అల్లు అర్జున్, రాజశేఖర్ కాంబినేషన్ లో మూవీ.. గోల్డెన్ ఛాన్స్ మిస్ చేసుకున్న యాంగ్రీ స్టార్

15

Allu Arjun

సీనియర్ హీరో రాజశేఖర్ గతంలో టాలీవుడ్ లో అనేక సూపర్ హిట్ చిత్రాల్లో నటించారు. యాంగ్రీ స్టార్ అనే గుర్తింపు కూడా ఆయనకు ఉంది. అంకుశం, ఆహుతి, అల్లరి ప్రియుడు, మా అన్నయ్య, సింహరాశి ఇలాంటి సూపర్ హిట్ చిత్రాలు రాజశేఖర్ ఖాతాలో ఉన్నాయి. కానీ ఆ తర్వాత రాజశేఖర్ రేసులో వెనకబడిపోయారు. ఇటీవల దశాబ్దం నుంచి రాజశేఖర్ కెరీర్ నెమ్మదించింది.

25

rajasekhar

అయితే సెకండ్ ఇన్నింగ్స్ లో గరుడవేగ చిత్రంతో అదరగొట్టారు. ప్రవీణ్ సత్తారు దర్శకత్వంలో రూపొందిన గరుడవేగ చిత్రం మంచి విజయం సాధించింది. ఆ తర్వాత రాజశేఖర్ హీరోగా కొన్ని ప్రయత్నాలు చేసినప్పటికీ అవి వర్కౌట్ కాలేదు. ఆ మధ్యన రాజశేఖర్ విలన్ రోల్స్ లో కూడా నటించడానికి ఆసక్తి చూపుతున్నారు అంటూ ప్రచారం జరిగింది. దీనిపై రాజశేఖర్ ఇటీవల ఇంటర్వ్యూలో క్లారిటీ ఇచ్చాడు.

35

Rajashekar

నేను హీరోగా నటిస్తూనే మంచి కంటెంట్ ఉన్న పాత్రలు వస్తే విలన్ గా చేయడానికి కూడా సిద్ధం. కాకపోతే నేను పెర్ఫార్మ్ చేయడానికి అందులో మంచి కంటెంట్ ఉండాలి. విలన్ గా మాత్రమే కాదు చిన్న హీరోలతో మల్టీస్టారర్ సినిమాలు చేయడానికి కూడా రెడీగా ఉన్నా. అదేవిధంగా సినిమాలో కీలకమైన పాత్ర ఏదైనా ఉంటే క్యారెక్టర్ ఆర్టిస్ట్ గా నటించడానికి కూడా సిద్ధం అని రాజశేఖర్ అన్నారు.

45

గరుడవేగ మూవీ తర్వాత గతంలో చేసిన తప్పులు తిరిగి చేయకూడదని తెలిసింది. గరుడవేగ కథ నాతో పాటు, నా భార్య జీవితకి, పిల్లలకి కూడా నచ్చింది. అందుకే బడ్జెట్ ఎక్కువైనా ఆ చిత్రంలో నటించాను అని రాజశేఖర్ అన్నారు. తాను, అల్లు అర్జున్ కలిసి నటించాల్సిన కాంబినేషన్ మిస్ అయిందని రాజశేఖర్ స్వయంగా చెప్పారు. మిస్సయిన చిత్రం ఇంకేదో కాదు.. త్రివిక్రమ్ దర్శకత్వంలో వచ్చిన సన్నాఫ్ సత్యమూర్తి.

55

ఆ చిత్రంలో ఉపేంద్ర క్యారెక్టర్ అంటే నాకు చాలా ఇష్టం. నటించడానికి స్కోప్ ఉన్న పాత్ర అది. నన్ను దృష్టిలో పెట్టుకుని త్రివిక్రమ్ గారు ఆ పాత్ర రాశారట. త్వరలో త్రివిక్రమ్ నన్ను కలిసి కథ కూడా చెబుతారని ఆయన సన్నిహితుల ద్వారా నాకు తెలిసింది. కానీ చివరికి ఏమైందో నాకు తెలియదు నా వరకు ఆ చిత్రం రాలేదు. ఒకవేళ త్రివిక్రమ్ అడిగి ఉంటే తప్పకుండా సన్నాఫ్ సత్యమూర్తి లో నటించేవాడిని అని రాజశేఖర్ అన్నారు. అదేవిధంగా సీతమ్మ వాకిట్లో సిరిమల్లె చెట్టు చిత్రంలో ప్రకాష్ రాజ్ పాత్రకి కూడా ముందుగా నన్నే అనుకున్నారు అని రాజశేఖర్ అన్నారు.