మంచు విష్ణుని ఏడిపించిన రామ్ గోపాల్ వర్మ, కన్నప్ప మూవీపై ఆర్జీవి రివ్యూ
కన్నప్ప సినిమాకు రామ్ గోపాల్ వర్మ రివ్యూ ఇస్తే? భక్తి సినిమాకు వర్మ కామెంట్స్ ఎలా ఉంటాయి? పాజిటీవ్ గా స్పందిస్తారా? సినిమాపై విమర్శలు చేస్తారా ? కన్నప్పపై తన అభిప్రాయం తెలియజేస్తూ మంచు విష్ణకి మెసేజ్ పెట్టాడటు ఆర్జీవి. ఇంతకీ ఆయన ఏమన్నారంటే?
మంచు విష్ణు ప్రధాన పాత్రలో నటించిన భక్తిరస చిత్రం ‘కన్నప్ప’ (Kannappa) బాక్సాఫీస్ వద్ద మంచి విజయాన్ని సాధించగా, ఈ సినిమా విజయంపై వివాదాస్పద దర్శకుడు రాంగోపాల్ వర్మ (Ram Gopal Varma) ప్రశంసల వర్షం కురిపించారు. విష్ణు నటనను కొనియాడుతూ వర్మ పంపిన వాట్సాప్ సందేశాన్ని మంచు విష్ణు తన X (అకౌంట్ లో షేర్ చేసుకున్నారు. ఎమోషనల్ కూడా అయ్యారు మంచు విష్ణు., ఈ మెసేజ్ ఇప్పుడు వైరల్గా మారింది.
మంచు విష్ణుని ఏడిపించిన ఆర్జీవి
వర్మ నుంచి వచ్చిన ప్రశంసలపై విష్ణు స్పందిస్తూ, “రాము గారు.. మీరు నన్ను ఏడిపించేశారు. చాలా రోజులుగా నా కన్నీళ్లను ఆపుకుంటున్నాను. ఎందుకంటే నేను దీన్ని సాధించగలనని నమ్మాను. ఇది నా జీవితంలో అత్యంత సవాలుతో కూడిన సమయం. నేను ఎక్కడికి వెళ్లినా, ఈ సినిమాపై అనుమానం, ద్వేషాన్నే చూశాను, కాని అంతకు మించి ప్రేమ నాకు ఇక్కడ దొరికింది అని పేర్కొన్నారు.
రామ్ గోపాల్ వర్మ మెసేజ్ లో ఏముంది?
కన్నప్ప సినిమా గురించి రామ్ గోపాల్ వర్మ ఏమన్నారంటే. నేను దేవుడు, భక్తులపై నమ్మకం లేని వ్యక్తిని. ‘‘నాకు భక్తి మీద నమ్మకం లేదు. అందుకే అలాంటి సినిమాలు చూడను. కానీ కాలేజీ రోజుల్లో ‘భక్త కన్నప్ప’ నాలుగుసార్లు చూశాను. ఇప్పుడు ఈ సినిమాలో నువ్వు నటనలో మాత్రమే కాకుండా ఆలయం అంతటి భక్తి, విశ్వాసానికి ప్రతిరూపంగా కనిపించావు’’ అని మంచు విష్ణుని మెచ్చుకున్నారు.
ప్రభాస్ కోసం సినిమాకు వెళ్లలేదు
ఇక కన్నప్ప సినిమా క్లైమాక్స్ గురించి మాట్లాడుతూ వర్మ ఇలా అన్నారు. ‘‘శివలింగం కళ్ల నుంచి వస్తున్న రక్తాన్ని ఆపడానికి తిన్నడు తన కళ్లను సమర్పించే సన్నివేశంలో నీ నటన అద్భుతంగా ఉంది. ఒక నాస్తికుడిగా నాకు ఇలాంటివి నచ్చవు. కానీ నీ నటన నన్ను ఆ సన్నివేశాన్ని ప్రేమించేలా చేసింది. ఇది ఒక మాస్టర్క్లాస్. నీ ముఖంలో హావభావాలు, భావోద్వేగాలు చూశాక చేతులెత్తి నమస్కరించాలి అనిపించింది. అని ఆర్జీవీ అన్నారు.
ఈసందర్భంగా ఓ ఆసక్తికర వ్యాఖ్య చేశారు వర్మ, ‘‘అందరూ సినిమాలో ప్రభాస్ ఉన్నాడని థియేటర్కు వస్తున్నారు. కానీ ఇప్పుడు నేను కేవలం నిన్ను చూడటానికే టికెట్ కొని మరీ థియేటర్కు వెళుతున్నాను’’ అన్నారు.
మంచు విష్ణు ఎమోషనల్
ఈ అనూహ్య ప్రశంసలకు విష్ణు స్పందిస్తూ, ‘‘ఈ ప్రయాణం సులభం కాదు. నేను ఎంతో నమ్మకంతో, ఆత్మవిశ్వాసంతో పనిచేశాను. ఎవరూ నమ్మకపోయినా, నేను నమ్మాను. రాము గారి లాంటి దర్శకుడి నుంచి వచ్చిన ఈ మెసేజ్ నా జీవితంలో మరిచిపోలేని సంఘటనగా నిలిచిపోతుంది’’ అని ఎక్స్ లో పోస్ట్ చేశారు.
సినిమా విజయంపై ఇండస్ట్రీ నుంచి రివ్యూ
‘కన్నప్ప’ సినిమా ప్రేక్షకుల నుంచి మాత్రమే కాదు, సినీ విమర్శకుల నుంచి, టాలీవుడ్ స్టార్స్ నుంచి కూడా ప్రశంసలు పొందుతోంది. ఈ సినిమా విష్ణు కెరీర్లో కీలక మలుపు అని సినిమా విశ్లేషకులు కూడా అభిప్రాయపడుతున్నాయి. శ్రీకాంత్, మోహన్ బాబు, మోహన్లాల్, ప్రభాస్ వంటి భారీ తారాగణం ఈ సినిమాకు మరింత బలం చేకూర్చింది.
