ప్రియుడిని బాగా మిస్‌ అవుతున్నానంటోన్న `ఆర్‌ఆర్‌ఆర్‌` హీరోయిన్ అలియా భట్‌..ఇంట్రెస్టింగ్ ఫోటో షేర్‌
`ఆర్‌ఆర్‌ఆర్‌` హీరోయిన్ అలియాభట్‌ తన ప్రియుడిని బాగా మిస్‌ అవుతుందట. తాజాగా ప్రియుడి చేయిని పట్టుకుని ఉన్న ఫోటోని పంచుకుంది అలియా. `మేజర్‌ మిస్సింగ్‌` అని తెలిపింది. ప్రస్తుతం ఈ ఫోటో వైరల్‌ అవుతుంది. దీంతో తన ప్రియుడిని అలియా అధికారికంగా ప్రకటించిందనే చర్చ నడుస్తుంది.
హిందీ చిత్ర పరిశ్రమలో రణ్బీర్ కపూర్‌, అలియా భట్‌ హాట్‌ లవ్‌ కపుల్‌గా రాణిస్తున్నారు. దీనిపై చాలా రోజులుగా రూమర్స్ వస్తున్నాయి. కానీ ఇప్పుడు అది అఫీషియల్‌ అయ్యిందని చెప్పొచ్చు.
రణ్బీర్ కపూర్‌కి రెండు రోజుల క్రితం కరోనా సోకింది. అలియా ప్రియుడితో షూటింగ్‌లో పాల్గొనడం, ఆయనతో కలిసి డేటింగ్‌కి, పార్టీలకు తిరుగుతుంది. దీంతో తనకు కూడా కరోనా సోకిందేమో అని ఆందోళన చెందింది. కానీ టెస్ట్ చేయించుకోగా, తనకు నెగటివ్‌రిపోర్ట్ వచ్చింది. దీంతో ఊపిరి పీల్చుకుంది అలియా. షూటింగ్‌లకు కూడా వెళ్తుంది.
అయితే తాజాగా రణ్‌బీర్‌కి కరోనా సోకడంతో ఆయన్ని బాగా మిస్‌ అవుతుందట. ఈ విషయాన్ని అలియా ఇన్‌స్టాగ్రామ్‌ ద్వారా వెల్లడించింది. ఇందులో రణ్బీర్ చేయిని తాను పట్టుకున్న ఫోటోని పంచుకుంది.
ఈ ఇద్దరు ఒకరినొకరు దగ్గరగా రెండు చేతులు పట్టుకుని ఉన్నారు. కేవలం తమ చేతుల వరకే ఉన్న ఫోటోని షేర్‌ చేసింది అలియా. ఇందులో `మేజర్‌ మిస్సింగ్‌` అని పేర్కొంది.
అయితే తాను పట్టుకున్నది ఎవరి చేయి అనేది చెప్పలేదు. కానీ ఫ్యాన్స్ కి మాత్రం తెలిసిపోయింది. అలియా చెప్పాల్సిన అవసరం లేదు. అని అందరికి తెలిసిన రహస్యమే అంటూ కథలు అల్లేస్తున్నారు.
మూడు రోజులుగా తనకు దూరంగా ఉన్నది ప్రియుడు రణ్బీర్ మాత్రమే. ఆయన మరో పది రోజుల వరకు హోం క్వారంటైన్‌ అవ్వాల్సిందే. ఈ నేపథ్యంలో అలియా చాలా మిస్‌ అవుతుందట. ఆయన లేని లోటు స్పష్టంగా కనిపిస్తుందని చెప్పకనే చెప్పేసింది.
టైమ్‌ దొరికితే ప్రియుడి ఒళ్లో వాలిపోయే అలియా ఇప్పుడు ఒంటరై పోయింది. ఆయన లేని లోటు స్పష్టంగా కనిపిస్తుంది. అందుకే మిస్‌ అవుతున్నట్టుగా ఫీల్‌ అవుతుంది. ఆ విషయాన్ని అభిమానులతో పంచుకుంది. ఎంత ప్రేమ ఉంటే అలా పంచుకుంటారు. అది మాటల్లో చెప్పలేని ప్రేమ అని చెప్పుకోవచ్చు.
మరోవైపు త్వరలోనే వీరిద్దరు పెళ్లి పీఠలెక్కబోతున్నట్టు బాలీవుడ్‌లో ప్రచారం జరుగుతుంది. ఇరు కుటుంబాలు వీరి పెళ్లికి గ్రీన్‌ సిగ్నల్‌ ఇచ్చారని, ఇక మ్యారేజ్‌ తంతునే మిగిలి ఉందని అంటున్నారు.
ప్రస్తుతం రణ్బీర్, అలియా కలిసి `బ్రహ్మాస్త్ర` చిత్రంలో నటిస్తున్నారు. మొన్నటి వరకు ఈ షూటింగ్‌ జరిగింది. ఫస్ట్ టైమ్‌ ఈ ఇద్దరు కలిసి నటిస్తున్న చిత్రమిది. దీంతోపాటు అలియా తెలుగులో `ఆర్‌ఆర్‌ఆర్‌`లో, అలాగే `గంగూబాయి కతియావాడి`లో నటిస్తుంది. మరోవైపు రణ్బీర్ కపూర్‌ `బ్రహ్మాస్త్ర` చిత్రంతోపాటు లవ్‌ రంజన్‌ చిత్రంలో, `షంషేరా`, `యానిమల్‌` చిత్రాల్లో నటిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
