ఆ స్టార్ హీరో మూవీ రీమేక్ చేయమని అడిగిన సమంత..ఇకపై నోరెత్తకుండా మహేష్ దిమ్మతిరిగే సమాధానం

టాలీవుడ్ లో రీమేక్ చిత్రాల జోలికి పోని స్టార్ హీరోలు కొందరు ఉన్నారు. వారిలో సూపర్ స్టార్ మహేష్ బాబు ఒకరు. ఒరిజినల్ స్టోరీలతోనే మహేష్ బాబు సినిమా చేస్తున్నారు. రీమేక్ సినిమాలు చేయనని నిర్మొహమాటంగా మహేష్ చెప్పేశారు. అయితే ఈ విషయంలో మహేష్ బాబుకి, సమంతకి మధ్య ఆసక్తికర సంభాషణ జరిగింది. 

మహేష్ బాబు, సమంత దూకుడు, సీతమ్మ వాకిట్లో సిరిమల్లె చెట్టు లాంటి సూపర్ హిట్ చిత్రాల్లో నటించారు. సమంత మహేష్ బాబుని ఒక సందర్భంలో ఇంటర్వ్యూ చేసింది. ఈ ఇంటర్వ్యూలో సమంత రీమేక్ చిత్రాల గురించి అడిగింది. ఆ ఇంటర్వ్యూ జరుగుతున్న సమయంలో సమంత.. రీసెంట్ గా ఏ సినిమా చూశారు అని ప్రశ్నించింది. దీనికి మహేష్ బాబు.. విజయ్ కత్తి సినిమా చూశాను. చాలా బాగా నచ్చింది అని సమాధానం ఇచ్చారు. 

బిగ్ బాస్ అప్డేట్స్ కోసం ఇక్కడ క్లిక్ చేయండి

అయితే రీమేక్ చేయండి అని సమంత అడిగింది. అప్పటి వరకు మహేష్ పై సమంత చాలా జోకులు వేస్తూ ప్రశ్నలు అడిగింది. దీనితో మహేష్ బాబు దిమ్మతిరిగేలా సమాధానం ఇచ్చారు. కత్తి సినిమాని నేను రీమేక్ చేయను. అసలు ఏ సినిమాని నేను రీమేక్ చేయను అని మహేష్ తెలిపారు. సమంత స్పందిస్తూ.. అవును మీ సినిమాలన్నీ విజయ్ రీమేక్ చేస్తున్నాడు కదా అని తెలిపింది. 

రీమేక్స్ చేసే వాళ్ళని నేను తగ్గించను. నేను చేయకపోవడానికి కారణం ఉంది. ఆల్రెడీ సిల్వర్ స్క్రీన్ పైకి వచ్చిన కథని రీమేక్ చేస్తుంటే.. షూటింగ్ లో సైతం ఆ హీరోనే గుర్తుకు వస్తాడు. మనం కొత్తగా చేస్తున్నాం అనే ఆసక్తి ఉండదు. అలాంటప్పుడు రీమేక్ చేయడం ఎందుకు అని మహేష్ ప్రశ్నించారు. కత్తి సినిమా రీమేక్ చేయమంటే నాకు విజయ్ మాత్రమే గుర్తుకు వస్తాడు. అలాంటప్పుడు నేనెలా చేయగలను. 

మహేష్ తో సరదాగా పంచ్ లు వేసే ప్రయత్నం చేసింది సమంత. మీతో నటించిన హీరోయిన్లలో ఎవరంటే ఇష్టం అని అడిగింది. మీకు ఇష్టమైన హీరోయిన్ నేనే అని తెలుసు.. కానీ నా పేరు కాకుండా ఇంకెవరి పేరైనా చెప్పండి అని సమంత నవ్వుతూ  అడిగింది. దీనికి మహేష్ అంతే సరదాగా సమాధానం ఇచ్చారు. నాకు ఇష్టమైన హీరోయిన్ నే పెళ్లి  చేసుకున్నాను అని నమ్రత గురించి తెలిపాడు. 

ఆ ఇంటర్వ్యూలో త్రివిక్రమ్ కూడా ఉన్నారు. దీనితో సమంత మీరిద్దరూ మరో సినిమా ఎప్పుడు చేస్తున్నారు ? అందులో హీరోయిన్ నేనే కదా అని ఫన్నీగా అడిగింది. మహేష్ బాబు సమాధానం ఇస్తూ మేమిద్దరం సినిమా చేస్తాం కానీ.. హీరోయిన్ నువ్వో కాదో తెలియదు అని చెప్పారు. దీనికి సమంత నవ్వేసింది. ఇక తనపై సెటైర్లు వేయకుండా మహేష్ బాబు సమంతకి కౌంటర్ ఇచ్చారు.