Brahmamudi: తన అక్క అంతు చూడటానికి సిద్ధంగా ఉన్న అప్పు.. కావ్యని బెదిరిస్తున్న రాజ్?

Brahmamudi: స్టార్ మాలో ప్రసారమవుతున్న బ్రహ్మముడి సీరియల్ మంచి కథనాలతో ప్రేక్షకులకు మరింత దగ్గరవుతుంది. తన మీద పడ్డ నిందని తొలగించుకోవడం కోసం తపన పడుతున్న ఒక కావ్య కథ ఈ సీరియల్. ఈరోజు ఏప్రిల్ 28 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో మా అక్క మీద ఆల్రెడీ కన్నేసి ఉంచాను అవకాశం దొరికితే దాని అంతు చూస్తాను అంటుంది అప్పు. మనకి ఉన్నది చాలా తక్కువ సమయం అవకాశం కోసం ఎదురు చూడటం కాదు మనమే అవకాశాన్ని సృష్టించాలి. మీ అక్కకి పెళ్లి సంబంధాలు తెస్తున్నట్లు చెప్పు. కంగారుపడిన మీ అక్క పరిగెత్తుకుంటూ బాయ్ ఫ్రెండ్ దగ్గరికి వెళుతుంది అప్పుడు రెడ్ హ్యాండెడ్ గా వాళ్ళిద్దర్నీ పట్టుకోవచ్చు అని ఐడియా ఇస్తాడు కళ్యాణ్.

నువ్వు చాలా సాఫ్ట్ అనుకున్నాను కానీ పర్వాలేదు నీలో కూడా టాలెంట్ ఉంది అంటూ మెచ్చుకుంటుంది అప్పు. కానీ మా అక్క గురించి మాట్లాడటానికి మా ఇంట్లో ఎవరూ ఒప్పుకోరు అంత అసహ్యించుకుంటున్నారు అంటుంది అప్పు. మీ వీధిలో ఆడవాళ్ళని రెచ్చగొట్టు. వాళ్లే మీ అమ్మ దగ్గరికి వెళ్లి పని చక్కపెట్టేస్తారు అంటాడు కళ్యాణ్. మరోవైపు భోజనాల దగ్గర అందరూ కూర్చుంటారు.

ధాన్యలక్ష్మి దగ్గరికి వచ్చిన కావ్య వంట నేను చేసినట్లుగా చెప్పకండి అత్తయ్య ఆయన భోజనం చేయరు అంటుంది కావ్య. అలాగే అంటుంది ధాన్యలక్ష్మి. భోజనం బాగుంది అంటూ అందరూ లొట్టలు వేసుకుంటూ తింటారు. ఇంతలోనే అపర్ణ వచ్చి వాసన గుమగుమలాడుతుంది ఏంటి స్పెషల్స్ అని అడుగుతుంది. భోజనం కలుపుకొని ముద్ద నోట్లో పెట్టుకుంటూ ఉంటే నీ కోడలు మొదటిసారి వంట చేసింది అంటూ రెచ్చగొడుతుంది రుద్రాణి.

కోపంతో రగిలిపోయిన అపర్ణ నిన్ను వంటగదిలోకి రావద్దు అంటూ అత్తగా ఆర్డర్ వేసాను కదా అయినా ఖతారు లేదా అంటుంది. మీరు అత్తగా ఆర్డర్ వేశారు అంటే నన్ను కోడలుగా ఒప్పుకున్నట్టే కదా అంటుంది కావ్య. అంతే కదా వదినా నువ్వు పరాయి మనిషి అనుకుంటే తను పరాయి మనిషిగానే సాయం చేసిందనుకో అంటుంది రుద్రాణి. ఈ పిల్ల వంట చేసింది అంటే అసలు భోజనానికే రాను.

జీవితంలో ఈ అమ్మాయిని కోడలుగా అంగీకరించను. పస్తులైన ఉంటాను గాని దాని చేతి వంట తినను అంటూ కోపంగా అక్కడ నుంచి వెళ్ళిపోతుంది అపర్ణ. కష్టపడి చేసింది కాస్త తిను అని భర్త, అత్తగారు ఎంత చెప్పినా వినిపించుకోదు. కావ్య వంట చేసిందని అప్పుడే తెలుసుకున్న రాజ్ కూడా కోపంతో అక్కడి నుంచి వెళ్ళిపోతే మీ అమ్మకి పట్టిన ముహూర్తమే మీకు కూడా పట్టిందా పిచ్చి వేషాలు వేయకుండా తిను అని తండ్రి చెప్పటంతో బలవంతంగా తింటాడు రాజ్.

