Brahmamudi: తల్లికి చివాట్లు పెట్టిన రాజ్.. ఇంటి పరువు బజారుకీడ్చిన కావ్య!
Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి రేటింగ్ ని సంపాదించుకుంటూ టాప్ సీరియల్స్ కి గట్టి పోటీని ఇస్తుంది. పుట్టింటి కష్టం తీర్చడానికి తపన పడుతున్న ఒక కూతురి కథ ఈ సీరియల్. ఇక ఈరోజు ఆగస్టు 7 ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో అర్జెంటు పని అంటే డెలివరీ మానుకొని మరి ఇక్కడికి వచ్చాను ఇదేనా ఆ గుడ్ న్యూస్ అంటూ విసుక్కుంటూ అక్కడ నుంచి వెళ్ళిపోబోతుంది అప్పు. అలా వెళ్ళిపోకు బ్రో నాకు సాయం చేయటానికి నువ్వు తప్ప ఎవరున్నారు అంటాడు కళ్యాణ్. ఏం మాట్లాడుతున్నావ్ అంటుంది అప్పు. పేరు కనుక్కోమంటూ సవాల్ విసిరిన ఆ అమ్మాయి అడ్రస్ కనుక్కోవడానికి నువ్వే హెల్ప్ చేయాలి అంటూ అప్పుని రిక్వెస్ట్ చేస్తాడు కళ్యాణ్.
సీన్ కట్ చేస్తే అప్పు తీరుస్తానని నాన్నకి మాటిచ్చాను ఇప్పుడు ఎలా తీర్చాలి అని ఆలోచనలో పడుతుంది కావ్య. ఇంతలో రాజ్ వచ్చి నీకు ఒక గుడ్ న్యూస్ చెప్పాలి అని చెప్తాడు. నాకు గుడ్ న్యూస్ చెప్పే వాళ్ళు కూడా ఉన్నారా అంటూ నిరాశగా
మాట్లాడుతుంది కావ్య. నేనున్నాను.. నీకు డిజైనర్ పోస్ట్ కి అపాయింట్ చేశాను ఇదిగో అపాయింట్మెంట్ ఆర్డర్ అంటాడు రాజ్. ఆ జాబ్ నేను చేయలేను అంటుంది కావ్య.
నీ అవసరం కంపెనీకి ఉందని తెలిసి బెట్టు చేస్తున్నావా నాకు కింద చేయటానికి నీకు ఇగో అంటూ కోప్పడతాడు రాజ్. ఇప్పుడే అర్థం చేసుకున్నారనుకున్నాను ఇంతలోనే అపార్థం చేసుకుంటున్నారు నేను మీకు కావాలంటే డిజైన్ వేసి ఇస్తాను కానీ మీ దగ్గర డబ్బులు తీసుకోలేను అంటూ బాధగా అక్కడ నుంచి వెళ్ళిపోతుంది కావ్య. ఆమెని పిలుస్తూ రాజ్ కూడా బయటికి వెళ్తాడు. కావ్య వినిపించుకోకుండా వెళ్ళిపోతుంది.
ఇదంతా బయటనుంచి వింటుంది ధాన్యలక్ష్మి. బయటనే ఉన్న ధాన్యలక్ష్మిని చూసి కావ్య గురించి చెప్తాడు రాజ్. అభిమానం గల ఆడపిల్ల అంతకుమించి ఏం చేస్తుంది అంటూ ఇంట్లో జరిగిందంతా చెప్తుంది ధాన్యలక్ష్మి. తను నా పర్మిషన్ తోనే ఇదంతా చేసింది అని చెప్తాడు రాజ్. మరోవైపు నాన్న వాళ్లకి ఎలాగైనా సాయం చేయాలి అనుకుని వినాయకుడిని ప్రార్థిస్తుంది ఈ లోపు ఏదో గుర్తొచ్చి మట్టి బొమ్మల ఆర్డర్ కోసం అందరికీ ఫోన్ చేస్తుంది. మరోవైపు రాజ్ తల్లి దగ్గరికి వెళ్లి జరిగిందంతా చెప్తాడు.
