్చారు. మెట్లపై కూర్చున్న వ్యక్తి రజినీకాంత్ అని ఆమెకు తెలియదు. తెల్ల పంచె, గడ్డంతో ఉన్న ఆయన్ను చూసి, ఎవరో పేదవాడు, బిచ్చగాడు అనుకున్నారు. జాలితో తన దగ్గరున్న 10 రూపాయల నోటును రజినీకాంత్ చేతిలో పెట్టారు.

Image Credit : Rajinikanth\Instagram

ఆ డబ్బును ఏం చేశారు?

అప్పుడు రజినీకాంత్ ఎలాంటి కోపాన్ని ప్రదర్శించలేదు.  ఆ మహిళ ఇచ్చిన 10 రూపాయలను ఎంతో ప్రేమగా, చిన్న నవ్వుతో రెండు చేతులతో స్వీకరించారు. తరువాత మెట్లపై నుంచి లేచి తన కారు వైపు నడిచారు. ఆయన కోసం ఎదురుచూస్తున్న లగ్జరీ కారు, ఆయన కోసం ఎదురుచూస్తున్న సెక్యూరిటీ, జనాలు చూసి ఆ మహిళ షాక్ అయింది. తను బిచ్చగాడు అనుకుని 10 రూపాయలు ఇచ్చింది రజినీకాంత్ కి అన్న విషయం ఆమెకు అర్థమైంది.

Image Credit : Rajinikanth\Instagram

క్షమించమని అడిగిన మహిళ

వెంటనే ఆమె రజినీకాంత్ దగ్గరకు పరుగెత్తుకెళ్లి, 'నన్ను క్షమించండి. దయచేసి క్షమించండి. మీరు ఎవరో నాకు నిజంగా తెలియదు' అని వేడుకుంది. అప్పుడు రజినీకాంత్ ఆ మహిళతో  'అమ్మా, మీరు నన్ను క్షమించమని అడగకండి. నిజానికి ఇది దేవుడే నాకు గుర్తుచేస్తున్న ఒక అద్భుతమైన పాఠం. నా అసలు స్వరూపం ఏంటో దేవుడు మీ ద్వారా నాకు తెలియజేశాడు. దేవుడి ముందు మనమందరం బిచ్చగాళ్లమే. ఆయన దర్బారులో మన యోగ్యత, అంతస్తు, డబ్బు దేనికీ విలువ లేదు. అందరూ ఒక్కటే' అన్నారు.

ఆయన ఇంకా మాట్లాడుతూ, 'నాకు ఎలాంటి అహంకారం, గర్వం రాకుండా ఆపడానికే దేవుడు మీ ద్వారా నాకు సందేశం ఇచ్చారు. మీరు ఇచ్చిన ఈ 10 రూపాయలు నాకు కేవలం డబ్బు కాదు, ఇది సాక్షాత్తు భగవంతుడు ఇచ్చిన ఆశీర్వాదం' అని చెప్పారు. ఆ మహిళ ఇచ్చిన 10 రూపాయల నోటును చివరి వరకు తన దగ్గరే భద్రంగా ఉంచుకుంటానని చెప్పారు. ఇప్పటికీ ఆ 10 రూపాయల నోటు రజినీకాంత్ దగ్గర ఓ పవిత్రమైన జ్ఞాపకంగా ఉంది.