ప్రభాస్ తల్లిగా నటించను.. ఆ క్యారెక్టర్ అయితే ఓకే... క్లారిటీ ఇచ్చిన రాశి
ప్రభాస్ తల్లి పాత్రలో నటించడానికి నో చెప్పడంపై క్లారిటీ ఇచ్చింది.. మాజీ హీరోయిన్ రాశి. ఇంపార్టెన్స్ ఉన్న క్యారెక్టర్ రోల్స్ మాత్రమే చేస్తూ వస్తున్న ఈ తార.. ఏంటుందంటే?
ఫ్యామిలీ ఆడియన్స్ లో ఫాలోయింగ్ ఎక్కువ..
90 దశకంలో టాలీవుడ్ లో స్టార్ హీరోయిన్ గా గుర్తింపు సాధించింది రాశి. తెలుగులో దాదాపు అందరు హీరోల సరసన నటించి మెప్పించింది రాశి. ముఖ్యమంగా శ్రీకాంత్ జోడీగా ఎక్కువ సినిమాల్లో సందడి చేసింది. ఫ్యామిలీ ఓ రియెంటెడ్ సినిమాలతో.. తెలుగువారి మనసుల్లో చెరగని ముద్ర వేసుకున్న రాశి.. హీరోయిన్ గా ఫెయిడ్ అవుట్ అయిన తరువాత తెరపై కనిపించడం తగ్గించింది. రాశి తోటి హీరోయిన్లు అంతా యంగ్ హీరోలకు తల్లి పాత్రలు చేస్తున్నారు. కానీ రాశి మాత్రం ఇంపార్టెన్స్ ఉన్న క్యారెక్టర్ రోల్స్ మాత్రమే చేస్తూ.. అప్పుడప్పుడు తెరపై కనిపిస్తోంది.
ప్రభాస్ తో నటించనన్న రాశి..?
ఇక ఈమధ్య కాలంలో ప్రభాస్ సినిమాలో అవకాశం వస్తే.. రాశి నటించనని చెప్పిదంటూ.. సోషల్ మీడియాలో ప్రచారం జరిగింది. ఈ విషయంలో తాను చేసిన కామెంట్స్ గురించి సోషల్ మీడియాలో వస్తున్న విమర్శలపై రీసెంట్ గా రాశి స్పందించింది. ప్రభాస్‌కు తల్లి పాత్రలో తప్ప మరే ఇతర పాత్రలోనైనా నటించడానికి తాను సిద్ధంగా ఉన్నానని , తాను సోదరి పాత్ర చేయనని ఎక్కడా చెప్పలేదని ఆమె స్పష్టం చేశారు. శుక్రవారం హైదరాబాద్‌లో జరిగిన ‘అనుమాన పక్షి’ సినిమా ఈవెంట్‌లో ఈ విషయంపై ఆమె క్లారిటీ ఇచ్చింది.
ప్రభాస్ అంటే ఇష్టం కానీ..?
రీసెంట్ గా జరిగిన ఒక ఇంటర్వ్యూలో ప్రభాస్ గురించి మాట్లాడుతూ, ఆయనంటే తనకు ఇష్టమని, కానీ ప్రభాస్ తల్లిగా మాత్రం నటించనని రాశి కామెంట్స్ చేసింది. ఈ వ్యాఖ్యలు సోషల్ మీడియాలో వైరల్ కావడంతో నెటిజన్లు రకరకాలుగా స్పందించారు. కొందరు ఆమె కామెంట్స్ ను తప్పుగా అర్థం చేసుకోవడంతో.. రాశీపై ట్రోలింగ్ స్టార్ట్ అయ్యింది. దాంతో అసలు విషయంపై రాశి వివరణ ఇవ్వాల్సి వచ్చింది.
నా మాటలను తప్పుగా అర్ధం చేసుకున్నారు..
రాశి మాట్లాడుతూ, “నేను చెప్పిన మాటలను తప్పుగా అర్థం చేసుకున్నారు. ప్రభాస్‌తో పని చేసే అవకాశం వస్తే తప్పకుండా చేస్తాను. తల్లి పాత్ర తప్ప మరే పాత్రైనా చేయడానికి నేను సిద్ధంగా ఉన్నాను. సోదరి పాత్ర చేయనని నేను ఎక్కడా చెప్పలేదు” అని స్పష్టం చేశారు.అదేవిధంగా, గతంలో ప్రభాస్ సినిమాలకు డబ్బింగ్ చెప్పినా, ఆయన్ను వ్యక్తిగతంగా కలిసే అవకాశం రాలేదని కూడా ఆమె తెలిపారు. ప్రభాస్ నటన తనకు నచ్చుతుందని పేర్కొన్నారు.
అనుమాన పక్షి సినిమాలో రాశి పాత్ర..
మంచి పాత్రలు దొరికితేనే నటిస్తుంది రాశి.. అలాంటి పాత్ర ప్రస్తుతం ‘అనుమాన పక్షి’ సినిమాలో రాశీకి వచ్చింది. వస్తే, ‘డీజే టిల్లు’ ఫేమ్ విమల్ కృష్ణ దర్శకత్వంలో రాగ్ మయూర్ హీరోగా ఈ చిత్రం తెరకెక్కింది. ఈ సినిమాలో తన పాత్ర గురించి వినగానే బాగా నచ్చిందట. దాంతో ఎలాంటి సందేహం లేకుండా వెంటనే ఆ పాత్ర చేయడానికి అంగీకరించినట్లు రాశి వెల్లడించారు.
