రష్మీ బర్త్ డే సెలెబ్రేషన్స్.. గిఫ్ట్ గా ఆ ఫోటో ఇస్తే వెక్కి వెక్కి ఏడ్చిన జబర్దస్త్ యాంకర్
శ్రీదేవి డ్రామా కంపెనీలో రష్మీ తన పుట్టినరోజు సెలెబ్రేషన్స్ జరుపుకుంది. డాన్స్ మాస్టర్ పండు తన డ్యాన్స్ పెర్ఫామెన్స్ తో రష్మీకి పుట్టిన రోజు శుభాకాంక్షలు చెబుతూ ఇంప్రెస్ చేశాడు.
జబర్దస్త్ షో తో క్రేజీ యాంకర్ గా గుర్తింపు తెచ్చుకుంది రష్మీ గౌతమ్. బుల్లితెరపై రష్మీ యాంకరింగ్ చేస్తూ అప్పుడప్పుడూ నటిగా కూడా రాణిస్తూ ఉంది. ఒకప్పుడు రష్మీ, సుధీర్ రొమాన్స్ బుల్లితెరపై ఆడియన్స్ కి మంచి వినోదాన్ని అందించింది. సుధీర్ .. జబర్దస్త్, శ్రీదేవి డ్రామా కంపెనీ లాంటి షోలకు చాలా రోజుల క్రితమే గుడ్ బై చెప్పేశాడు.
కానీ రష్మీ మాత్రం కొనసాగుతోంది. బుల్లితెరపై గ్లామర్ గా, ఫన్నీగా కనిపించే రష్మీ ఆఫ్ స్క్రీన్ లో జంతువులు అంటే అమితమైన ప్రేమ. జంతులకు ఎక్కడ ఆపద ఉందని తెలిసినా రష్మీ తట్టుకోలేడు. లాక్ డౌన్ టైంలో ఫుడ్ లేక అల్లాడుతున్న జంతువులకు రష్మీ స్వయంగా ఆహారం అందించింది. ఆ దృశ్యాలు సోషల్ మీడియాలో వైరల్ అయ్యాయి కూడా. జంతువులపై హింసాయుత సంఘటనలు ఏమైనా జరిగితే రష్మీ వెంటనే సోషల్ మీడియా ద్వారా స్పందిస్తుంది.
ఇదిలా ఉండగా రష్మీ శ్రీదేవి డ్రామా కంపెనీ వేదికపై రష్మీ భావోద్వేగానికి గురైంది. పొట్టి నరేష్ చిన్న పిల్లల గ్యాంగ్ తో కలసి పిక్ నిక్ కి తీసుకెళ్లలేదని గోల చేస్తుంటారు. అప్పుడు హైపర్ ఆది ఎంట్రీ ఇస్తాడు. హైపర్ ఆది, రోహిణి, చిన్న పిల్లల మధ్య కామెడీ ఆకట్టుకుంటుంది.
హైపర్ ఆది పవన్ కళ్యాణ్ తరహాలో కరాటే స్టంట్ లు చేయాలని ప్రయత్నించి దెబ్బై పోతాడు. కరాటే స్టంట్ లని హైపర్ ఆది నవ్వులు పూయించే విధంగా చేశాడు. ఇక చివర్లో రష్మీ బర్త్ డే సెలెబ్రేషన్స్ జరుగుతాయి. ఈ నెల 27న రష్మీ తన జన్మదిన వేడుకలు సెలెబ్రేట్ చేసుకోబోతోంది. 28 న ఈ ఎపిసోడ్ టెలికాస్ట్ కాబోతోంది కాబట్టి శ్రీదేవి డ్రామా కంపెనీలో రష్మీ తన పుట్టినరోజు సెలెబ్రేషన్స్ జరుపుకుంది.
డాన్స్ మాస్టర్ పండు తన డ్యాన్స్ పెర్ఫామెన్స్ తో రష్మీకి పుట్టిన రోజు శుభాకాంక్షలు చెబుతూ ఇంప్రెస్ చేశాడు. చాలా అందంగా మాస్టర్ పండు ఆమెకి బర్త్ డే విషెష్ చెప్పడం విశేషం. ఇక చివర్లో పిల్లలు రష్మీకి ఒక ఫోటో గిఫ్ట్ గా ఇచ్చారు. ఆ ఫోటో చూడగానే ఒక్కసారిగా రష్మీ వెక్కి వెక్కి ఏడ్చేసింది.
దానికి కారణం ఆ ఫొటోలో ఉన్నది తన పెంపుడు కుక్క చుట్కి గౌతమ్. చుట్కి గౌతమ్ ఇటీవల అనారోగ్యంతో మరణించినట్లు రష్మీ పోస్ట్ చేసిన సంగతి తెలిసిందే. ఆ కుక్కకి రష్మీ దహనసంస్కారాలు కూడా నిర్వహించింది. ఇప్పుడు తన పెంపుడు కుక్కని ఒక్కసారి ఫొటోలో చూడడంతో రష్మీ ఏడుపు ఆపుకోలేకపోయింది. ఏదైనా బాధ వల్ల నేను రాత్రి వేళలో ఏడుస్తూ కూర్చుంటే చుట్కి తన పక్కనే కుర్చునేదాని రష్మీ కంటతడి పెడుతూ గుర్తు చేసుకుంది.