సమంత, అనుష్క, కాజల్, తమన్నా, కీర్తి, శృతి, పూజా,రష్మిక... 2023లో మన పాపలు ఫుల్ బిజీ అబ్బా!

2022 హీరోయిన్స్ కి కట్టామీఠా అనుభవాలతో ముగిసింది. కిందపడినా మీదపడినా ప్రయాణం ఆగకూడదు కాబట్టి, కొత్త ఆశలతో టాలీవుడ్ స్టార్ లేడీస్ 2023లో తెగ శ్రమించనున్నారు.  

Tollywood Star Heroines

ఈ ఏడాది సమంత, పూజా, కీర్తి, రష్మిక, తమన్నా, కాజల్ తో పాటు పలువురు స్టార్ హీరోయిన్స్ క్యాలెండర్ ఫుల్ బిజీగా ఉంది. వరుస చిత్రాలతో హోరెత్తించనున్నారు. మరి ఎవరెవరు ఏం సినిమాలు చేస్తున్నారో చూద్దాం... 

బాహుబలి 2 అనంతరం అనుష్క చాలా స్లో అయ్యారు. చివరిగా 2020లో నిశ్శబ్దం మూవీతో ప్రేక్షకులను పలకరించారు . ప్రస్తుతం అనుష్క శెట్టి యంగ్ హీరో నవీన్ పోలిశెట్టికి జంటగా రొమాంటిక్ కామెడీ ఎంటర్టైనర్ చేస్తున్నారు. 

సమంత నటించిన శాకుంతలం మూవీ ఫిబ్రవరి 17న విడుదల కానుంది. ఐతే సమంత ది ఫ్యామిలీ మాన్ మేకర్స్ రాజ్ అండ్ డీకే లతో సిటాడెల్ సిరీస్ షూట్ కి సిద్ధం అవుతున్నారు.  

వివాహం తర్వాత కాజల్ కెరీర్ నెమ్మదించింది. ప్రస్తుతం ఆమె కమల్ హాసన్ కి జంటగా భారతీయుడు 2 చిత్రం చేస్తున్నారు. దర్శకుడు శంకర్ తెరకెక్కిస్తున్న భారతీయుడు 2 షూట్ చివరి దశకు చేరింది. కొన్ని ప్రాజెక్ట్స్ చర్చల దశలో ఉన్నాయి. 

కీర్తి సురేష్ నాలుగైదు ప్రాజెక్ట్స్ తో ఫుల్ బిజీగా ఉంది. తెలుగులో ఆమె నానికి జంటగా దసరా చిత్రం చేస్తున్నారు. ఇది పాన్ ఇండియా మూవీగా విడుదల కానుంది. 

తమన్నా చిరంజీవికి జంటగా భోళా శంకర్ చిత్రంలో నటిస్తున్నారు. అలాగే రజినీకాంత్ తో తొలిసారి జైలర్ లో జత కట్టనున్నారు.  

పూజా హెగ్డే మహేష్ తో రెండోసారి జతకడుతుంది. ఎస్ఎస్ఎంబి 28లో ఆమె నటిస్తున్నారు. తాజాగా ఈ చిత్ర షెడ్యూల్ మొదలైంది. సల్మాన్ కి జంటగా కిసీ కా జాన్ కిసీ కి భాయ్ చిత్రంలో నటిస్తున్నారు. 

కృతి శెట్టికి గత ఏడాది కలిసిరాలేదు. ప్రస్తుతం ఆమె నాగ చైతన్యకు జంటగా కస్టడీ చిత్రం చేస్తున్నారు. అలాగే ఓ మలయాళ చిత్రం ప్రకటించారు.  

రష్మిక మందాన 2023లో రెండు ప్రాజెక్ట్స్ విడుదల చేశారు. ఆమె నటించిన వారసుడు, మిషన్ మజ్ను జనవరిలో విడుదలయ్యాయి. యానిమల్, పుష్ప 2 వంటి భారీ పాన్ ఇండియా చిత్రాలు చేస్తున్నారు.

శృతి హాసన్ వాల్తేరు వీరయ్య, వీరసింహారెడ్డి చిత్రాల రూపంలో రెండు భారీ హిట్స్ ఖాతాలో వేసుకుంది. ప్రభాస్ కి జంటగా పాన్ ఇండియా మూవీ సలార్ చేస్తున్నారు. 'ది ఐ' టైటిల్ తో ఇంగ్లీష్ మూవీ ప్రకటించారు.

నయనతార షారుక్ ఖాన్ కి జంటగా జవాన్ చిత్రం చేస్తున్నారు. దర్శకుడు అట్లీ ఈ చిత్ర దర్శకుడిగా ఉన్నారు. అలాగే ఓ తమిళ చిత్రంలో నయనతార నటిస్తున్నారు.