రాజన్న మూవీలో చైల్డ్ ఆర్టిస్ట్ ఇప్పుడు ఎలా ఉందో, ఏం చేస్తుందో తెలుసా... ఎంత అందంగా తయారైంది!

First Published Jul 21, 2021, 12:04 PM IST

చైల్డ్ ఆర్టిస్ట్ గా 15చిత్రాలు చేసింది నటి అన్ని. నాలుగేళ్ళ ప్రాయంలోనే నటిగా ఎంట్రీ ఈ చిన్నది ప్రస్తుతం 20ఏళ్ల ప్రాయం దాటేసింది. అప్పటి ఈ చైల్డ్ ఆర్టిస్ట్ ఇప్పుడు ఎలా ఉందో చూసేద్దామా...

టాలెంటెడ్ డైరెక్టర్ చంద్ర శేఖర్ ఏలేటి దర్శకత్వంలో తెరకెక్కిన అనుకోకుండా ఒకరోజు మూవీతో అన్ని, వెండి తెరకు పరిచయం అయ్యింది. జగపతి బాబు, ఛార్మి ప్రధాన పాత్రలలో తెరకెక్కిన ఈ క్రైమ్ థ్రిల్లర్ లో ట్యూషన్ గర్ల్ గా అన్ని కనిపించారు.

ఆ తరువాత చిరంజీవి , మురుగదాస్ కాంబినేషన్ లో తెరకెక్కిన స్టాలిన్ మూవీలో చిరంజీవి ఫ్రెండ్ కూతురు పాత్ర చేశారు. మహేష్ తో సురేంధర్ రెడ్డి తెరకెక్కించిన అతిథి మూవీలో చిన్నప్పటి హీరోయిన్ పాత్ర చేశారు.

చక్కని నటనతో ఆకట్టుకునే అన్నికి టాలీవుడ్ లో వరుస ఆఫర్స్ వచ్చాయి. స్వాగతం,రెడీ, శౌర్యం, మిత్రుడు, ఏక్ నిరంజన్, కేడి వంటి చిత్రాలలో నటించింది. అలాగే ఓ భోజ్ పురి మూవీలో కూడా ఆమె నటించారు.

అయితే నాగార్జున హీరోగా స్టార్ రైటర్ విజయేంద్ర ప్రసాద్ దర్శకత్వంలో తెరకెక్కిన రాజన్న మూవీలో అన్ని ప్రధాన పాత్ర చేశారు. పీరియాడిక్ మూవీగా తెరకెక్కిన రాజన్న మూవీ మొత్తం అన్ని చుట్టే తిరుగుతుంది.

దొరలను ఎదిరించిన రాజన్న నాగార్జున కూతురిగా, సహజ గాయనిగా అన్ని నటించారు. కమర్షియల్ గా రాజన్న పెద్ద విజయం సాధించకపోయినప్పటికీ.. నటి అన్నికి మంచి తెచ్చిపెట్టింది.

2018లో విడుదలైన బ్లాక్ బస్టర్ రంగస్థలం మూవీలో అన్ని చరణ్ చెల్లెలి పాత్ర చేశారు. సుకుమార్ దర్శకత్వంలో తెరకెక్కిన రంగస్థలం భారీ విజయాన్ని నమోదు చేసింది. అలాగే జీ 5లో ప్రసారమైన లూజర్ తెలుగు వెబ్ సిరీస్ లో నటించారు.

కెరీర్ లో మూడు నంది అవార్డ్స్ అందుకున్న అన్ని చైల్డ్ ఆర్టిస్ట్ గా సూపర్ సక్సెస్ అయ్యారు. హైదరాబాద్ లో పుట్టిపెరిగిన అన్ని ప్రస్తుతం హీరోయిన్ గా ఎదగాలనే ప్రయత్నాలలో ఉన్నారు.