హీరోయిన్ గా మొదటి సంపాదనతో రకుల్ ప్రీత్ సింగ్ ఏం చేసిందో తెలుసా...?
త్వరలో పెళ్లి పీటలు ఎక్కబోతోంది హీరోయిన్ రకుల్ ప్రీత్ సింగ్. అనుకోకుండా సినిమాల్లోకి వచ్చి.. టైమ్ పాస్ కు హీరోయిన్ అయిన రకుల్ తన మొదటి సంపాదనతో ఏం చేసిందో తెలుసా..?
కెరటం సినిమాలో ఓ చిన్న పాత్రతో టాలీవుడ్ కు పరిచయం అయిన రకుల్ ప్రీత్ సింగ్... సందీప్ కిషన్ తో వెంకటాద్రి ఎక్స్ప్రెస్ సినిమా చేసి మంచి గుర్తింపు తెచ్చుకుంది. ఆ సినిమాకు ఫిలింఫేర్ అవార్డు అందుకుంది.
సినిమాల్లో నటిస్తానని నేనెప్పుడూ అనుకోలేదు అంటోంది రకుల్ ప్రీత్ సింగ్. పాకెట్ మనీకోసం మొదటి సినిమాకు ఒప్పుకొన్నా. ఆ తర్వాత నా భవిష్యత్తును ఇందులోనే వెతుక్కున్నా. ఇదే మంచి ఎంపిక అనిపించింది. అంటోంది బ్యూటీ. సినిమా టేస్ట్ దొరకడంతో వదిలిపెట్టలేక పోయానంటోంది.
అంతే కాదు తన మొదటి సంపాదన గురించి రకుల్ చెపుతూ... నా మొదటి సంపాదనతో కారు యజమాని అయ్యాను. నిజంగా అదో గొప్ప అనుభూతి అంటూ.. తన కెరీర్ స్టార్టింగ్ డేస్ ను గుర్తుకు చేసుకుంది బ్యూటీ. 2011లో ఫెమినా మిస్ ఇండియా పోటీల్లో రకుల్ ఐదు రౌండ్లలో గెలిచింది. ఐదు సబ్ టైటిళ్లనూ అందుకుంది.
టాలీవుడ్లో యంగ్ హీరోలతో పాటు సీనియర్ స్టార్ మీరోలతో కూడా ఆడిపాడిన ముద్దుగుమ్మ నాగార్జున సరసన మన్మథుడు-2 సినిమాలో మెరిపించింది. ఇక మరో సౌత్ సీనియర్ హీరో కమల్ హాసన్ జంటగా భారతీయుడు 2లో కనిపించబోతోంది.
ఇక బాలీవుడ్ లో అమితాబ్ బచ్చన్, అక్షయ్ కుమార్, అజయ్ దేవగణ్ వంటి సీనియర్లతో పాటు సిద్ధ్దార్థ్ మల్హోత్రా, ఆయుష్మాన్ ఖురానా లాంటి యంగ్ స్టార్స్ తో కూడా జంటగా నటించించింది బ్యూటీ. తమిళంలో కూడా కార్తీ లాంగ్ స్టార్స్ తో చేసింది.. కమల్ లాంటి సీనియర్లతో నటించబోతోంది.
సోషల్ మీడియాలో ఫుల్ యాక్టీవ్ గా ఉండే రకుల్ ప్రీత్... తిండి విషయంలో మహా జాగ్రత్తగా ఉంటుంది దే దే ప్యార్ దే సినిమాకోసం 50 రోజుల్లో 10 కేజీల బరువు తగ్గి హీరోలే కాదు, హీరోయిన్లూ సినిమా కోసం శరీరాకృతిని మార్చుకోగలరని నిరూపించింది.
ప్రస్తుతం తొమ్మిది సినిమాలతో బిజీగా ఉన్న రకుల్, గతంతో పోలిస్తే మరీ సన్నబడింది. బాలీవుడ్లో వరుస అవకాశాలు వస్తుండటంతో తెలుగు సినిమాల్లో బొత్తిగానల్లపూసైపోయింది. రీసెంట్ గా తన బాయ్ ఫ్రెండ్ ను పరియం చేసిన రకుల్ ప్రీత్ త్వరలో పెళ్లి పీటలు ఎక్కబోతోంది.
కాబోయే భర్త జాకీ భగ్నానీతో దిగిన ఫొటోను షేర్ చేస్తూ తాను పెళ్లి చేసుకోబోతున్నట్టు ప్రకటించింది. అంతేకాదు రకుల్ అనే యూట్యూబ్ చానల్ స్టార్ట్ చేసి వంటలు, ఫ్యాషన్కు సంబంధించిన వీడియోలులతో తానే సందడి చేయబోతున్నట్టు వెల్లడించింది. ఇక సోషల్ మీడియాతో పాటు యూట్యూబ్ ద్వారా కూడా తన సినిమాల సంగతులు పంచుకుంటానని చెప్పింది.