తారకరత్న కాకుండా, ఒకే రోజు ఏకంగా 9 సినిమాలు ఓపెనింగ్‌ జరుపుకున్న హీరో ఎవరో తెలుసా? అప్పట్లో పవన్‌కి పోటీ

Taraka ratna-uday kiran: ఒకే రోజు 9 సినిమాలను ప్రారంభించిన ఘనత తారక రత్న విషయంలో ఉంది. కానీ ఆయనే కాదు మరో సంచలన స్టార్‌ కూడా ఒకేరోజు 9 సినిమాల ఓపెనింగ్స్ చేసుకున్నాడు. మరి ఆయన ఎవరు తెలుసుకుందాం.  

taraka ratna

Taraka ratna-uday kiran: ఒకే రోజు ఒక హీరోకి సంబంధించిన ఒక సినిమా ఓపెనింగ్‌ జరుపుకుంటే అది కామన్‌, రెండు సినిమాలు స్టార్ట్ అయితే కాస్త ఇంట్రెస్టింగ్‌. మూడు సినిమాలు స్టార్ట్ అయితే క్రేజీ, అదే నాలుగు సినిమాలు ఓపెనింగ్‌ చేసుకుంటే వామ్మో ఇదే రచ్చ అనుకుంటాం. అలాంటిది ఒకే రోజు తొమ్మిది సినిమాలు ప్రారంభోత్సవం చేసుకుంటే అది సంచలనం అన్నా తక్కువే అవుతుంది.

ఓ సెన్సేషనల్‌ హీరో విషయంలో అది చోటు చేసుకుంది. అయితే 9 సినిమాలంటే తారకరత్న విషయంలో ఆ రికార్డు ఉంది. కానీ మరో యంగ్‌ స్టర్‌ ఆ రికార్డుని సొంతం చేసుకున్నాడు. మరి ఆ కథేంటో ఒకప్పుడు బాలనటిగా చేసి ఆ తర్వాత హీరోయిన్‌గా, క్యారెక్టర్‌ ఆర్టిస్ట్ గా చేస్తున్న నటి పింకీ సుదీప వెల్లడించింది. 

uday kiran

మరి ఆ సంచలన స్టార్‌ ఎవరో కాదు ఉదయ్‌ కిరణ్‌. అవును `చిత్రం`, `నువ్వు నేను`, `మనసంతా నువ్వే`, `కలుసుకోవాలని` వంటి చిత్రాలతో బ్యాక్‌ టూ బ్యాక్‌ హిట్లు అందుకుని సంచలనంగా మారారు ఉదయ్‌ కిరణ్‌. అప్పట్లో యంగ్‌ హీరోల్లో ఆయనో సునామీ అని చెప్పడంలో అతిశయోక్తి లేదు.

ఇండస్ట్రీలోనే కాదు ఆడియెన్స్ పరంగా ఆయనకు వచ్చి ఇమేజ్‌, క్రేజ్‌ మామూలు కాదు. అమ్మాయిలు అయితే పడిచచ్చేవాళ్లు. ఇలాంటి లవర్‌ మాకు దొరకాలని భావించేవాళ్లు. ఎంతో మందికి డ్రీమ్‌ బాయ్‌గా నిలిచారు ఉదయ్‌ కిరణ్‌. ఆయన క్రేజ్‌ని చూసి పెద్ద స్టార్స్ సైతం షాక్‌ అయిన పరిస్థితి. చాలా మందికి మనశ్శాంతి లేకుండా చేసిన హీరో ఉదయ్‌ కిరణ్‌. పవన్‌ కళ్యాణ్‌ కి ఆయన పోటీగా భావించారు.

ఇలా వరుస విజయాలతో దర్శకులు, నిర్మాతలు ఉదయ్‌ కిరణ్‌తో సినిమాలు చేయడానికి క్యూ కట్టారు. దీంతో ఆ సమయంలో వరుసగా సినిమాలను ప్రారంభించారట. అంతేకాదు ఒకే రోజు 9 సినిమాలను ప్రారంభించారట. అందుకు తానే ప్రత్యక్ష సాక్షిని అని చెప్పింది పింకీ.

అన్నీ పెద్ద పెద్ద బ్యానర్‌లోనే సినిమాలు అని, అందులో ఐదు సినిమాల్లో తాను బాలనటిగా ఎంపికైందట. అప్పుడు ఆ ఓపెనింగ్స్ వద్దే తాను ఉందట. వాటిలో నాలుగు సినిమాలు షూటింగ్‌ వరకు వెళ్లాయని, వాటిలో రెండు సినిమాలు మాత్రేమే షూటింగ్‌ పూర్తి చేసుకుని విడుదలయ్యాయని తెలిపింది పింకీ సుదీప. 

ఆ సమయంలో ఉదయ్‌ కిరణ్‌ జీవితంలో ఏం జరిగిందో అందరికి తెలిసిందే. దాని కారణంగానే చాలా సినిమాలు ఆగిపోయాయని ఆమె తెలిపింది. అప్పట్లో ఉదయ్‌ కిరణ్‌ సంచలనం అని, ఆయన ఎంతో మంచి వ్యక్తి అని, తాను ఆయనతోనే ఎక్కువ సినిమాలు చేసినట్టు తెలిపింది పింకీ. ఉదయ్‌ కిరణ్‌ని మిస్‌ అవుతున్నట్టు వెల్లడించింది. ఇండియా గ్లిట్జ్ ఇంటర్వ్యూలో ఆమె ఈ విషయాన్ని తెలిపింది. ప్రస్తుతం ఈ వీడియో వైరల్‌ అవుతుంది. 

sudeepa

బాలనటిగా విశేష గుర్తింపు తెచ్చుకుంది పింకీ. ఆల్మోస్ట్ అందరు స్టార్‌ హీరోల సినిమాల్లో బాలనటిగా మెప్పించింది. ఆద్యంతం ఇన్నోసెంట్‌ యాక్టింగ్‌తో, డైలాగ్‌లతో నవ్వులు పూయించింది.

పెద్దయ్యాక ఒకటి రెండు సినిమాల్లో హీరోయిన్‌గానూ కనిపించింది. ఇప్పుడు చాలా ఫ్యామిలీ లైఫ్‌కే పరిమితమయ్యింది. ఒకటి అర మూవీస్‌లో నటిస్తుంది. ఆ మధ్య బిగ్‌ బాస్‌ తెలుగులో కూడా పాల్గొని అలరించింది. కానీ ఆ నాటి పింకీని ఆమెలో మిస్‌ అయిన ఫీలింగ్‌ కలుగుతుంది.