రాజమౌళికి అసలైన పోటీ ఇచ్చే దర్శకుడు ఎవరో తెలుసా, శంకర్ కాదు..అతడంటే జక్కన్నకి ఇంత భయమా 

దర్శకధీరుడు రాజమౌళి ఇండియాలో బిగ్గెస్ట్ డైరెక్టర్స్ లో ఒకరు. ప్రస్తుత ఫామ్ ని బట్టి రాజమౌళి అగ్ర స్థానంలో ఉన్నారు అని చెప్పడంలో సందేహం లేదు. ఒకప్పుడు ఇలా పాన్ ఇండియా వైడ్ గా శంకర్ కి క్రేజ్ ఉండేది. కానీ ఇప్పుడు శంకర్ హవా కాస్త తగ్గింది.

rajamouli

దర్శకధీరుడు రాజమౌళి ఇండియాలో బిగ్గెస్ట్ డైరెక్టర్స్ లో ఒకరు. ప్రస్తుత ఫామ్ ని బట్టి రాజమౌళి అగ్ర స్థానంలో ఉన్నారు అని చెప్పడంలో సందేహం లేదు. ఒకప్పుడు ఇలా పాన్ ఇండియా వైడ్ గా శంకర్ కి క్రేజ్ ఉండేది. కానీ ఇప్పుడు శంకర్ హవా కాస్త తగ్గింది. రాజమౌళికి పోటీ ఇచ్చే దర్శకుడు ఎవరనే విషయంలో చాలా అభిప్రాయాలు ఉన్నాయి. 

ప్రశాంత్ నీల్, సుకుమార్, కొరటాల శివ, బాలీవుడ్ లో కొందరు దర్శకులు, యువ దర్శకుడు  ప్రశాంత్ వర్మ, అట్లీ ఇలా కొందరి పేర్లు రాజమౌళికి పోటీగా వినిపిస్తున్నాయి. వీరిలో జక్కన్నకి నిఖార్సైన పోటీ ఇచ్చే డైరెక్టర్ ఎవరు అనేది తేలలేదు. కానీ రాజమౌళి మాత్రమే తనకి అసలైన పోటీ ఎవరో ఆయనే తేల్చేశారు. ఇప్పుడు కాదు కొన్నేళ్ల క్రితమే ఓ దర్శకుడు తనకి పోటీ అవుతాడని రాజమౌళి అంచనా వేశారట. ఇప్పుడు అదే నిజమైంది. 

చాలా మంది డైరెక్టర్ శంకర్, రాజమౌళి మధ్య పోటీ ఉందని భావిస్తారు. కానీ రాజమౌళి మాత్రం తనకి పోటీ ఇచ్చే దర్శకుడు సుకుమార్ అని ఆల్రెడీ చెప్పేశారు. సుకుమార్ అంటే రాజమౌళికి చాలా ఇష్టం. ఈ విషయాన్ని జక్కన్న పలు ఇంటర్వ్యూలలో చెప్పారు. సుకుమార్ ఒక సందర్భంలో మాట్లాడుతూ.. రాజమౌళి లాంటి డైరెక్టర్ కి నేను నచ్చడం తన అదృష్టం అని తెలిపారు. వెంటనే రాజమౌళి స్పందిస్తూ పోకిరి లాంటి ట్విస్ట్ ఇచ్చారు. 

రాజమౌళి మాట్లాడుతూ.. నేను ఆర్య మూవీ చూసినప్పుడే.. వీడెవడో నాకు కాంపిటీషన్ అయ్యేలా ఉన్నాడు అని ఫిక్స్ అయ్యా. నిన్ను ద్వేషించాలి లేదా ఫ్రెండ్ చేసుకోవాలి.. ఈ రెండే ఆప్షన్స్ ఉన్నాయి. నిన్ను ద్వేషిస్తూ ప్రశాంతత కోల్పోయే కంటే.. ఫ్రెండ్ చేసేసుకుని హ్యాపీగా ఉండడం బెటర్ అనిపించినట్లు రాజమౌళి తెలిపారు. జక్కన్న మాటలకు సుకుమార్ పగలబడి నవ్వుకున్నారు. 

బిగినింగ్ లో ప్రేమ కథా చిత్రాలతో మెప్పించిన సుకుమార్ ఆ తర్వాత రంగస్థలం, పుష్ప లాంటి చిత్రాలతో అందరిని ఆశ్చర్యపరిచారు. 1 నేనొక్కడినే చిత్రం ఫెయిల్ అయినప్పటికీ దర్శకుడిగా సుకుమార్ కి ప్రశంసలు తెచ్చిపెట్టింది. ఇప్పుడు సుకుమార్ పుష్ప 2 చిత్రంతో పాన్ ఇండియా లెవల్ లో మరో మెట్టు ఎక్కేందుకు రెడీ అవుతున్నారు.