ఆదిపురుష్ నుంచి అప్పుడే తప్పుకోవాలనుకున్న ప్రభాస్.. తేడాగా ఉందని గ్రహించి, ఏం చెప్పాడంటే

ప్రభాస్ శ్రీరాముడిగా నటించిన ఆదిపురుష్ చిత్రం ప్రపంచ వ్యాప్తంగా జూన్ 16న రిలీజయింది. ముందు నుంచి వస్తున్న విమర్శలకు తగ్గట్లుగానే ఈ చిత్రానికి మిక్స్డ్ టాక్ మొదలైంది.

ప్రభాస్ శ్రీరాముడిగా నటించిన ఆదిపురుష్ చిత్రం ప్రపంచ వ్యాప్తంగా జూన్ 16న రిలీజయింది. ముందు నుంచి వస్తున్న విమర్శలకు తగ్గట్లుగానే ఈ చిత్రానికి మిక్స్డ్ టాక్ మొదలైంది. అయినప్పటికీ ప్రభాస్ క్రేజ్ తో వీకెండ్ లో వసూళ్ల వరద పారింది. కానీ వీక్ డేస్ మొదలయ్యే సరికి ఈ చిత్ర జోరు తగ్గిందనే కామెంట్స్ వినిపిస్తున్నాయి. 

దీనికి తోడు  ఆదిపురుష్ చిత్రంపై విమర్శల పర్వం కొనసాగుతూనే ఉంది. రామాయణ పురాణ గాధతో తెరకెక్కించిన చిత్రం కావడంతో ఇందులోని పాత్రలు, దర్శకుడు ఓం రౌత్ తెరకెక్కించిన విధానం, డైలాగ్స్ పై ఆడియన్స్ లో ఫోకస్ ఎక్కువగా ఉంది. అలాగే గ్రాఫిక్స్ పై కూడా విమర్శలు చెలరేగుతున్నాయి. నెటిజన్లు దర్శకుడు ఓం రౌత్, రచయిత మనోజ్ ముంతాషీర్, నిర్మాతలని హిందూ వాదులు టార్గెట్ చేస్తున్నారు. పలు చోట్ల ఆదిపురుష్ చిత్రంపై ఫిర్యాదులు నమోదవుతున్నాయి.

అయితే ఆదిపురుష్ చిత్రంపై ప్రభాస్ ముందు నుంచి కాన్ఫిడెంట్ గా లేదనేది ఓ వీడియో ద్వారా అర్థం అవుతోంది. ఆదిపురుష్ చిత్రం గురించి రాధే శ్యామ్ ప్రమోషన్స్ అప్పుడే ప్రభాస్ చేసిన కామెంట్స్ వైరల్ ఇప్పుడు వైరల్ అవుతున్నాయి. ఈ వీడియోలో ప్రభాస్ చేసిన వ్యాఖ్యలని గుర్తు చేసుకుంటూ ఫ్యాన్స్ ఓం రౌత్ ని టార్గెట్ చేస్తున్నారు. 

ఇంతకీ రాధేశ్యామ్ ప్రమోషన్స్ లో ప్రభాస్ ఏం చెప్పాడంటే.. ఓ ఇంటర్వ్యూలో ప్రభాస్, పూజా హెగ్డే పాల్గొన్నారు. యాంకర్ అప్ కమింగ్ మూవీస్ గురించి ప్రశ్నించగా ప్రభాస్ ఓపెన్ అయ్యాడు. ఆదిపురుష్ చేస్తున్నాను అని చెప్పాడు. షూటింగ్ మొదలైన నాలుగు రోజులకు అనుకుంటా.. ఓం రౌత్ ని పిలిచి అడిగా. రౌత్ నేను ఈ చిత్రం చేయొచ్చా అని అడిగా. ఎందుకంటే ఏ మూవీ లో అయినా మిస్టేక్స్ చేయొచ్చు. 

కానీ ఆదిపురుష్ లాంటి చిత్రంలో మిస్టేక్స్ చేయకూడదు అని ప్రభాస్ చెప్పాడు. దీనికి రౌత్ బదులిస్తూ మీకు ఎలాంటి ఫియర్ అవసరం లేదు. సినిమా బాగా వస్తోంది. నేనున్నాను అని చెప్పాడట. ఈ వీడియో వైరల్ చేస్తూ ప్రభాస్ అభిమానులు ఓం రౌత్ ని టార్గెట్ చేస్తున్నారు. రౌత్ ఓవర్ కాన్ఫిడెన్స్ వల్లే ఆదిపురుష్ ఇలా అయింది అని అంటున్నారు. 

ఓం రౌత్ టేకింగ్ చూసి అప్పుడే ప్రభాస్ కి ఈ చిత్రం నుంచి తప్పుకోవాలనే ఆలోచన ప్రభాస్ కి వచ్చిందని ఫ్యాన్స్ అంటున్నారు. రానున్న రోజుల్లో ఆదిపురుష్ వివాదం ఎలా మారుతుందో చూడాలి.