Brahmamudi: అవమానభారంతో కృష్ణమూర్తి.. సప్న బండారం బయటపెట్టిన రుద్రాణి!
Brahmamudi: స్టార్ మా లో ప్రసారమవుతున్న బ్రహ్మముడి సీరియల్ టాప్ సీరియల్స్ కి గట్టి పోటీని ఇస్తూ మంచి రేటింగ్ ని సంపాదించుకుంటుంది. కష్టసుఖాలు కలబోసుకునే ఒక మధ్యతరగతి కుటుంబం కథ ఈ సీరియల్. ఇక ఈరోజు ఆగస్టు ఒకటి ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో ఇల్లు అమ్మడం తప్పదా అని భర్తని అడుగుతుంది కనకం. తప్పదు మధ్యతరగతి వాడికి ఆలోచించుకునే అవకాశం ఉండదు. ఈ ఇల్లు బేరానికి పెట్టి వాళ్ళు ఇచ్చిన అడ్వాన్స్ తో 50,000 వడ్డీ కట్టేద్దాము అంటాడు కృష్ణమూర్తి. ఈ మాటలు విన్న అప్పు ఈ ఇల్లు అమ్మటానికి వీలు లేదు కావ్య అక్కకి ఫోన్ చేద్దాము ఏదైనా సలహా ఇస్తుంది అనుకుంటుంది కానీ తనే ప్రాబ్లమ్స్ లో ఉంది మళ్లీ ఈ ప్రాబ్లం తనకు ఎందుకు.. నేనే ఏదో ఒకటి చేయాలి అనుకుంటుంది.
మరుసటి రోజు పొద్దున్నే వర్కౌట్ చేయకుండా మోడీగా కూర్చున్న అప్పుని ఏం జరిగింది అని అడుగుతాడు కళ్యాణ్. ఏమీ లేదు అంటుంది అప్పుడు అంతలోనే అతని ఫ్రెండ్ వచ్చి ఏదో మాట్లాడుతుంటే కళ్యాణ్ తినకూడదని దూరంగా తీసుకెళ్లి మాట్లాడుతుంది. వచ్చిన ఫ్రెండ్ డబ్బులు అడ్జస్ట్ అవ్వలేదని అప్పు కి సారీ చెప్పి వెళ్ళిపోతాడు. విషయం అర్థం చేసుకున్న కళ్యాణ్ నేను నీ ఫ్రెండ్ నే కదా నేను డబ్బులు అడ్జస్ట్ చేస్తాను అంటాడు.
మన ఇద్దరి ఫ్రెండ్షిప్ మాత్రమే ఆ రిలేషన్ లోకి డబ్బుల వ్యవహారం తీసుకురావడం నాకు ఇష్టం లేదు అంటుంది అప్పు. మరోవైపు భర్తతో పాటు ఆఫీస్ కి వస్తుంది కావ్య. శృతి ఎదురొచ్చి నిజం చెప్పి నన్ను బ్రతికించారు అని కావ్యతో చెప్తుంది. కానీ నా దగ్గర పని చేస్తూ నన్ను మోసం చేసినందుకు నిన్ను అసిస్టెంట్ డిజైనర్ గా డెమోట్ చేస్తున్నాను అంటాడు రాజ్. సార్ ఈ జాబ్ చూసే పెళ్లి వాళ్ళు పెళ్లికి ఒప్పుకున్నారు అని ఏడుపు మొహం పెడుతుంది శృతి.
ఇంతలో మేనేజర్ వచ్చి క్లైంట్స్ వెయిట్ చేస్తున్నారు అని చెప్పడంతో భార్యని అక్కడ నుంచి తీసుకొని చాంబర్లోకి వెళ్తాడు. అక్కడ ఎవరూ లేకపోవడంతో మీటింగ్ మనిద్దరికేనా అని అడుగుతుంది కావ్య. కాదు వాళ్ళు వేరే ఛాంబర్ లో ఉన్నారు. వాళ్ళతో ఎలా మాట్లాడాలో నిన్ను ప్రిపేర్ చేయడానికి ఇక్కడికి తీసుకు వచ్చాను అంటాడు రాజ్. మిడిల్ క్లాస్ వాళ్ళకి కొత్తగా ప్రిపేర్ చేయవలసింది ఏముంది వాళ్లని పిలిపించండి అంటుంది కావ్య.
