- Home
- Entertainment
- Chiranjeevi Review: `పెద్ది` రెండో సాంగ్ `రై రై రా రా`పై చిరంజీవి రివ్యూ.. పాట పూర్తి లిరిక్ ఇదే
Chiranjeevi Review: `పెద్ది` రెండో సాంగ్ `రై రై రా రా`పై చిరంజీవి రివ్యూ.. పాట పూర్తి లిరిక్ ఇదే
రామ్ చరణ్, బుచ్చిబాబు సానా కాంబినేషన్లో వస్తోన్న `పెద్ది` సినిమా నుంచి రెండో పాట వచ్చింది. `రై రై రారా` అంటూ సాగే పాటపై చిరంజీవి తన రివ్యూ ఇచ్చారు.
పెద్ది మూవీ నుంచి సెకండ్ సాంగ్
రామ్ చరణ్ హీరోగా, బుచ్చిబాబు సానా దర్శకత్వంలో `పెద్ది` మూవీ రూపొందుతుంది. జాన్వీ కపూర్ హీరోయిన్గా నటిస్తోన్న ఈ చిత్రంలో శివ రాజ్ కుమార్, జగపతిబాబు కీలక పాత్రలు పోషిస్తున్నారు. మైత్రీ మూవీ మేకర్స్ వెంకట సతీష్ కిలారు నిర్మించారు. ఏఆర్ రెహ్మాన్ సంగీతం అందించారు. ఈ మూవీ నుంచి ఇప్పటికే `చికిరి` సాంగ్ విడుదలై రికార్డు వ్యూస్ ని సాధించింది. ఇప్పుడు రెండో పాటని విడుదల చేశారు. `రై రై రారా` అంటూ సాగే పాటని చిరంజీవి సోషల్ మీడియా ద్వారా పంచుకున్నారు.
ఉర్రూతలూగిస్తోన్న `రై రై రారా` సాంగ్
ఫాస్ట్ బీట్తో సాగే పాట ఆకట్టుకుంటుంది. జోష్ నింపేలా ఉంది. చాలా ఎనర్జిటిక్గా ఉంది. వేగంగా సాగే ఈ పాటలో రామ్ చరణ్ కూడా అంతే వేగంగా స్టెప్పులు వేయడం ఆకట్టుకుంటోంది. ముఖ్యంగా అభిమానులను ఎంతగానో అలరిస్తోంది. దీంతో వారంతా ఈ పాటకి స్టెప్పులేస్తున్నారు. రెహ్మాన్ కంపోజ్ చేసిన ఈ పాటని అనంత శ్రీరామ్ సాహిత్యం అందించారు. రెహ్మాన్ స్వయంగా ఆలపించారు. పాట వినే కొద్ది ఇంట్రెస్టింగ్గా, ఆకట్టుకుంటోంది. చరణ్ డాన్సులు ఈ పాటలో హైలైట్గా నిలిచాయి. సాంగ్ విడుదల సందర్భంగా చిరంజీవి తన రివ్యూ ఇచ్చారు.
రైరై రారా పాటపై చిరంజీవి రివ్యూ
`పెద్ది`లోని `రై రై రారా` అనే పాట తెరపై ఒక మెరుపులా, వక్తి, భావోద్వేగం, సినిమాటిక్ బ్రిలియన్స్ తో అద్భుతంగా ఉంది. రామ్ చరణ్ని చూడటం నాకు అపారమైన గర్వాన్ని నింపుతుంది. అతని మూమెంట్స్ అబ్బురపరుస్తున్నాయి. అద్భుతంగా సినిమాని రూపొందిస్తున్న బుచ్చిబాబు సానా, మంచి ట్యూన్స్ అందిస్తున్న రెహ్మాన్, కొరియోగ్రాఫర్ జానీ మాస్టర్లకు అభినందనలు. అద్భుతమైన విజువల్స్ అందించిన రత్నవేలు, అర్థవంతమైన పాట రాసిన అనంత శ్రీరామ్, సినిమాని నిర్మించిన సతీష్ కిలారులకు అభినందనలు. పెద్ద అనేక మైలురాళ్లని సాధించాలని కోరుకుంటున్నా` అని తెలిపారు చిరంజీవి.
