- Home
- Entertainment
- Peddi Day 2 Collections: బాక్సాఫీస్ వద్ద రాంచరణ్ మూవీ పడిపోయిందా, నిలబడిందా.. ఈ ట్విస్ట్ అస్సలు ఊహించలేరు
Peddi Day 2 Collections: బాక్సాఫీస్ వద్ద రాంచరణ్ మూవీ పడిపోయిందా, నిలబడిందా.. ఈ ట్విస్ట్ అస్సలు ఊహించలేరు
రాంచరణ్ పెద్ది మూవీ 2 రోజుల కలెక్షన్స్ వివరాలు ఆసక్తికరంగా ఉన్నాయి. రెండవరోజు పెద్ది చిత్ర వసూళ్లు పడిపోయాయా లేక స్టడీగా ఉన్నాయా అనేది ఈ కథనంలో తెలుసుకోండి.
రాంచరణ్ పెద్ది మూవీ
మెగా పవర్ స్టార్ రాంచరణ్ నటించిన పెద్ది చిత్రం తొలిరోజు సంచలన ఓపెనింగ్స్ అందుకుంది. వరల్డ్ వైడ్ గా ఏకంగా 117 కోట్ల గ్రాస్ అందుకుంది. పెద్ది చిత్రానికి ఆడియన్స్ నుంచి, క్రిటిక్స్ నుంచి మంచి రెస్పాన్స్ దక్కుతోంది. రాంచరణ్ లాంటి మాస్ హీరో ఎమోషనల్ పెర్ఫార్మెన్స్ తో అదరగొట్టారు అనే ప్రశంసలు దక్కుతున్నాయి. కానీ కలెక్షన్స్ వస్తేనే సినిమా హిట్ అయినట్లు. తొలి రోజు వచ్చిన కలెక్షన్స్ ట్రెండ్ కొనసాగితే పెద్ది బ్లాక్ బస్టర్ అవుతుంది. ఈ క్రమంలో రెండవ రోజు వసూళ్లు ఎలా ఉన్నాయో చూద్దాం.
పెద్ది డే 2 కలెక్షన్స్
ఏ సినిమాకి అయినా తొలి రోజుకి వచ్చిన కలెక్షన్స్ కి, రెండవరోజు కలెక్షన్స్ కి డ్రాప్ ఉంటుంది. ఆ డ్రాప్ భారీ స్థాయిలో లేకుంటే సినిమా నిలబడుతుంది. పెద్ది చిత్రం విషయంలో కూడా కలెక్షన్స్ డ్రాప్ కనిపించింది. అయితే డ్రాప్ ప్రమాదకరంగా లేదు. స్వల్పంగానే ఉంది. లాంగ్ వీకెండ్ ఉంది కాబట్టి శనివారం ఆదివారం వసూళ్లు భారీగా ఉంటాయని అంచనా వేస్తున్నారు. ఇక రెండవ రోజు కలెక్షన్స్ విషయానికి వస్తే పెద్ది చిత్రం 150 కోట్ల మార్క్ దాటింది.
నైజాం, ఉత్తరాంధ్రలో స్ట్రాంగ్ హోల్డ్
ఓవరాల్ గా రెండవ రోజు పెద్ది చిత్రం వరల్డ్ వైడ్ గా 30 కోట్లకు పైగా కలెక్షన్స్ అందుకుంది. నైజాం, ఉత్తరాంధ్ర లాంటి ఏరియాల్లో పెద్ది చిత్రం స్ట్రాంగ్ హోల్డ్ చూపించింది. నైజాం లో పెద్ది చిత్రం 2 వ రోజు 5.4 కోట్ల షేర్ సాధించింది. ఉత్తరాంధ్రలో 2 కోట్లకు పైగా షేర్ సాధించింది.
హిందీలో కాంపిటీషన్
ఇక హిందీ మార్కెట్ లో పెద్ది చిత్రం షాహిద్ కపూర్, మృణాల్, పూజా హెగ్డే నటించిన హై జవానీ తో ఇష్క్ హోనా హై చిత్రం నుంచి పోటీ ఎదుర్కొంటోంది. దీనితో హిందీ మార్కెట్ లో ఈ చిత్రం 3 కోట్ల వరకు వసూళ్లు అందుకుంది. కలెక్షన్స్ లో కాస్త డ్రాప్ ఉన్నప్పటికీ మంచి నంబర్స్ అని ట్రేడ్ విశ్లేషకులు అంటున్నారు. అసలైన ట్విస్ట్ ఏంటి అంటే ఈవెనింగ్ షోల నుంచి పెద్ది కలెక్షన్స్ సాలిడ్ గ్రోత్ చూపించాయట.
టార్గెట్ ఇదే
శనివారం ఆదివారం నమోదయ్యే కలెక్షన్స్ తో ఈ చిత్రం రిజల్ట్ ఆధారపడి ఉంటుంది అని అంటున్నారు. పెద్ది మూవీ హిట్ కావాలి అంటే వరల్డ్ వైడ్ గా 220 కోట్ల షేర్ రాబట్టాలి.
