గోవిందాని రవీనా టండన్‌ పెళ్లి చేసుకోవాలనుకుందా? మతిపోయే రహస్యాలు బయట పెట్టిన హీరో భార్య

బాలీవుడ్‌ నటుడు సీనియర్‌ హీరో గోవిందాకి సంబంధించిన షాకింగ్‌ విషయాలను బయటపెట్టింది ఆయన భార్య సునీత ఆహుజా. ఆయన్ని స్టార్‌ హీరోయిన్‌ పెళ్లిచేసుకోవాలనుకుందా?  

ఒకప్పటి హీరో గోవిందాకి, అప్పటి స్టార్‌ హీరోయిన్‌  రవీనా టాండన్‌తో ఉన్న అనుబంధం గురించి సునీత ఆహుజా ఇటీవల వివరించారు. గతంలో గోవిందాతో కలిసి ఉంటే ఆయన్ని పెళ్లి చేసుకోనేదాన్ని అని రవీనా టండన్‌ తనతో చెప్పిందని, కానీ అతన్ని చేసుకునే ఉంటే అసలు పెళ్లి అంటే ఏంటో అర్థమయ్యేదని తాను సరదాగా బదులిచ్చినట్టు సునీత ఆహుజా వెల్లడించారు. 

గోవిందా సహనటులైన శిల్పా శెట్టి, మనీషా కొయిరాలాతో తన స్నేహం గురించి కూడా సునీత మాట్లాడారు. సినిమా షూటింగ్‌ల తర్వాత తరచుగా కలిసి భోజనం చేసేవారని, విశ్రాంతి తీసుకునేవారని, ఆ రోజుల్లో వారి మధ్య స్నేహపూర్వక వాతావరణం ఉండేదని ఆమె చెప్పారు.

గోవిందా బిజీ షూటింగ్ షెడ్యూల్స్ సమయంలో తాను ఇంటిని, పిల్లలను ఎలా నిర్వహించానో సునీత గుర్తుచేసుకున్నారు. సాధ్యమైనప్పుడల్లా అవుట్‌డోర్ షూటింగ్‌లకు ఆయనతో పాటు వెళ్లేదానిని, కానీ గోవిందా  రెస్ట్ లేకుండా వర్క్‌ చేస్తున్నప్పుడు అత్తగారి సహాయంతో కూతురు టీనాను పెంచడంపై ఎక్కువగా దృష్టి పెట్టానని ఆమె చెప్పారు.

1987 నుండి వివాహం చేసుకున్న గోవిందా, సునీతలకు ఇద్దరు పిల్లలు - టీనా, యశ్వర్ధన్ ఆహుజా జన్మించారు. టీనా `సెకండ్ హ్యాండ్ హస్బెండ్` (2015) సినిమాతో బాలీవుడ్‌లోకి అడుగుపెట్టి, తర్వాత మ్యూజిక్ వీడియోలలో నటించింది. సాయి రాజేష్ దర్శకత్వం వహించబోతున్న కొత్త సినిమాతో యశ్వర్ధన్ హీరోగా ఎంట్రీ ఇవ్వబోతున్నాడు.