Krishna Mukunda Murari: కోడలికి చివాట్లు పెడుతున్న రేవతి.. పెళ్లి మండపంలో అందరికీ షాకిచ్చిన కృష్ణ, గౌతమ్!

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ ప్రేక్షకుల హృదయాలని గెలుచుకొని మంచి రేటింగ్ ని సంపాదించుకుంటుంది. ఓడిపోయిన తన ప్రేమని  గెలిపించుకోవడం కోసం తపన పడుతున్న ఒక ప్రేమికుని కథ ఈ సీరియల్. ఇక ఈరోజు ఏప్రిల్ 21 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో డల్ గా ఉన్న గౌతమ్ ని చూసి తను కూడా డల్ అవుతుంది కృష్ణ. నేను డల్ గా ఉంటే అన్నయ్య మరింత డిప్రెషన్లోకి వెళ్ళిపోతాడు అనుకొని గౌతమ్ కి  ధైర్యం చెబుతుంది. గౌతమ్ దగ్గర ఫోన్ తీసుకొని మురారి కి ఫోన్ చేసి వాళ్ళ పై ఆఫీసర్ మాట్లాడినట్లుగా మాట్లాడి మీ చెల్లిని పెళ్లి ఎక్కడ జరుగుతుంది అని అడుగుతుంది. కృష్ణ.. ఫోన్ చేసింది నువ్వే అని నాకు తెలుసు నేను ఒక పోలీస్ ఆఫీసర్ ని ఫూలిష్ గా బిహేవ్ చేయకు అంటూ ఫోన్ పెట్టేస్తాడు మురారి. ఇన్నోసెంట్స్ ని మాత్రం త్వరగా పట్టుకుంటారు పోలీసులు అని తిట్టుకుంటుంది కృష్ణ.

ఏదో గుర్తొచ్చిన దానిలాగా గౌతమ్ ని తనతో పాటు రమ్మంటుంది. ఎక్కడికో చెప్పు అంటాడు గౌతమ్. నందినిని ముకుంద ఇంట్లో దాచారు పదండి వెళ్దాం అని కృష్ణ అనటంతో ఇద్దరూ బయలుదేరుతారు. దారిలో డల్ గా ఉన్న గౌతమ్ తో మీ ప్రేమ స్వచ్ఛమైనది ఓడిపోదు కచ్చితంగా మీ పెళ్లి జరుగుతుంది అంటుంది కృష్ణ. నీ నమ్మకానికి మెచ్చుకోవాలి అంటాడు గౌతమ్. దారిలో మంగళ సూత్రాలు కొని తీసుకువస్తుంది కృష్ణ. ముకుంద వాళ్ళ ఇంటికి వెళ్లిన వెంటనే నందిని మెడలో తాళి కట్టేయండి పక్కనున్న వాళ్ళని నేను మేనేజ్ చేస్తాను అంటుంది కృష్ణ. భయంగా ఉంది అంటాడు గౌతమ్.

నందిని లేకుండా మీరు బ్రతకలేరు కదా  అలాంటప్పుడు పోరాడాలి ఏం పర్వాలేదు ధైర్యంగా ముందుకు పదండి అంటుంది కృష్ణ. మరోవైపు మురారి దగ్గరికి వచ్చిన ముకుంద మనిద్దరం ఇలా జంటగా నిలబడి నీ చెల్లెలు పెళ్లి చేస్తుంటే చాలా సంతోషంగా ఉంది అంటుంది. మరోవైపు మురారిని గమనిస్తూనే ఉన్నాను వాడి మొహంలో చెల్లెలు పెళ్లి అని సంతోషమే లేదు అంటాడు ప్రసాద్. కృష్ణకి వాడు అన్నీ చెప్పేసి ఉంటాడు అనుకున్నాను కానీ చెప్పలేదు. మురారి నాకిచ్చిన మాట మీదే నిలబడ్డాడు అంటుంది భవాని.

