Guppedantha Manasu: షాకింగ్ డెసిషన్ తీసుకున్న విశ్వనాథం.. రిషి ప్రవర్తనకి ఆశ్చర్యపోయిన ప్రిన్సిపల్!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి రేటింగ్ తో ప్రేక్షకుల హృదయాల్లో స్థానం సంపాదించుకుంటుంది. తనకి ఎదురుపడిన మాజీ ప్రేమికురాలు నుంచి దూరంగా పారిపోవడానికి ప్రయత్నిస్తున్న ఒక ప్రేమికుని కథ ఈ సీరియల్. ఇక ఈరోజు జూన్ 13 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో నాకు ఎందుకు ఫోన్ చేసావో చెప్పు అంటూ కోపంగా మాట్లాడుతాడు మహేంద్ర. రిషి సార్ గురించి ఏమైనా తెలిసిందేమో అడుగుదామని ఫోన్ చేశాను సార్ అంటుంది వసు. మీరిద్దరూ కలిపి వాడి మీద లేని నేరము మోపారు ఇంకెందుకు వాడు ఇక్కడికి వస్తాడు అని కోపంగా అంటాడు మహేంద్ర. సరే అని చెప్పి ఫోన్ పెట్టేస్తుంది వసు.

విషయం ఏంటని మహేంద్ర ని అడుగుతుంది జగతి. జగతి తో మాట్లాడటం ఇష్టం లేక ధరణిని పిలిచి వసు రిషి కోసం ఫోన్ చేసింది పని జగతికి చెప్తున్నట్లుగా ధరణికి చెప్పి అక్కడ నుంచి వెళ్ళిపోతాడు మహేంద్ర. మరోవైపు వసుని చూసిన తర్వాత ఆలోచనలో పడ్డ రిషి కాలేజీ మానేస్తాను అంటే విశ్వనాథం గారికి రీజన్స్ చెప్పాలి  అందుకే నేను ఈ ఇంటి నుంచి వెళ్ళిపోవడమే మంచిది అనుకుంటాడు.

అదే విషయాన్ని విశ్వనాథం గారి దగ్గరికి వెళ్లి నేను కాలేజీకి వెళ్లడం లేదు నాకు ఏ పనైనా చెప్పండి చేస్తాను కానీ ఈ ఒక్క విషయంలో మాత్రం నన్ను బలవంతం చేయొద్దు అంటాడు. నువ్వు కాలేజీలో జాయిన్ అవుతావు అని ప్రిన్సిపాల్ గారితో చెప్పాను ఆయన చాలా సంతోషించారు. కాలేజీకి వెళ్లకపోవటానికి కారణం ఏమైనా ఉందా అని అడుగుతాడు.

అలా ఏమీ లేదు నాకు వెళ్లాలనిపించడం లేదు అంతే అని చెప్పి అక్కడ నుంచి వెళ్ళిపోతాడు రిషి. మరోవైపు మహేంద్ర తన పోలీస్ ఫ్రెండ్ ని ఇంటికి పిలిపించి వసుధర ఫోన్ చేసి రిషి గురించి అడిగింది. కానీ తను ఫోన్ చేసిన విషయం అది కాదు అయి ఉంటుంది. తనకి రిషి ఎక్కడ ఉందో తెలిసి ఉంటుంది అది నాకు చెప్పాలని ఫోన్ చేసి ఉంటుంది కానీ చెప్పలేకపోయింది అంటాడు  మహేంద్ర.

నీకెందుకు అలా అనిపించింది అంటాడు ఫ్రెండ్. రిషి లేకపోతే నేను ఉండలేనని తనకి తెలుసు. నేను బాధపడతాను అని తనకి కన్సర్న్ ఉంటుంది అని చెప్పి తను ఏ నెంబర్ నుంచి అయితే ఫోన్ చేసిందో ఆ నెంబర్ తన ఫ్రెండ్ కి ఇచ్చి ట్రేస్ చేయమని చెప్తాడు. సరే నేను కనుక్కొని నా పోలీస్ ఫోర్స్ తో అక్కడికి వెళ్లి రిషి ఎక్కడ ఉన్నాడు కనుక్కుంటాను అంటాడు ఫ్రెండ్.

