బిగ్ బాస్ వేదికపై తన లైఫ్ గురించి అతిపెద్ద సీక్రెట్ రివీల్ చేసిన రవితేజ.. నాగార్జున హ్యాండ్ అలాంటిది..

రవితేజ, శ్రీలీల సమక్షంలో నాగార్జున మిగిలిన నలుగురిలో మరొకరిని ఏమిమినేట్ చేసే ప్రక్రియ చేపట్టారు.

కింగ్ నాగార్జున హోస్ట్ గా చేస్తున్న బిగ్ బాస్ సీజన్ 6 గ్రాండ్ ఫినాలే మొదలైంది. ప్రస్తుతం హౌస్ లో రేవంత్, రోహిత్, కీర్తి, ఆదిరెడ్డి, శ్రీహాన్ టాప్ 5 గా నిలిచారు. ఇప్పుడు వీరిలో విజేత ఎవరు, 2 స్థానం, 3 వ స్థానం ఎవరికి దక్కబోతున్నాయి అనే ఉత్కంఠ నెలకొంది. 

సెలెబ్రిటీలు అతిథులుగా హాజరవుతూ ఆ ఉత్కంఠని తొలగిస్తున్నారు. నిఖిల్ వచ్చి టాప్ 5లో ఉన్న రోహిత్ ని ఎలిమినేట్ చేశాడు. ఇప్పుడు ధమాకా జోడి రవితేజ, శ్రీలీల బిగ్ బాస్ వేదికపై మెరిశారు. రవితేజ, శ్రీలీల సమక్షంలో నాగార్జున మిగిలిన నలుగురిలో మరొకరిని ఏమిమినేట్ చేసే ప్రక్రియ చేపట్టారు. ఇందులో ఆది రెడ్డి ఎలిమినేట్ అయ్యారు. 

అంతకు ముందు వేదికపై నాగార్జున.. రవితేజ, శ్రీలీలతో పెద్ద సందడే చేశారు. రవితేజ హిట్స్, ఫ్లాప్స్ గురించి.. తన హిట్స్ ఫ్లాప్స్ గురించి సెటైర్లు వేశారు. ఇక శ్రీలీల అందం గురించి నాగార్జున ఒక రేంజ్ లో ప్రశంసించారు. జింతాక జింతాక సాంగ్ ని తాను శ్రీలీల కోసం ఎన్నో సార్లు చూశానని అన్నారు. 

ఇక రవితేజ లైఫ్ గురించి బిగ్ బాస్ వేదికపై అతిపెద్ద సీక్రెట్ రివీల్ అయింది. తమ పరిచయం గురించి రవితేజ, నాగార్జున ఇద్దరూ షాకింగ్ న్యూస్ చెప్పారు. తాను చిత్ర పరిశ్రమలో ప్రయాణం మొదలు పెట్టింది నాగార్జున గారి చిత్రంతోనే అని రవితేజ అన్నారు. ఆయన చిత్రానికి అసిస్టెంట్ డైరెక్టర్ గా నా కెరీర్ ప్రారంభించా. నేను అందుకున్న ఫస్ట్ రెమ్యునరేషన్ నాగార్జున గారు చెక్ రూపంలో ఇచ్చారు అంటూ రవితేజ సంచలన విషయం తెలిపారు. 

ఆ చెక్ ని దాచుకుందాం అనుకున్నా కానీ ఎక్కడో పోయింది. నన్ను నాగార్జున గారు ఎంతగానో ప్రోత్సహించారు. చాలా విషయాల్లో ఆయన నాకు ఆదర్శనం అంటూ రవితేజ నాగ్ పై తన అభిమానం చాటుకున్నారు. 

ఇక శ్రీలీల.. కీర్తితో కన్నడలో మాట్లాడి సర్ప్రైజ్ చేసింది. శ్రీలీల కన్నడలో మాట్లాడుతుంటే నాగ్, రవి తేజ అర్థం కాక తలలు బాదుకున్నారు.