రష్మిక, సమంత, నయనతారలకు సాయి పల్లవి ఝలక్... ఒక్క మూవీతో తొక్కేసిందిగా!

సౌత్ ఇండియాలో టాప్ హీరోయిన్స్ గా ఉన్నారు రష్మిక మందాన, సమంత, నయనతార. వీరిలో నయనతార అందరికంటే ఎక్కువ రెమ్యూనరేషన్ తీసుకుంటున్నారనే టాక్ ఉంది. లేడీ ఓరియెంటెడ్ చిత్రానికి అయితే ఆమె రూ. 7-10 కోట్లు అడుగుతున్నారట. 
 

నయనతార తర్వాత సమంత, రష్మిక మందాన అత్యధిక రెమ్యూనరేషన్ తీసుకునే హీరోయిన్స్ గా ఉన్నారు. వరుస విజయాలతో దూసుకుపోతున్న సమంత, రష్మిక మందాన సినిమాకు రూ. 5-6 కోట్లు తీసుకుంటున్నారని సమాచారం. సమంత అయితే అటు వెబ్ సిరీస్లలో కూడా సందడి చేస్తుంది. 
 

ఈ ముగ్గురు సౌత్ ఇండియా స్టార్స్ ని టైర్ టు హీరోయిన్ గా ఉన్న సాయి పల్లవి బీట్ చేసింది. ఇది అనూహ్య పరిణామం. సాయి పల్లవి కమర్షియల్ హీరోయిన్ కాదు. ఆమెకు స్టార్ హీరోయిన్ స్టేటస్ లేదు. అలాగే సాయి పల్లవి గ్లామరస్ రోల్స్ చేయరు. నటనకు ప్రాధాన్యత ఉన్న పాత్రలు మాత్రమే చేస్తుంది.

ramayanaకాగా హోమ్లీ బ్యూటీని ఒక గోల్డెన్ ఆఫర్ వెతుక్కుంటూ వచ్చింది. అదే రామాయణం ప్రాజెక్ట్. హిందీతో పాటు పలు  భాషల్లో భారీగా రామాయణం మూవీని తెరకెక్కించేందుకు మేకర్స్ ప్లాన్ చేస్తున్నారు. రన్బీర్ కపూర్ రాముడిగా నటిస్తున్న ఈ చిత్రంలో సీత పాత్ర సాయి పల్లవి చేస్తుంది. 

తాజాగా కెజిఎఫ్ స్టార్ యష్ కూడా జాయిన్ అయ్యాడు. ఆయన నిర్మాణ భాగస్వామిగా ఉంటూ ఓ ప్రధాన పాత్ర చేయనున్నారు. ఈ మేరకు అధికారిక ప్రకటన కూడా వచ్చింది. దర్శకుడు నితేశ్ తివారి మూడు భాగాలుగా రామాయణం తెరకెక్కించనున్నారని సమాచారం. 
 

రామాయణం లో సీత పాత్రకు గానూ సాయి పల్లవి రూ. 10-15 కోట్లు తీసుకుంటుందట . ఇది ఆమె రెగ్యులర్ రెమ్యూనరేషన్ కి ఐదారు రెట్లు ఎక్కువ. సాధారణంగా సాయి పల్లవి సినిమాకు రూ. 2 కోట్లు తీసుకుంటుంది. తన పాత్ర నచ్చితే అంతకంటే తక్కువ కూడా తీసుకుంటుంది. అలాంటిది ఒక్క ప్రాజెక్ట్ కోసం పది కోట్లకు పైగా రెమ్యూనరేషన్ అంటే సాధారణ విషయం కాదు.. 

త్వరలో రామాయణం పట్టాలెక్కనుంది. మంచి నటిగా పేరున్న సాయి పల్లవి సీత పాత్రలో ఏ మేరకు ఆకట్టుకుంటుందో చూడాలి. ఇక రాముడు పాత్ర కోసం రన్బీర్ కపూర్ కసరత్తులు చేస్తూ మేకోవర్ అవుతున్నాడని సమాచారం...