అలా ఏమి చేయకు రిషి  కి ఇక్కడికి రావడం ఇష్టం లేదని అర్థమైంది కాబట్టి తనని బలవంతంగా ఇక్కడికి తీసుకురాలేము అసలు విషయం ఏం జరిగిందో జగతిని అడిగితే చెప్పడం లేదు అందుకే వసు ని అడిగి  తెలుసుకుందాము అంటాడు మహేంద్ర. సరే అంటూ వసు లొకేషన్ ట్రేస్ చేయడానికి వెళ్తాడు ఆ ఫ్రెండ్. మరోవైపు విశ్వనాథం ఇంటికి వచ్చిన వసు రిషి అడ్రస్ అడుగుతుంది.

రిషి ఇక్కడే ఉన్నాడు అంటాడు విశ్వనాథం. అంతలోనే రిషి రావటంతో వసుని పరిచయం చేస్తాడు  విశ్వనాధం.నేను మీ కాలేజీలో జాబ్ మానేస్తున్నాను అని చెప్పి షాక్ ఇస్తుంది వసు. అదేంటమ్మా  దీని వెనక ఏదైనా కారణం ఉందా అని అడుగుతాడు విశ్వనాథం. కారణాలు తెలియవలసిన వాళ్ళకి తెలిస్తే చాలు సార్ అని రిషివైపు చూసి వెళ్ళిపోతుంది వసు.

 నేను నా కాలేజీలో పని చేసే లెక్చరర్స్ ని ప్రొటెక్ట్ చేసుకోలేకపోతున్నాను. చైర్మన్గా నేను ఫెయిల్ అయ్యా నేమో అనిపిస్తుంది అందుకే కాలేజీని మూసేద్దామనుకుంటున్నాను అంటాడు విశ్వనాథం. ఒకసారిగా షాక్ అవుతాడు రిషి. వద్దు సార్  అలాంటి నిర్ణయం తీసుకోకండి నేను ఆ అమ్మాయితో మాట్లాడుతాను అని చెప్పి వసు కోసం బయలుదేరుతాడు రిషి.

 కారులో వెళ్తూ తను నా మనసులో లేనప్పుడు తన గురించిన ఆలోచన నాకెందుకు అయినా నేను ఆలోచించవలసింది నన్ను మోసం చేసిన వ్యక్తి గురించి కాదు నా ప్రాణాలు కాపాడిన సార్ గురించి అనుకుంటాడు రిషి. అదే సమయంలో వసు ప్రిన్సిపాల్ దగ్గరికి వెళ్లి తన రెజిగ్నేషన్ లెటర్ ఇస్తుంది. షాక్ అయినా ప్రిన్సిపల్ ఏంటి మేడం ఏమైనా ప్రాబ్లం ఉంటే చెప్పండి రిషి సార్ తో చెప్పి సాల్వ్ చేయిద్దాం అంటాడు.

 అలాంటిదేమీ లేదు సార్ పర్సనల్ ప్రాబ్లమ్స్ వల్ల కాలేజ్ మానేస్తున్నాను అంటుంది వసు. అంతలోనే అక్కడికి వచ్చిన రిషి ప్రిన్సిపల్ చేతిలో ఉన్న లెటర్ ని చూసి అది ఏంటి అని అడుగుతాడు. మేడం రిజిగ్నేషన్ లెటర్ అంటాడు ప్రిన్సిపల్. అతని దగ్గర ఆ లెటర్ తీసుకొని చించేసి ఇక తను కాలేజీ మానేయదులండి అని చెప్పి అక్కడ నుంచి వెళ్ళిపోతాడు రిషి. అతని ప్రవర్తనకి ఆశ్చర్యపోతాడు ప్రిన్సిపల్. తర్వాత ఏం జరిగిందో రేపటి ఎపిసోడ్ లో చూద్దాం.