Devatha: ఆదిత్యకు దగ్గరవుతున్న దేవి.. అది చూసి కుళ్ళిపోతున్న మాధవ?
Devatha: బుల్లితెరపై ప్రసారమవుతున్న దేవత (Devatha) సీరియల్ కుటుంబ కథా నేపథ్యంలో కొనసాగుతూ ప్రేక్షకులను బాగా ఆకట్టుకుంటుంది. ఇక ఈ రోజు జూన్ 28 వ ఎపిసోడ్ లో ఏం జరిగిందో తెలుసుకుందాం.
ఈరోజు ఎపిసోడ్ లో రాధ(radha),ఆదిత్య అన్న మాటల గురించి ఆలోచిస్తూ ఉండగా ఇంతలోనే అక్కడికి దేవీ(devi) చిన్మయి వస్తారు. అప్పుడు రాధ వారిద్దరికీ పిండిపదార్ధాలు పెట్టి ఎవరు ఎక్కువ తింటారు అని పోటీ పెడుతుంది. అప్పుడు ఇద్దరు పిల్లలు సమానంగా తిని బాగా చేసావు అని రాధను అనటంతో అప్పుడు రాధ నేను చేయలేదు.
ఒక ఆవిడ తన కోడలు కోసం గుడిలో వాయనంగా ఇచ్చింది అనడంతో ఆ పిల్లలిద్దరూ ఆ అత్తా కోడలు కలవాలి అని కోరుకుంటారు. మరొకవైపు ఆదిత్య(adithya)ఒంటరిగా కూర్చొని ఆలోచిస్తూ ఉండగా ఇంతలోనే సత్య(sathya) అక్కడికి వచ్చి ట్రీట్మెంట్ గురించి చెబుతూ ఉంటుంది. కానీ ఆదిత్య సత్య మాటలు పట్టించుకోకుండా మౌనంగా ఉంటాడు.
అప్పుడు సత్య(sathya) ఈ విషయం చెప్పినప్పటి నుంచి చూస్తున్నాను అసలు పట్టించుకోవడం లేదు అని సత్య అనగా అప్పుడు ఆదిత్య(adithya)నిద్ర వస్తుంది అని చెప్పి పడుకోవడం తో సత్య బాధపడుతుంది. మరొకవైపు స్కూల్ పిల్లలతో కలెక్టర్ కలిసి చాలా విషయాల గురించి అడుగుతూ ఉంటుంది. అప్పుడు అందరి గోల్స్ గురించి అడుగుతుంది.
అప్పుడు దేవి(devi)తాను కూడా కలెక్టర్ అవుతాను అంటూ ఆదిత్య గురించి చెబుతు,ఆదిత్య తనతో ఆడుకుంటాడు అని చెప్పడంతో కలెక్టర్ ఆశ్చర్యపోతుంది. మరొక వైపు రాధ ఒంటరిగా కూర్చుని ఆలోచిస్తూ ఉండగా ఇంతలో అక్కడికి మాధవ రావడంతో రాధ(radha)అక్కడి నుంచి వెళ్ళిపోతూ ఉండగా వెంటనే మాధవ ఎక్కడికి వెళ్తున్నావు అని అనడంతో ఇంట్లో పని ఉంది అని చెబుతుంది రాధ.
కానీ నాకు నీతో మాట్లాడే పని ఉంది అని గుడికి వెళ్లి దేవుడమ్మ(devudamma)ఇచ్చిన వాయనం తీసుకున్న విషయం గురించి మాట్లాడుతాడు. ఆ ఇంటికి వెళ్లాలి అనుకుంటున్నావు కానీ ఆ దేవుడమ్మ ఎలా రాణిస్తుంది. మనిద్దరి మధ్య ఎటువంటి సంబంధం లేకపోయినా ఊరు జనాల దృష్టిలో మనిద్దరం భార్యాభర్తలుగా ఉన్నాము అన్న విషయం మీ అత్తయ్య తెలిస్తే అస్సలు రానివ్వదు అని అనడంతో ఆలోచనలో పడుతుంది.
మరొక వైపు సత్య(sathya) వాచ్ మెన్ ను చూసి ఆదిత్య ఇచ్చిన ఫోన్ ఇది కాదు కదా అని అడగగా అప్పుడు అతను ఇవ్వలేదు అని చెప్పడంతో సత్యకు అనుమానం వస్తుంది. మరొకవైపు దేవి తన తల్లి దగ్గరికి వెళ్లి కలెక్టర్ కావడానికి ఏం నేర్చుకోవాలో తెలియదు అని అనడంతో వెంటనే రాధ(radha) ఆఫీసర్ దగ్గరికి వెళ్లి నేర్చుకోమని చెబుతుంది. అప్పుడు దేవి ఆదిత్య దగ్గరికి వెళ్లడానికి ఇష్టపడుతుంది.