21 ఏళ్ళ సైఫ్ అలీ ఖాన్ 30 ప్లస్ అమృత సింగ్ ని ఎందుకు పెళ్లి చేసుకున్నాడో తెలుసా..అప్పట్లో పెద్ద రచ్చ

సైఫ్ అలీ ఖాన్ గురువారం తెల్లవారుజామున తన ఇంట్లో గుర్తు తెలియని దుండగుడి చేతులో కత్తిపోట్లకు గురైన సంగతి తెలిసిందే. బలమైన గాయాలు కావడంతో సైఫ్ అలీ ఖాన్ ప్రస్తుతం ముంబైలోని లీలావతి ఆసుపత్రిలో చికిత్స పొందుతున్నారు .

సైఫ్ అలీ ఖాన్ గురువారం తెల్లవారుజామున తన ఇంట్లో గుర్తు తెలియని దుండగుడి చేతులో కత్తిపోట్లకు గురైన సంగతి తెలిసిందే. బలమైన గాయాలు కావడంతో సైఫ్ అలీ ఖాన్ ప్రస్తుతం ముంబైలోని లీలావతి ఆసుపత్రిలో చికిత్స పొందుతున్నారు . వెన్నెముక దగ్గర బలంగా కత్తి దిగడంతో వైద్యులు సైఫ్ కి సర్జరీ చేశారు. సైఫ్ కి ప్రాణాపాయం లేదని వైద్యులు తేల్చేశారు. 

కాకపోతే కొన్ని రోజులు ఐసియులో పరిశీలనలో ఉంచాలని తెలిపారు. సైఫ్ అలీ ఖాన్ పై జరిగిన దాడి సంఘటనతో అతడి కుటుంబ విషయాలు సోషల్ మీడియాలో వైరల్ అవుతున్నాయి. సైఫ్ అలీ ఖాన్ వయసు ప్రస్తుతం 54 ఏళ్ళు. ఐదు పదుల వయసులో కూడా సైఫ్ ఫిట్ గా ఉంటూ పాన్ ఇండియా చిత్రాల్లో నటిస్తున్నారు. ప్రభాస్ ఆదిపురుష్, ఎన్టీఆర్ దేవర చిత్రాల్లో సైఫ్ నెగిటివ్ పాత్రల్లో నటించారు. 

సైఫ్ అలీ ఖాన్ రాజా కుటుంబానికి చెందిన వ్యక్తి. సైఫ్ తండ్రి మన్సూర్ అలీ ఖాన్ పటౌడీ అప్పట్లో ప్రఖ్యాత క్రికెటర్ గా రాణించారు. వీరికి వేల కోట్ల ఆస్తులు ఉన్నాయి. వీరికి వారసత్వంగా వచ్చిన ప్యాలెస్ కూడా ఉంది. తమకన్నా వయసు ఎక్కువ ఉన్న అమ్మాయిలని వివాహం చేసుకోవడం ఇప్పుడు ట్రెండ్ గా మారింది. కానీ సైఫ్ అలీ ఖాన్ అప్పట్లోనే సంచలనం సృష్టించారు. 

సైఫ్ అలీ ఖాన్ మొదటి భార్య అమృత సింగ్. వీరిద్దరికీ ఇబ్రహీం అలీ ఖాన్, సారా అలీ ఖాన్ సంతానం. 20 ఏళ్ళ నూనూగు మీసాల వయసులోనే సైఫ్ అలీ ఖాన్.. అమృత సింగ్ ప్రేమలో పడ్డాడు. అమృత సింగ్.. సైఫ్ కంటే 12 ఏళ్ళు వయసులో పెద్దది. అయినా వీరి ప్రేమకి వయసు అడ్డు కాలేదు. తొలి చూపులోనే వీరిద్దరి మధ్య ప్రేమ చిగురించింది. ఫస్ట్ టైం ఇద్దరూ డిన్నర్ కి మీట్ అయ్యాక పెళ్లి చేసుకోవాలని ఫిక్స్ అయ్యారు. ఆ విధంగా 21 ఏళ్ళ వయసులో సైఫ్ అలీ ఖాన్ థర్టీ ప్లస్ ఏజ్ ఉన్న అమృత సింగ్ ని వివాహం చేసుకున్నాడు. 1991లో వీరిద్దరి వివాహం జరిగింది. 

అమృత సింగ్  అప్పటికే బాలీవుడ్ లో గుర్తింపు ఉన్న హీరోయిన్ గా రాణిస్తున్నారు. పెళ్లి తర్వాత అమృత సింగ్ సినిమాలకు బ్రేక్ ఇచ్చింది. సారా అలీ ఖాన్, ఇబ్రహీం అలీ ఖాన్ సంతానం కలిగారు. 13 ఏళ్ళ దాంపత్య జీవితం తర్వాత వీరిద్దరూ విభేదాలు కారణంగా విడిపోయారు. ఆ టైంలో పెద్ద రచ్చే జరిగింది. ఆ టైంలో అమృత సింగ్.. సైఫ్ ని విలువలేని వ్యక్తిగా దూషించింది. ఆమెకి భరణంగా 5 కోట్లు ఇచ్చేందుకు ఆ టైంలో సైఫ్ అంగీకరించారు. 2.5 కోట్లని వెంటనే చెల్లించారట. మిగిలిన మొత్తం తర్వాత రోజుల్లో ఇచ్చారు. అంతే కాకుండా పిల్లల సంరక్షణ కోసం నెలకి లక్ష రూపాయలు అమృత సింగ్ కి సైఫ్ ఇచ్చేవాడట. 

ఓ ఇంటర్వ్యూలో అమృత సింగ్ మాట్లాడుతూ విడాకుల గురించి అడగగా.. అది తన ప్రైవేట్ మ్యారేజ్ అని ఇలా బహిరంగంగా దాని గురించి మాట్లాడను అని పేర్కొంది. అమృత సింగ్ తో విడిపోయిన తర్వాత సైఫ్ అలీ ఖాన్.. కరీనా కపూర్ ని వివాహం చేసుకున్నారు.