సరే అంటూ క్లైంట్స్ ని పిలిపిస్తాడు రాజ్. స్వరాజ్ కంపెనీ నుంచి డిజైన్స్ అన్ని కోటీశ్వరులకు వెళ్తున్నాయి కానీ మిడిల్ క్లాస్ వాళ్ళకి కూడా ఆ డిజైన్స్ అందాలి. అందుకే మీ దగ్గరికి వచ్చాము అంటారు వాళ్ళు. మా కంపెనీకి మంచి పేరు ఉంది ఇప్పుడు మధ్యతరగతి వాళ్ళ కోసం మేము క్వాలిటీని తగ్గించి డిజైన్స్ చేయలేము అంటాడు రాజ్. చెయ్యొచ్చు అంటూ ఎలా వీలవుతుందో ఎక్స్ప్లైన్ చేస్తుంది కావ్య. డిజైనర్ని నేనే కాబట్టి డిజైన్స్ వేసిన తర్వాత మళ్లీ ఒకసారి కూర్చుని మాట్లాడుకుందాం అంటుంది.
కావ్య మాటలకి ఇంప్రెస్ అవుతారు ఆ క్లైంట్స్. కాంట్రాక్ట్ వీళ్ళకే ఇచ్చి వెళ్ళిపోతారు. కావ్య కి థాంక్స్ చెప్తాడు రాజ్. మరోవైపు కృష్ణమూర్తి చెప్పడంతో ఇల్లు కొనుక్కోవటానికి వస్తాడు సీతారాం. ఇది తెలియని కనకం ఏం చేస్తున్నారు అని అడుగుతుంది. మీ ఆయన ఇల్లు అమ్మకానికి పెట్టారు అందుకే ఇల్లు చూడటానికి వచ్చాను అంటాడు సీతారాం. అదే సమయంలో కృష్ణమూర్తి కూడా వచ్చి అప్పుని ఇల్లు చూపించమంటాడు. ఇదేమైనా ప్యాలెస్సా అంటూ అవమానకరంగా మాట్లాడుతాడు సీతారాం. ఇంట్లో అప్పులని, బయట మీకున్న చెడ్డ పేరునీ అన్ని కలుపుకొని ఇంటికి 20 లక్షల కంటే ఇవ్వలేను అంటాడు సీతారాం.
ఆలోచించుకొని చెప్తాము అంటాడు కృష్ణమూర్తి. సరే అంటూ అక్కడి నుంచి వెళ్ళిపోతాడు సీతారాం. వీడు మన ఇంటిని నాకెయ్యాలని చూస్తున్నాడు నాన్న.. వీడికి అమ్మొద్దు అంటుంది అప్పు. మరేం చేయటానికి నాకేం పాలు పోవడం లేదు అంటూ బాధగా అక్కడ నుంచి వెళ్ళిపోతాడు కృష్ణమూర్తి. మరోవైపు ఇంటికి వచ్చిన కావ్య తో ఇంటి పరిస్థితి గురించి చెప్తాడు కళ్యాణ్. అంత డబ్బు అంటే ఎక్కడి నుంచి తేవటం అని కంగారుపడుతుంది కావ్య.
గదిలో నుంచి చూస్తున్న రాజ్ వాళ్ళిద్దరూ ఏం మాట్లాడుకుంటున్నారు, ఎందుకు కావ్య కంగారు పడుతుంది అనుకుంటాడు. డబ్బులు నేను ఇస్తాను అంటాడు కళ్యాణ్. వద్దు నేనే ఏదో ఒకటి ఆలోచిస్తాను అంటూ బాధగా తన గదిలోకి వెళ్ళిపోతుంది కావ్య. తరువాయి భాగంలో స్వప్న వేసుకుంటున్న టాబ్లెట్లు చూస్తుంది రుద్రాణి. ఈ టాబ్లెట్లు వేసుకుంటుంది ఏంటి అంటే తనకి ప్రెగ్నెన్సీ లేదా అని షాక్ అవుతుంది అదే విషయాన్ని కొడుకుతో కలిసి మరీ స్వప్నని నిలదీస్తుంది.