సాయి పల్లవి బాలీవుడ్ ఎంట్రీ, అమీర్ ఖాన్ తనయుడి జోడీగా నేచురల్ స్టార్..

సినిమాల విషయంలో అందరికంటే చాలా డిఫరెంట్ గా ఉంటుంది సాయి పల్లవి ఆ విషయం అందరికి తెలిసిందే. ఇప్పటి వరకూ సౌత్ సినిమాలకే పరిమితం అయిన ఈ బ్యూటీ.. ఇప్పుడు బాలీవుడ్ ఎంట్రీకి రెడీ అయ్యిందట..? 

Sai Pallavi

సాయిపల్లవి గురించి ప్రత్యేకంగా చెప్పాల్సిన అవసరం లేదు.  సినిమాల విషయంలో సాయి పల్లవి నిర్ణయాల గురించి  కూడా ప్రత్యేకంగా చెప్పాల్సిన పనిలేదు. ఎంత పెద్ద స్టార్ అయినా సరే.. సినిమా కథ నచ్చితేనే ఆమె సినిమా చేస్తుంది. అలా నచ్చకనే.. మహేష్ బాబు, చిరంజీవి సినిమాలను కూడా రిజెక్ట్ చేసింది నేచురల్ బ్యూటీ. 

ఇక ఇప్పటి వరకూ అలానే సినిమాలు చేసుకుంటూ వస్తుంది.  గెలుపు ఓటములు లెక్క చేయకుండా సాయి పల్లవి తనకంటూ  ఓ స్పెసల్  ఇమేజ్ న సాధించింది. సౌత్ లో  తెలుగు .. తమిళ .. మలయాళ భాషల్లో మంచి క్రేజ్ ఉంది సాయి పల్లవికి.  అయితే ఏ భాషలోనైనా తనకి నచ్చిన కథలను .. పాత్రలను చేయడమే సాయిపల్లవికి అలవాటు. తనకి కథ నచ్చితేనే ఆమె గ్రీన్ సిగ్నల్ ఇస్తుంది  

తనకు నచ్చే  కథ వచ్చేవరకూ వెయిట్ చేస్తుంది సాయి పల్లవి. అంతే కాదు హీరోయిన్ పాత్రకు యాక్టింగ్ స్కోప్ ఉండాలి అంటుంది. అందువలన సహజంగానే సాయి పల్లవి సినిమాలకు కాస్త గ్యాప్ వస్తూ ఉంటుంది. తెలుగులో 'విరాటపర్వం' తరువాత ఆమెకి అలాంటి గ్యాప్ నే వచ్చింది. తెలుగు నుంచి సాయిపల్లవికి నచ్చే కథ వెళ్లకపోవడంతో, ఆమె తమిళంలో ఒక సినిమా చేస్తోంది. 

తాజాగా సాయి పల్లవికి సబంధించిన ఓ న్యూస్ వైరల్ అవుతోంది. ప్రస్తుతం తమిళంలో శివ కార్తికేయన్ జోడీగా సినిమా చేస్తున్న ఈ బ్యూటీ.. ఈసినిమా తరువాత   బాలీవుడ్ ఎంట్రీ ఇవ్వనుందనే టాక్  బలంగా వినిపిస్తోంది. అదికూడా బాలీవుడ్ స్టార్ హీరో.. మల్టీ టాలెంటెడ్ స్టార్... మిస్టర్ ఫర్ఫెక్ట్ ఆమిర్ ఖాన్ తనయుడు జునైద్ ఖాన్ హీరోగా ఈసినిమా తెరకెక్కబోతుందట. 

అయితే బాలీవుడ్  దర్శకుడు సునీల్ పాండే ఈసినిమాను తెరకెక్కిస్తున్నట్టు సమాచారం. ఈ సినిమాలో  హీరోయిన్ గా సాయిపల్లవిని దాదాపు ఫిక్స్ చేసినట్టు తెలుస్తోంది. అయితే సాయి పల్లవికి కూడా ఈ సినిమా కథ బాగా నచ్చిందట. అందుకే వెంటనే ఆమూవీ ఎంపిక చేసుకున్నారనే ప్రచారం జరుగుతోంది. 

ఇక ఇదే విషయం  నిజమైతే సాయిపల్లవి బాలీవుడ్ ఎంట్రీ  గట్టిగా ఫిక్స్ అయినట్టే..సాయి పల్లవికి ఇదే ఫస్ట్ డైరెక్టర్ బాలీవుడ్ మూవీ అవుతుంది.  సౌత్ ఆడియన్స్ లా సాయిపల్లవి నటనకి .. డాన్స్ కి అక్కడి ప్రేక్షకుల నుంచి కూడా ఇదే స్పందన వస్తుంది అనడంలో ఎలాంటి సందేహం లేదు.