ఎన్టీఆర్, చరణ్ పక్కన నన్నెందుకు పెట్టలేదు.. కంగనా రనౌత్ లైఫ్ గురించి బాంబు పేల్చిన ప్రభాస్

రాజమౌళితో జరిగిన ఇంటర్వ్యూలో ప్రభాస్.. కంగనా రనౌత్ గురించి సంచలన విషయం రివీల్ చేశాడు.  

యంగ్ రెబల్ స్టార్ ప్రభాస్ నటించిన రాధే శ్యామ్ చిత్రం మరికొన్ని గంటల్లో ప్రేక్షకుల ముందుకు రానుంది. సినిమాపై ఇప్పటికే ఒక రేంజ్ లో అంచనాలు ఉన్నాయి. చాలా కాలం తర్వాత ప్రభాస్ నటిస్తున్న ప్రేమ కథా చిత్రం ఇది.  రాధే శ్యామ్ మూవీ థ్రిల్లింగ్ అంశాలతో కూడిన ప్రేమ కథ. ఈ చిత్రంలో ప్రభాస్ పామ్ ఆర్టిస్ట్ ( హస్తసాముద్రిక నిపుణుడు) గా నటిస్తున్నాడు.  

రాధే శ్యామ్ చిత్రాన్ని ప్రమోట్ చేసేందుకు రాజమౌళి స్వయంగా ముందుకు వచ్చారు. ప్రభాస్, రాజమౌళి మధ్య ఉన్న సాన్నిహిత్యం అలాంటిది. ఈ ఇంటర్వ్యూలో ప్రభాస్, రాజమౌళి ఇద్దరూ చాలా ఆసక్తికర అంశాలు చర్చించుకున్నారు. రాధే శ్యామ్ చిత్రంలో ప్రభాస్ హస్తసాముద్రిక నిపుణుడిగా నటిస్తున్నాడు. చేతి గీతల్ని భవిష్యత్తుని, జాతకాన్ని కచ్చితంగా అంచనా వేయగలడు. దీనితో ప్రభాస్ రోల్ పై అందరిలో ఆసక్తి పెరిగింది. 

ప్రభాస్ రాజమౌళితో మాట్లాడుతూ.. బాహుబలి వరకు నేను విధిని, జాతకాలని నమ్మేవాడిని కాదు. కేవలం హార్డ్ వర్క్ మాత్రమే నమ్మేవాడిని. అది మీకు కూడా తెలుసు. బాహుబలి చిత్రంలో నటించే అవకాశం నాకు దక్కింది. ఈ  నాకన్నా గొప్ప నటులు చాలా మంది ఉన్నారు. బాహుబలి నా లైఫ్ ని మార్చింది. అప్పటి నుంచి నేను కూడా విధిని నమ్ముతున్నా అని ప్రభాస్ తెలిపాడు. 

జాతకం అనేది కొందరికి నిజం అయింది.. నా ఫ్రెండ్స్ కి కూడా.. అలాగే జాతకంలో ఉన్నట్లు జరగని వారి జీవితాలు కూడా ఉన్నాయి అని ప్రభాస్ తెలిపారు. ఉదాహరణగా కంగనా రనౌత్ గురించి మాట్లాడుతూ ప్రభాస్ షాకింగ్ విషయం రివీల్ చేశాడు. కంగనా రనౌత్ తో ప్రభాస్.. ఏక్ నిరంజన్ చిత్రంలో నటించాడు. ఆ టైంలో కంగనా నాకొక విషయం చెప్పింది. 

కంగనా రనౌత్ ఒక చిన్న మారుమూల గ్రామం నుంచి వచ్చిన అమ్మాయి. ఒకసారి కర్ణాటకకు వెళ్ళినప్పుడు ప్రసిద్దిగాంచిన ఒక ప్రదేశంలో జాతకం చూపించుకుందట. వాళ్ళు ఈ అమ్మాయి హీరోయిన్ అవుతుంది అని చెప్పారట. వాళ్ళు చెప్పింది విని.. నేనేంటి.. హీరోయిన్ అవ్వడం ఏంటి అని కంగన నవ్వుకుందట. కానీ కంగనా నిజంగానే హీరోయిన్ అయింది అని ప్రభాస్ తెలిపాడు. 

ఇక ఆర్ఆర్ఆర్ చిత్రం గురించి ప్రభాస్ రాజమౌళితో ఆసక్తికర వ్యాఖ్యలు చేశాడు. డార్లింగ్.. ఆర్ఆర్ఆర్ సినిమాలో ఎన్టీఆర్, రాంచరణ్ ని తీసుకున్నావు. మెయిన్ లీడ్ కాకపోయినా కనీసం వాళ్ళ పక్కన గెస్ట్ రోల్ కోసం అయినా నన్నెందుకు తీసుకోలేదు అని రాజమౌళిని ప్రభాస్ నిలదీశాడు. 

Radhe Shyam

దీనికి జక్కన్న సమాధానం ఇస్తూ.. ప్రభాస్ నువ్వు పెద్ద షిప్ లాంటోడివి. నిన్ని పట్టుకు రావాలంటే ఒక పర్పస్ ఉండాలి. అంత స్పేస్ ఉండాలి. అలా కాకుండా ఆ షిప్ ని తీసుకుని వస్తే.. మిగిలిన సినిమా పోతోంది. సినిమాకు అవసరం అనిపిస్తే నిన్ను ఎలాగైనా ఒప్పించి తీసుకురాగలను అని రాజమౌళి అన్నారు. దీనికి ప్రభాస్ ఫన్నీగా.. మీకు చరణ్, ఎన్టీఆర్ అంటే ఇష్టంలే అని అన్నాడు.