'RRR': రెమ్యునరేషన్ రికార్డ్ ల మోత!

First Published Mar 16, 2019, 4:24 PM IST

దర్శకధీరుడు ఎస్.ఎస్.రాజమౌళి రూపొందిస్తున్న 'RRR' సినిమాకు సంబంధించిన విషయాలను ఇటీవల చిత్రబృందం వెల్లడించింది.

దర్శకధీరుడు ఎస్.ఎస్.రాజమౌళి రూపొందిస్తున్న 'RRR' సినిమాకు సంబంధించిన విషయాలను ఇటీవల చిత్రబృందం వెల్లడించింది. సినిమాలో చరణ్ అల్లూరి సీతారామరాజుగా, ఎన్టీఆర్ కొమరం భీం గా కనిపించనున్నారు. వీరితో పాటు సినిమాలో మరికొందరు స్టార్ కాస్ట్ ఉన్నారు. వీరంతా ఈ సినిమా కోసం ఎంత రెమ్యునరేషన్ తీసుకుంటున్నారనే దానిపై కొన్ని ఆసక్తికర విషయాలు వినిపిస్తున్నాయి.

నిర్మాత దానయ్య ఈ సినిమా కోసం రూ.300 కోట్ల 400 కోట్లను ఖర్చు పెడుతున్నారు. రెమ్యునరేషన్స్ కోసం రూ.150 కోట్లు కేటాయించినట్లు సమాచారం.

దర్శకుడు రాజమౌళికి ఈ సినిమా కోసం రూ.50 కోట్ల రెమ్యునరేషన్ ఇవ్వడంతో పాటు లాభాల్లో వాటాలు కూడా ఇస్తారని సమాచారం.

ఒక్కో సినిమాకి పదిహేడు నుండి ఇరవై కోట్ల రెమ్యునరేషన్ తీసుకునే ఎన్టీఆర్ కి ఈ సినిమా కోసం రూ.30 నుండి 40 కోట్ల రెమ్యునరేషన్ దక్కనుందట.

ఈ సినిమా రామ్ చరణ్ తీసుకోబోయే రెమ్యునరేషన్ ముప్పై కోట్లకు పైమాటే.

బాలీవుడ్ స్టార్ హీరో అజయ్ దేవగన్ సాధారణంగా ఒక్కో సినిమాకి పాతిక కోట్లు తీసుకుంటాడు. ఈ సినిమాలో అతడిది కీలక పాత్ర అయినప్పటికీ తెరపై ముప్పై నిమిషాలే కనిపిస్తారట. దీనికోసం పది నుండి పదిహేను కోట్లు ఇవ్వబోతున్నారట.