RRR PRE RELEASE: ఆర్ఆర్ఆర్ ప్రీ రిలీజ్ కు అంతా రెడీ.. చీఫ్ గెస్ట్ ఎవరో తెలుసా..?

ట్రిపుల్ ఆర్ ప్రిరిలీజ్ ఈవెంట్ కు అంతా రెడీ అయ్యింది. అన్ని భాషల్లో ప్రమోష్స్ కు రాజమౌళి టీమ్ సిద్థం అయ్యారు. ముంబయ్ లో ప్రీరిలీజ్ తో మొదలు పెట్టి..పాన్ ఇండియా లెవల్లో హడావిడి చేయబోతున్నారు.

ముంబైలోని ఫిల్మ్ సిటీలో 'ఆర్ఆర్ఆర్' ప్రిరిలీజ్ కు గ్రాండ్ గా ఏర్పాట్లు జరిగాయి. ఇప్పటికే ముంబయ్ చేరుకున్న మన హీరోలు ఎన్టీఆర్, రామ్ చ‌ర‌ణ్ దగ్గరుండి ఏర్పాట్లు పరిశీలిస్తున్నారు. అక్కడ వారు దిగిన ఫోటోస్ వైర‌ల్ అవుతున్నాయి. అలాగే, ముంబై విమానాశ్ర‌యంలో ఆ ఇద్ద‌రు హీరోలు దిగిన ఫొటోలు కూడా సోషల్ మీడియాలో చక్కర్లు కోడుతున్నాయి.

దాదాపు 500 కోట్లతో నిర్మాత డీవీవీ దానయ్య ఈ సినిమాను తెరకెక్కించారు. కరోనా వల్ల షూటింగ్ లేట్ అవుతూ వచ్చింది. అయినా సరే పక్కా ప్లాన్ ప్రకారం షూటింగ్ చేసుకుంటూ వెళ్ళారు టీమ్. రిలీజ్ డేట్ కూడా రెండు సార్లు పోస్ట్ పోన్ చేశారు. ఇక ఫైనల్ డేట్ గా జనవరి 7 ను ప్రకటించారు. ఇక ముంబ్ లో జరిగే ఈవెంట్ లో ట్రిపుల్ ఆర్ స్టార్ కాస్ట్ అంతా పాల్గోనబోతున్నట్టు తెలుస్తోంది.

ఆలియా భట్, ఒలీవియో హీరోయిన్లు గా నటించిన ఈమూవీలో అజయ్ దేవగణ్, శ్రీయా శరణ్ తో పాటు స్టార్ కాస్ట్ నటించారు.  కొమురం భీంగా జూనియ‌ర్ ఎన్టీఆర్, అల్లూరి సీతారామ‌రాజుగా రామ్ చ‌ర‌ణ్ న‌టిస్తున్నారు.ఐదు భాషల్లో తెరకెక్కిన ట్రిపుల్ ఆర్ మరో 5 భాషల్లో డబ్ కాబోతోంది. మొత్తం 10 భాషల్లో రిలీజ్ కాబోతోంది మూవీ. భారీ కలెక్షన్లే లక్ష్యం గా దూసుకుపోతుంది ట్రిపుల్ ఆర్.