మరోవైపు వీధి కొళాయిల దగ్గర అమలక్కలు నీటికోసం తగువులాడుకుంటుంటే అక్కడికి వెళ్లిన అప్పు అక్క తిరిగి వచ్చేసింది, తనని ఏమి అనకండి అంటూ రివర్స్ డ్రామా ప్లే చేసి అక్కడ నుంచి వెళ్ళిపోతుంది. తను వద్దంటే మనం మానేస్తామా వెళ్లి స్వప్నని కెలుకుదాం అనుకుంటారు అమ్మలక్కలు. మరోవైపు సుభాష్ దగ్గరికి భోజనాన్ని తీసుకొని వచ్చిన కావ్య   నా కారణంగా ఎవరైనా భోజనం మానేస్తే నాకు స్థిమితంగా ఉండదు అందుకే బయటనుంచి ఆర్డర్ చేసి భోజనం తెప్పించాను.

మీరు వెళ్లి కాస్త అత్తయ్యకి భోజనం పెట్టండి అని అడుగుతుంది. భర్తని, నేనే తర్వాత తింటుందని ఊరుకున్నాను కానీ నువ్వు అత్తగారి కోసం ఆలోచించావు అని కోడల్ని మెచ్చుకొని భోజనాన్ని తీసుకొని భార్య దగ్గరికి వెళ్తాడు సుభాష్. ఎప్పుడూ లేనిది మీరు తేవడం ఏంటి అయినా ఆ పిల్ల చేతి భోజనం తిననని చెప్పాను కదా అంటుంది అపర్ణ. అందుకే బయటినుంచి తెప్పించాను అంటూ ఆమె చేత భోజనం తినేలాగా చేస్తాడు సుభాష్.

కడుపునిండా భోజనం తినిపించారు థాంక్స్ అంటుంది అపర్ణ. నిజమే నువ్వు థాంక్స్ చెప్పాల్సిందే అనుకుంటాడు కోడల్ని తలుచుకొని. బయటికి వచ్చిన తర్వాత కోడలికి థాంక్స్ చెప్తాడు సుభాష్. ఇంట్లో అంతా నీకు వ్యతిరేకంగా జరుగుతున్న ఇదంతా ఎందుకు చేస్తున్నావు అని అడుగుతాడు. నన్ను కోడలుగా ఒప్పుకున్నా ఒప్పుకోకపోయినా కోడలుగా నా బాధ్యత తీర్చుకున్నాను అన్న సంతృప్తి కోసం అంటూ అక్కడి నుంచి వెళ్ళిపోతుంది కావ్య.

ఇదంతా వింటున్న చిట్టి కొడుకు దగ్గరికి వచ్చి నా కోడలు బాధ్యత వదిలేస్తే నీ కోడలు బాధ్యత తీసుకుంది అంటుంది. ఇద్దరు నవ్వుకుంటారు. మరోవైపు కుటుంబ సభ్యులందరూ కూర్చొని సరదాగా మాట్లాడుకుంటూ ఉంటారు. అందరికీ లెమన్ టీ తీసుకొస్తుంది కావ్య. ఇప్పుడే భోజనాలు అయ్యాయి కదా అంటుంది చిట్టి. వెంటనే లెమన్ టీ తాగితే డైజేషన్ బాగా అవుతుంది అంటుంది కావ్య. చాలా బాగుంది అంటూ అందరూ మెచ్చుకుంటారు.

రాజ్ దగ్గరికి కూడా టీ తీసుకొని వెళ్తుంది. తరువాయి భాగంలో దోషం పోవాలంటే పిల్లలిద్దరి చేత వ్రతం చేయించాలి అంటారు పంతులుగారు. వ్రతం చేయించాలని మేము నిర్ణయం తీసుకున్నాము అంటూ కచ్చితంగా చెప్తుంది చిట్టి. మరోవైపు గడువులోగా నీ తప్పు లేదని నిరూపించుకో లేకపోతే వెంటనే ఇంట్లోంచి బయటకు పంపించేస్తానంటూ కావ్యని హెచ్చరిస్తాడు రాజ్.