40 ఏళ్ళ నుంచి రజినీకి సెంటిమెంట్ గా మారిన థియేటర్ కూల్చివేత

చెన్నైలో పేరుగాంచిన థియేటర్లు వరుసగా మూతపడుతున్న వేళ, ఇప్పుడు రజనీ థియేటర్ మూతపడుతున్నట్లు ప్రకటన వచ్చింది.

చెన్నై శ్రీ బృందా థియేటర్ మూత: చెన్నైకి గుర్తుగా ఉన్న థియేటర్లు వరుసగా మూతపడటం అభిమానులను బాధపెడుతోంది. కొద్దిరోజుల కిందట చెన్నై అశోక్ పిల్లర్ ఏరియాలో నడుస్తున్న ఉదయం థియేటర్‌ను పూర్తిగా కూల్చివేసి అక్కడ అపార్ట్‌మెంట్ కడుతున్నారు. ఈ నేపథ్యంలో చెన్నైలో మరో పేరుగాంచిన శ్రీ బృందా థియేటర్ తన ప్రయాణాన్ని ఆపేసింది.

శ్రీ బృందా థియేటర్

ఉత్తర చెన్నై ప్రజల కోసం 1985 ఏప్రిల్ నెలలో తెరిచిన ఈ థియేటర్ గత 40 ఏళ్లుగా ఆ ప్రాంత ప్రజలకు ఎన్నో సూపర్ హిట్ సినిమాలు చూపించింది. ఉత్తర చెన్నైలో తెరిచిన మొదటి ఏసీ థియేటర్ ఇది. ఈ థియేటర్‌ను సూపర్ స్టార్ రజనీకాంత్ ప్రారంభించారట. ఈ థియేటర్‌ను బృందా థియేటర్ అని పిలవడం కంటే రజనీ థియేటర్ అనే పిలుస్తారట.

రజనీ థియేటర్

రజనీ అభిమాని కట్టిన ఈ థియేటర్‌లో ఏ రజనీ సినిమా వచ్చినా తప్పకుండా వేసేవారట. దాని కారణంగానే దీన్ని రజనీ థియేటర్ అని పిలుస్తూ వచ్చారు. రజనీకాంత్ పాండియన్ లాంటి చిత్రాలు ఈ థియేటర్ లో 200 రోజులు ఆడాయి. 

శ్రీ బృందా థియేటర్ మూత

చెన్నై పెరంబూర్ ఏరియాలో దాదాపు 40 ఏళ్లుగా ఈ థియేటర్ నడుస్తూ వచ్చింది. సినిమాస్కోప్‌లో సినిమాలు వేసింది మొదలు ప్రస్తుతం ట్రెండ్‌లో ఉన్న డిజిటల్ వరకు అన్ని టెక్నాలజీలను దాటుకుని వచ్చిన గొప్పతనం ఈ థియేటర్‌కు ఉంది.