#RaiRaiRaaRaa from #Peddi is sheer fire on screen, a stunning blend of energy, emotion, and cinematic brilliance.
Watching @AlwaysRamCharan light up the screen with effortless grace and electrifying speed fills me with immense pride. The way he moves is a joy to watch!
Kudos to… pic.twitter.com/98Wc25JCpT— Chiranjeevi Konidela (@KChiruTweets) March 3, 2026
తనదైన ఎనర్జీ, గ్రేస్తో రచ్చ చేసిన రామ్ చరణ్
ఏఆర్ రెహ్మాన్ స్వయంగా ఆలపించిన ఈ పవర్ ఫుల్ డ్యాన్స్ నంబర్ పల్సేటింగ్ బీట్స్, ఇన్ఫెక్షియస్ రిథమ్తో అదిరిపోయే మాస్ ఎనర్జీని అందిస్తోంది. స్టార్ ఎంట్రీ సాంగ్ ఎలా ఉండాలో కొత్త బెంచ్మార్క్ సెట్ చేస్తూ, భారతీయ సినిమాలోనే అత్యంత భారీ, ఎలక్ట్రిఫైయింగ్ ఇంట్రడక్షన్ నంబర్లలో ఒకటిగా నిలిచేలా రూపుదిద్దుకుంది. రామ్ చరణ్ తన ట్రేడ్మార్క్ మాస్ ఎనర్జీ, గ్రేస్ఫుల్ ఫినెస్ తో అదరగొట్టారు. ఆయన ఫ్లూయిడ్ మూవ్మెంట్స్, పవర్ఫుల్ ఫుట్వర్క్, కరిస్మాటిక్ ఎక్స్ప్రెషన్స్ ఈ పాటను వైరల్ చేస్తున్నాయి.
రై రై రారా పాట పూర్తి సాహిత్యం
పాట లిరిక్ కూడా ఆకట్టుకుంటోంది. ఇందులో చాలా పెద్ద మీనింగ్ ఉంది. అదేంటో చూడండి.
రైరై రారా రైరై రారా
అడ్డేలేని దారై రారా
రైరై రారా రైరై రారా
హద్దేలేని తీరై రారా
దూకేటి దూరైరా
పోరాడేట్టి పోరైరా
ఆరు నూరైనా మందల్లోంచి వేరైరా
భయ్యం పీకి పారేయ్రా సిగ్గుంటే సీరైరా
జేకొట్టె పేరైరా
నీ రాకచూసి లోకం చేసే హోరై రారా
బెరుగ్గా ఇరుగ్గా పాతేసుకోకోయలా
నిను నిన్నే నీ లోపలా
పాతికేళ్లకే నువు పాతబడిపోకురా
నిన్నటిలాగే రేపున్నదంటే
ఈ రోజేం పీకావనీ
నీ అయ్య వడ్డీ నీ బిడ్డ కడితే
నువ్వేమి పొడిచావనీ
మొండెంలో తల దించేటట్లయితే
మొలతాడెందుకు కట్టావ్ తెంచేసెయ్
నువ్ మొత్తం రక్తం మార్చుకొనొచ్చేసెయ్
ఆటనుకోకోయ్ ఆటంటే బతుకోయ్
నీ ఆట బతకాలిరోయ్
మాటనుకోకోయ్ గెలుపంటే వెలుగోయ్
గెలుపై నువ్ వెలగాలిరోయ్
మండే గుండె నీలో లేదంటే
కాలూ చెయ్యీ ఉన్నా లేనట్టే
నీకు నెగ్గే నైజం అర్థం కానట్టే.
