రామ్‌ చరణ్‌ ఫస్ట్ రెమ్యూనరేషన్‌ ఎవరికి ఇచ్చాడో తెలుసా? చిరంజీవి కూడా షాక్‌ అయిన సందర్భం

15

chiranjeevi, ram charan

Ram charan First Salary:  మెగాస్టార్‌ చిరంజీవి నటన వారసుడిగా చిత్ర పరిశ్రమలోకి హీరోగా ఎంట్రీ ఇచ్చాడు రామ్‌ చరణ్‌. ఒక లెజెండ్‌ ఇమేజ్‌కి, కోట్లాది మంది అభిమానుల ఆశలను మోస్తూ ఆయన హీరోగా పరిచయం అయ్యారు. 2007లో `చిరుత` సినిమాతో రామ్‌ చరణ్‌ హీరోగా పరిచయం అయిన విషయం తెలిసిందే.

అనేక డిస్కషన్స్ తర్వాత, పలువురు దర్శకులతో చర్చల అనంతరం ఫైనల్‌గా పూరీ జగన్నాథ్‌ దర్శకత్వంలో రామ్‌ చరణ్‌ హీరోగా పరిచయం అయ్యారు. ఇందులో నేహా శర్మ హీరోయిన్‌గా నటించింది. వైజయంతి మూవీస్‌ పతాకంపై అశ్వనీదత్‌ ఈ మూవీని నిర్మించారు. 

25

chirutha

సెప్టెంబర్‌ 27 2007లో విడుదలైన ఈ మూవీ మంచి విజయం సాధించింది. చరణ్‌ కి మంచి ఎంట్రీగా నిలిచింది. మాస్‌ ఎలిమెంట్లు, యాక్షన్‌ సీన్లు, లవ్‌, గ్లామర్‌, ఇలా అన్ని కమర్షియల్‌ హంగులు జోడించి ఈ మూవీని తెరకెక్కించారు. అదే స్థాయిలో ఆకట్టుకుంది. మరి రామ్‌ చరణ్‌ మొదటి పారితోషికం ఏం చేశాడు? ఎంత తీసుకున్నాడనేది ఆసక్తికరం.

ఈ మూవీకి అశ్వినీదత్‌ హీరో చరణ్‌కి రూ.50లక్షలు పారితోషికంగా ఇచ్చాడట. అయితే చిరంజీవి తరఫు నుంచి ఎలాంటి డిమాండ్‌ లేదు. చరణ్‌ కూడా పారితోషికం అడగలేదు. నిర్మాత తానే స్వతహాగా నిర్ణయం తీసుకుని పారితోషికం ఇచ్చాడట. 

35

Ram Charan

అయితే చరణ్‌ని నిర్మాతగా పరిచయం చేయాలనేది అశ్వనీదత్‌కి చిరంజీవినే చెప్పారు. కాబట్టి పారితోషికం అడగకపోవచ్చు. కానీ చిరంజీవిపై ఉన్న అభిమానంతో ఓ అమౌంట్‌ అనుకుని నిర్మాతనే ఈ పారితోషికం ఇచ్చాడట. మరి చరణ్‌ ఫస్ట్ రెమ్యూనరేషన్‌ ఎవరు తీసుకున్నారు? ఏం చేశారనేది ఆసక్తికరం.

సినిమా షూటింగ్‌ స్టార్ట్ అయ్యాక చరణ్‌పై నమ్మకం ఏర్పడిన అశ్వనీదత్‌ ఫస్ట్ షెడ్యూల్‌ అయిపోయిన తర్వాత సుమారు యాభై లక్షల చెక్‌ తీసుకుని చిరంజీవి ఇంటికి వచ్చారు. వచ్చేముందు రామ్‌ చరణ్‌ కి ఫోన్‌ చేశాడట. ఆయన అంకుల్‌ తాను ఇంట్లోనే ఉన్నాను, కాకపోతే అమ్మ కిందనే ఉంది, అమ్మకి ఇవ్వమని చెప్పాడట చరణ్‌. అలా నిర్మాత నేరుగా వచ్చి సురేఖ చేతిలో ఆ చెక్‌ పెట్టాడు. 

45

కొడుకు కష్టార్జితం, ఆయన ఫస్ట్ సంపాదన చూసి సురేఖ ఎమోషనల్‌ అయ్యారట. అది ఆమెకి, తనకు బెస్ట్ మెమోరీ అని తెలిపారు రామ్‌ చరణ్‌. ఓ పాత ఇంటర్వ్యూలో ఈ విషయాన్ని వెల్లడించారు. ఆమె కళ్లల్లో ఆనందం చూసి తనకు ఎంతో గర్వంగా అనిపించిందని తెలిపారు.

అంతేకాదు చరణ్‌ ఆ చెక్‌ని తాను తీసుకోకుండా సురేఖకి ఇవ్వడంపై కూడా చిరంజీవి ఆశ్చర్యపోయారట. కొడుకు చేసిన పనికి తాను కూడా గర్వపడినట్టుగా తెలుస్తుంది. 

55

#RC16

 సుమారు యాభై లక్షలు పారితోషికం తీసుకునే స్థాయి నుంచి ఇప్పుడు ఏకంగా 70-80కోట్లు పారితోషికం తీసుకునే స్థాయికి ఎదిగాడు రామ్‌ చరణ్‌. లోకల్‌ హీరో నుంచి గ్లోబల్‌ ఇమేజ్‌ని సొంతం చేసుకున్నాడు.

ఇప్పుడు బుచ్చిబాబు దర్శకత్వంలో `ఆర్‌సీ16`లో నటిస్తున్నారు. దీనికి వంద కోట్ల వరకు డిమాండ్‌ చేస్తున్నట్టు సమాచారం. అనంతరం చరణ్‌.. సుకుమార్‌ దర్శకత్వంలో మూవీ చేయబోతున్నారు.