ఒక్కగానొక్క ఆడపిల్ల పెళ్లి ఆ తింగరి పిల్ల వల్ల ఇలా రహస్యంగా చేయవలసి వస్తుంది ఈ పెళ్లి అయ్యాక తన పని చెప్తాను అంటుంది భవాని. మరోవైపు ముకుంద ఇంటికి వచ్చిన కృష్ణ వాళ్ళు ఆ ఇల్లు తాళం వేసి ఉండటం చూసి షాక్ అవుతారు. మనం వస్తామని తెలిసి ముందే తీసుకెళ్లిపోయినట్లుగా ఉన్నారు అంటుంది కృష్ణ. నేను చెప్పానా ఆ భవాని అంత  త్వరగా చిక్కే మనిషి కాదు అంటాడు గౌతమ్. ఒక నిమిషం అంటూ ఫోన్ తీసుకొని వాళ్ళ నాన్న కొలీగ్ కి ఫోన్ చేసి మురారి నెంబర్ ఇచ్చి ట్రేస్ చేయమంటుంది. ఫోన్ పెట్టేసిన కృష్ణ ఇప్పుడు నేను ఫోన్ చేసింది మా నాన్న ఫ్రెండ్ కి  క్రైమ్ బ్రాంచ్ లో చేస్తున్నారు ఆయన మనకి హెల్ప్ చేస్తారు అప్పటివరకు వెయిట్ చేద్దాం అంటుంది కృష్ణ.

మరోవైపు ముస్తాబైన నందినిని మండపానికి తీసుకువస్తుంది అలేఖ్య. కృష్ణ ఏది? తను లేకుండా నేను రాను అంటుంది నందిని. కృష్ణ లోపల ఉంది నీ కోసమే వెయిట్ చేస్తుంది అని అబద్ధం చెప్పి మండపానికి తీసుకువస్తుంది అలేఖ్య. అక్కడికి వచ్చిన తర్వాత కృష్ణ ఏది, సిద్దు ఏడి? అని అడుగుతుంది నందిని. సిద్దు రాడు ఇకమీదట నువ్వు ఆ పేరు ఎత్తకూడదు అంటూ కోప్పడుతుంది భవాని. వాడి పేరు ఎత్తొద్దు అంటూ ప్రసాదు, ఈశ్వర్ ఇద్దరు హెచ్చరిస్తారు. నందినిని గదిలోకి తీసుకు వెళ్ళమని ముకుంద కి పురమాయిస్తుంది భవాని. నందిని పరిస్థితి అర్థం చేసుకుంటాడు మురారి. మరోవైపు విసిగిపోయిన గౌతమ్ ఇంక చాలు ఈ పోరాటంలో వాళ్లే గెలిచారు. 

ఎప్పుడో తప్పు తెలుసుకుంటారు అప్పుడు పరిస్థితులు వాళ్ల చేతిలో ఉండవు ఇకమీదట దీని గురించి ఆలోచించకు అని ప్రశ్నతో చెప్తాడు గౌతమ్. నేను నిరాశ పడలేదు సార్ చిన్న ఆశా రేఖ కోసం చూస్తున్నాను. కచ్చితంగా మీ ప్రేమ గెలుస్తుంది నందిని జీవితం బాగుంటుంది అంటుంది కృష్ణ. మరి నీ జీవితం ఏం కావాలి, నీ కాపురం ఏమైపోవాలి అంటూ సడన్గా అక్కడికి వస్తుంది రేవతి. ఒక్కసారిగా రేవతిని చూసి షాక్ అవుతారు గౌతమ్, కృష్ణ. తరువాయి భాగంలో పంతం కోసం ఎంత దూరమైన వెళ్తానని తెలిసి కూడా నాతో పంతం పట్టింది నేను ఎట్టి పరిస్థితుల్లో ఓడిపోను అంటుంది భవాని. అదే మాట గౌతమ్ తో చెప్తుంది కృష్ణ. గౌతమ్, కృష్ణ, నందిని పెళ్లి దగ్గరికి వచ్చి అందరికీ షాకిస్తారు.