స్టార్‌ హీరో ఫస్ట్ మూవీ డిజాస్టర్‌, అయినా 3 సార్లు రీమేక్‌, ఆ మూవీ ఏంటంటే?

బాలీవుడ్  మొట్టమొదటి సూపర్‌స్టార్ రాజేష్ ఖన్నా 'ఆఖరి ఖత్' చిత్రంతో అరంగేట్రం చేశారు, కానీ ఈ చిత్రం పరాజయం పాలైంది. అయినప్పటికీ, దీనికి 3 రీమేక్‌లు వచ్చాయి.

రాజేష్ ఖన్నా తొలి చిత్రం ఫ్లాప్

బాలీవుడ్ ఫస్ట్ సూపర్‌స్టార్ రాజేష్ ఖన్నా. ఆయన తన కెరీర్‌లో అనేక హిట్ చిత్రాలు ఇచ్చారు. అయితే, ఆయన తొలి చిత్రం ఫ్లాప్ అయినప్పటికీ, ఆయనకు లాభం చేకూరింది.

రాజేష్ ఖన్నా తొలి చిత్రం 'ఆఖరి ఖత్'

1966 లో 'ఆఖరి ఖత్' చిత్రంతో రాజేష్ ఖన్నా బాలీవుడ్‌లో అరంగేట్రం చేశారు. దర్శకుడు చేతన్ ఆనంద్ రూపొందించిన ఈ చిత్రంలో రాజేష్ సరసన ఇంద్రాణి ముఖర్జీ నటించారు. ఈ చిత్రానికి ఖయ్యాం సంగీతం అందించగా, కైఫీ ఆజ్మీ పాటలు రాశారు. ఈ చిత్రంలో లతా మంగేష్కర్ పాడిన 'బహారో మేరా జీవన్ భీ సంవారో..' పాట నేటికీ  ట్రెండింగ్‌. 

'ఆఖరి ఖత్' చిత్రం చరిత్ర సృష్టించింది

రాజేష్ ఖన్నా 'ఆఖరి ఖత్' చిత్రం ఫ్లాప్ అయ్యంది.  అయినప్పటికీ ఇది చరిత్ర సృష్టించింది. ఈ చిత్రం తరువాత బాలీవుడ్ కల్ట్ క్లాసిక్ చిత్రంగా పేరు పొందింది. 40వ ఆస్కార్ అవార్డులకు ఉత్తమ విదేశీ భాషా విభాగంలో ఈ చిత్రాన్ని పంపించారు, కానీ నామినేషన్ దక్కలేదు. 

'ఆఖరి ఖత్' మూడు భాషల్లో రీమేక్

రాజేష్ ఖన్నా 'ఆఖరి ఖత్' ఫ్లాప్ అయినప్పటికీ, మూడు భాషల్లో రీమేక్  చేయడం విశేషం. మొదట 1974 లో ఈ చిత్రం టర్కీష్‌లో 'గారిప్ కుస్' పేరుతో, 1979 లో తమిళంలో 'పూన్తలిర్' పేరుతో, 1981 లో తెలుగులో 'చిన్నారి చిట్టి బాబు' పేరుతో రీమేక్ చేశారు. 

రాజేష్ ఖన్నా హిట్ చిత్రాలు

తొలి చిత్రం ఫ్లాప్ అయినప్పటికీ, రాజేష్ ఖన్నాకు అనేక చిత్రాల్లో అవకాశాలు వచ్చాయి. 1967-69 లో ఆయన 'రాజ్', 'ఔరత్', 'ఖామోషీ', 'డోలీ', 'ఇత్తెఫాక్', 'ఆరాధన', 'దో రాస్తే', 'బంధన్' వంటి హిట్ చిత్రాలు ఇచ్చారు. అనతి కాలంలోనే స్టార్‌గా ఎదిగారు. 

రాజేష్ ఖన్నా చివరి చిత్రం 'రియాసత్'

1970 లో రాజేష్ ఖన్నా జోరు చూడదగ్గది. ఆయన వరుసగా 15 హిట్ చిత్రాలు ఇచ్చారు. 'ద ట్రైన్', 'సచ్చా జూటా', 'సఫర్', 'కటి పతంగ్', 'ఆనంద్', 'అందాజ్', 'ఆన్ మిలో సజ్నా', 'దుష్మన్' వంటి చిత్రాలతో తిరుగులేని సూపర్‌ స్టార్‌గా ఎదిగారు. రాజేష్ ఖన్నా ఇప్పుడు మన మధ్య లేరు. ఆయన చివరిసారిగా 2014 లో వచ్చిన 'రియాసత్' చిత్రంలో కనిపించారు.