- Home
- Entertainment
- Celebrity Brothers: అన్నల పేర్లు చెడగొట్టకుండా నిలబెట్టిన తమ్ముళ్లు వీళ్ళే..పవన్ నుంచి కార్తీ వరకు
Celebrity Brothers: అన్నల పేర్లు చెడగొట్టకుండా నిలబెట్టిన తమ్ముళ్లు వీళ్ళే..పవన్ నుంచి కార్తీ వరకు
తమ సోదరుల బాటలో ఇండస్ట్రీలోకి అడుగుపెట్టి హీరోలుగా గుర్తింపు పొందిన తమ్ముళ్లు కొందరు ఉన్నారు. పవన్ నుంచి కార్తీ వరకు సౌత్ ఇండస్ట్రీలో ఉన్న ఆ తమ్ముళ్లు, వారి అన్నల గురించి ఈ కథనంలో తెలుసుకుందాం.
సెలెబ్రిటీ బ్రదర్స్
సౌత్ సినీ ఇండస్ట్రీలో హీరోలుగా రాణిస్తున్న అన్నదమ్ములు ఉన్నారు. అన్నయ్యల బాటలో ఇండస్ట్రీలోకి అడుగుపెట్టి మంచి గుర్తింపు తెచ్చుకున్న తమ్ముళ్లు చాలా మందే ఉన్నారు. కొందరైతే అన్నలనే మించి పోతే మరికొందరు అన్నల స్థాయిలో గుర్తింపు పొందారు. చిరంజీవి - పవన్ నుంచి ఆర్యన్ రాజేష్ - అల్లరి నరేష్ వరకు సెలెబ్రిటీ బ్రదర్స్ గురించి ఈ కథనంలో తెలుసుకుందాం.
చిరంజీవి - పవన్ కళ్యాణ్
చిరంజీవి తమ్ముడిగా అక్కడ అమ్మాయి ఇక్కడ అబ్బాయి చిత్రంతో పవన్ హీరోగా పరిచయం అయ్యారు. ఆ తర్వాత సినిమా సినిమాకి తన సొంత ఇమేజ్ పెంచుకుంటూ చిరు తమ్ముడు అనే షాడో నుంచి బయటకు వచ్చారు. ఒక దశలో చిరంజీవి ఇమేజ్ ని సైతం దాటిపోతాడనే ఊహాగానాలు వినిపించాయి. కానీ పవన్ సినిమాలకు ప్రాధానత్య తగ్గించి రాజకీయాల వైపు వెళ్లారు. అన్నకి తగ్గ తమ్ముడిగా పవన్ ప్రశంసలు అందుకున్నారు.
సూర్య - కార్తీ
సౌత్ లో సూర్య విలక్షణ నటుడిగా గుర్తింపు పొందారు. తెలుగు తమిళ భాషల్లో సూర్యకి అభిమానులు ఉన్నారు. అన్న పేరు చెడగొట్టకుండా కార్తీ కూడా నటనలో మంచి గుర్తింపు పొందారు. కెరీర్ బిగినింగ్ లో యూత్ ఫుల్ మూవీస్ చేసిన కార్తీ ఇప్పుడు అన్ని రకాల పాత్రలో అద్భుత నటన ప్రదర్శిస్తున్నారు.
హరికృష్ణ - బాలకృష్ణ
హరికృష్ణ, బాలకృష్ణ ఇద్దరూ ఎన్టీఆర్ వారసులుగా ఇండస్ట్రీలోకి అడుగుపెట్టారు. అయితే హరికృష్ణ కంటే బాలకృష్ణకి హీరోగా ఎక్కువ క్రేజ్ దక్కింది. మాస్ లో బాలకృష్ణ విపరీతమైన క్రేజ్ సొంతం చేసుకున్నారు.
రమేష్ బాబు - మహేష్ బాబు
సూపర్ స్టార్ కృష్ణ వారసులుగా రమేష్ బాబు, మహేష్ బాబు టాలీవుడ్ లోకి అడుగుపెట్టారు. రమేష్ బాబు ఎక్కువ కాలం ఇండస్ట్రీలో కొనసాగలేకపోయారు. వరుస ఫ్లాపులతో అవుట్ డేటెడ్ హీరో అయ్యారు. కానీ మహేష్ బాబు రాజకుమారుడు చిత్రంతో ఎంట్రీ ఇచ్చి టాలీవుడ్ లో తిరుగులేని హీరోగా ఎదిగారు.
ఆర్యన్ రాజేష్ - అల్లరి నరేష్
ఆర్యన్ రాజేష్ కొంతకాలం టాలీవుడ్ లో హీరోగా రాణించారు. సొంతం, ఎవడిగోల వాడిది లాంటి సూపర్ హిట్స్ అందుకున్నారు. కానీ నెమ్మదిగా ఆర్యన్ రాజేష్ సినిమాలకు దూరమయ్యారు. అల్లరి నరేష్ మాత్రం కామెడీ హీరోగా ఎన్నో విజయవంతమైన సినిమాలు చేశారు. ఇప్పటికీ హీరోగా రాణిస్తున్నారు.
అల్లు అర్జున్ - అల్లు శిరీష్
అల్లు అర్జున్ స్థాయిలో అల్లు శిరీష్ ఇంకా టాలీవుడ్ లో గుర్తింపు పొందలేదు. అల్లు శిరీష్ కొన్ని సినిమాల్లో నటించారు. కొన్ని పర్వాలేదనిపించే సినిమాలు ఉన్నాయి. మంచి ఆర్టిస్ట్ గా మాత్రం శిరీష్ గుర్తింపు దక్కించుకున్నారు.
కళ్యాణ్ రామ్ - జూ.ఎన్టీఆర్
కళ్యాణ్ రామ్ కంటే జూనియర్ ఎన్టీఆర్ ముందుగా హీరోగా నటించారు. కళ్యాణ్ రామ్, ఎన్టీఆర్ మధ్య అన్నదమ్ముల బంధం అద్భుతంగా ఉంటుంది. ఇద్దరూ ప్రస్తుతం ఇండస్ట్రీలో రాణిస్తున్నారు కానీ తారక్ మాత్రం పాన్ ఇండియా హీరోగా దూసుకుపోతున్నారు.
నాగ చైతన్య - అఖిల్
నాగార్జున వారసుడిగా నాగ చైతన్యు ఇండస్ట్రీలోకి వచ్చి హీరోగా నిలదొక్కుకున్నారు. అన్న బాటలో అఖిల్ కూడా హీరోగా ఎంట్రీ ఇచ్చారు. కానీ అఖిల్ కి ఇంకాసక్సెస్ దక్కలేదు. కానీ మంచి పొటెన్షియల్ నటుడిగా అఖిల్ కి గుర్తింపు ఉంది.