నేను ఊరికే ఇవ్వలేదు తన కష్టానికి రెమ్యూనరేషన్ కి ఇచ్చాను అంటూ తల్లికి మెత్తగా చీవాట్లు పడతాడు.ఇంట్లో వాళ్ళతో చెప్పి వెళ్ళొచ్చు కదా అంటుంది అపర్ణ. నాతో చెప్పే చేసింది తనకి చాలా టాలెంట్ ఉంది అని కావ్య ఉద్యోగం చేయటానికి తల్లిని ఒప్పిస్తాడు రాజ్. అదే విషయాన్ని ఆనందంగా కావ్య దగ్గరికి వెళ్లి చెప్తాడు. అయినప్పటికీ ఈ ఉద్యోగం నేను చేయలేను.
మీ వల్లే మా కుటుంబం బ్రతికిందని.. మీ కుటుంబం లేకపోతే మా వాళ్ళు బ్రతకలేరని జీవిత కాలం దెప్పుతారు. అది నేను భరించలేను రాజ్ ప్రపోజల్ ని రిజెక్ట్ చేస్తుంది కావ్య. దీనికి తలలో మాత్రమే కాదు ఒళ్లంతా పొగరే అని తిట్టుకుంటాడు. తర్వాత కిచెన్ లో పని చేసుకుంటున్నా కావ్యకి ఒక ఫోన్ వస్తుంది నేను చూసుకోలేదు అంటాడు. ప్రసాదంతో లేను కావ్యని ఈసారి వినాయకుడి బొమ్మలు ఆర్డర్స్ ఇంకా ఇవ్వలేదు అంటుంది కావ్య. కానీ నువ్వు లేవని చెప్పి మీ నాన్న చెప్పారు అంటాడు అతను. నేను చేస్తాను ఈ ఆర్డర్ కన్ఫర్మ్ చేయండి అంటుంది కావ్య.
అతను సరే అనడంతో ఆనందంగా ఫోన్ పెట్టేస్తుంది. మరోవైపు నెలలు పెరుగుతున్న కొద్దీ కడుపు కనిపించకపోతే ఇంట్లో వాళ్లకి అనుమానం వస్తుంది ఎలాగైనా రాహుల్తో కమిట్ అవ్వాలి అనుకుంటుంది స్వప్న. ఇంతలో రాహుల్ తాగేసి వస్తాడు. నువ్వు చేసిన పనికి నాకు చాలా ఆనందంగా ఉంది ఆ కావ్య ని ఇంట్లో వాళ్ళ అందరి చేత తిట్టించావు అంటాడు. ఈ రాహుల్ మామూలోడు కాదు ఆ మాటలు విన్నాడు కాబట్టి సరిపోయింది అదే నేను కావ్య ప్రెగ్నెన్సీ గురించి మాట్లాడుకోవడం వినలేదు వీడితో జాగ్రత్తగా ఉండాలి అనుకుంటుంది.
తాగి మైకంలో ఉన్న రాహుల్ ని చూసి మంచి మూడ్ లో ఉన్నట్టుగా ఉన్నాడు ఈ అవకాశాన్ని వాడుకోవాలి అనుకుంటుంది. తరువాయి భాగంలో పుట్టింట్లో మట్టి పిసుకుతూ బొమ్మలు చేస్తున్న కావ్యని ఇంట్లో వాళ్ళందరూ మీడియాలో చూసి షాక్ అవుతారు. దుగ్గిరాల కోడలు డబ్బుల కోసం దినసరి కూలీగా చేస్తుంది. మా ఇంట్లో వాళ్లకి అసలు మనసే లేదా అంటూ టీవీలో వార్తలు వస్తాయి. ఆ న్యూస్ చూసిన రాజ్ కోపంతో రగిలిపోతాడు.