రాంచరణ్ లేటెస్ట్ లుక్ మైండ్ బ్లోయింగ్.. రంగస్థలం కాదు, మగధీర కాదు.. మెగా పవర్ స్టార్ బెస్ట్ లుక్ లోడింగ్

మెగా పవర్ స్టార్ రాంచరణ్ ప్రస్తుతం శంకర్ దర్శకత్వంలో గేమ్ ఛేంజర్ చిత్రంలో నటిస్తున్నాడు. గేమ్ ఛేంజర్ తర్వాత రాంచరణ్ తన కెరీర్ లోనే భారీ చిత్రాన్ని రెడీ అవుతున్నారు.  బుచ్చిబాబు దర్శకత్వంలో ఆర్సీ 16 చిత్రం తెరకెక్కబోతున్న సంగతి తెలిసిందే. ఈ చిత్రం విలేజ్ బ్యాక్ డ్రాప్ లో హై ఓల్టేజ్ యాక్షన్ అండ్ ఎమోషనల్ చిత్రంగా తెరకెక్కబోతోంది. క్రీడా నేపథ్యంలో ఈ చిత్రం ఉండబోతోంది. 

ఆల్రెడీ రాంచరణ్ కొన్ని వారాల క్రితమే ఈ చిత్రం కోసం బాడీ ట్రాన్స్ఫర్మేషన్ ప్రారంభించారు. కనీ వినీ ఎరుగని విధంగా రాంచరణ్ లుక్ ఈ చిత్రంలో ఉండబోతోందట. ఫిజికల్ ట్రైనర్ ఆధ్వర్యంలో చరణ్ బాడీ బిల్డ్ చేస్తున్నాడు. రాంచరణ్ లేటెస్ట్ లుక్ బయట పడింది. రాంచరణ్ గడ్డం, మీసాలు పెంచుతున్న లుక్ తో కనిపించారు. ఇంకా రాంచరణ్ ట్రాన్స్ఫర్మేషన్ పూర్తి కాక ముందే లుక్ మైండ్ బ్లోయింగ్ అనిపించే విధంగా ఉంది. 

డైరెక్టర్ వివి వినాయక్ ని రాంచరణ్ మీట్ అయ్యారు. ఈ సందర్భంగా ఆ ఫోటోలు వైరల్ అవుతున్నాయి. రాంచరణ్ తన లుక్ కంప్లీట్ గా తెలియకుండా హ్యాట్ పెట్టుకుని ఉన్నారు. కానీ ముఖం స్పష్టంగా కనిపిస్తోంది. గుబురు గడ్డంతో సింహంలా ఉన్నాడు అంటూ ఆల్రెడీ మెగా ఫ్యాన్స్ ఈ ఫోటోలని వైరల్ చేస్తున్నారు. మగధీర, రంగస్థలం, ధ్రువ, ఆర్ఆర్ఆర్ లాంటి చిత్రాల్లో చరణ్ బెస్ట్ లుక్ లో కనిపించాడు. ఆర్సీ 16 లుక్ అంతకి మించేలా ఉండబోతున్నట్లు తెలుస్తోంది. 

రామ్ చరణ్ లుక్ ఒక్కసారిగా సోషల్ మీడియాలో వైల్డ్ ఫైర్ లాగా వ్యాపించింది. బుచ్చిబాబు చాలా గట్టిగా ప్లాన్ చేస్తున్నాడు అంటూ మెగా ఫ్యాన్స్ కామెంట్స్ పెడుతున్నారు. త్వరలో రాంచరణ్ గేమ్ ఛేంజర్ ప్రమోషన్స్ ప్రారంభించబోతున్న సంగతి తెలిసిందే. ఆ టైం లో చరణ్ లుక్ ని ఇంకా బాగా చూడవచ్చు. బుచ్చిబాబు, రాంచరణ్ చిత్రాన్ని మైత్రి మూవీ మేకర్స్ సంస్థ దాదాపు 400 కోట్ల బడ్జెట్ లో నిర్మించబోతున్నట్లు టాక్. జాన్వీ కపూర్ హీరోయిన్ గా నటిస్తోంది. ఏఆర్ రెహమాన్ సంగీత దర్శకుడు.