1100 కోట్లు వసూలు చేసిన చిత్రానికి ఇంత అవమానమా..అక్కడ పెద్ద డిజాస్టర్
ప్రభాస్ నటించిన కల్కి 2898 ఎడి చిత్రం బాహుబలి తర్వాత ప్రభాస్ కెరీర్ లో అంత పెద్ద విజయంగా నిలిచింది. నాగ్ అశ్విన్ క్రియేట్ చేసిన కొత్త వరల్డ్.. సైన్స్, మహాభారతాన్ని మిక్స్ చేసిన విధానం, ప్రభాస్ ని కర్ణుడిగా చూపించిన విధానం ఆడియన్స్ ని థ్రిల్ చేశాయి.
ప్రస్తుతం తెలుగు చిత్రాలకు దేశం మొత్తం మాత్రమే కాదు.. ప్రపంచ వ్యాప్తంగా కూడా ఆదరణ లభిస్తోంది. తెలుగు చిత్రాలు జపాన్, చైనా లాంటి దేశాల్లో కూడా అదరగొడుతున్నాయి. ఇటీవల కొన్నేళ్లలో సినిమా బిజినెస్ లెక్కలేని ఓటిటి బాగా ప్రభావితం చేసింది. శాటిలైట్ హక్కులని తొక్కేసి డిజిటల్ రైట్స్ బాగా పెరిగిపోయాయి. జనాలు ఓటిటి అలవాటు పడినట్లు అర్థం అవుతోంది. గత ఏడాది ప్రభాస్ నటించిన కల్కి 2898 ఎడి చిత్రం బాహుబలి తర్వాత ప్రభాస్ కెరీర్ లో అంత పెద్ద విజయంగా నిలిచింది.
నాగ్ అశ్విన్ క్రియేట్ చేసిన కొత్త వరల్డ్.. సైన్స్, మహాభారతాన్ని మిక్స్ చేసిన విధానం, ప్రభాస్ ని కర్ణుడిగా చూపించిన విధానం ఆడియన్స్ ని థ్రిల్ చేశాయి. ఫలితంగా ఈ చిత్రం బాక్సాఫీస్ వద్ద ఏకంగా 1100 కోట్లు రాబట్టింది. బాహుబలి తర్వాత ప్రభాస్ కెరీర్ లో బిగ్గెస్ట్ హిట్ గా నిలిచింది. ఈ చిత్రానికి సీక్వెల్ కూడా రాబోతోంది.
థియేటర్స్ లో జనాలు కల్కి చిత్రానికి బ్రహ్మరథం పట్టారు. కానీ ఒక్క చోట మాత్రం కల్కి చిత్రానికి ఘోర అవమానం తప్పలేదు. డిజాస్టర్ రిజల్ట్ తో అందరిని షాక్ కి గురిచేసింది. ఇటీవల సంక్రాంతి సందర్భంగా కల్కి చిత్రాన్ని తొలిసారి టీవీల్లో జీ తెలుగులో ప్రీమియర్ ప్రదర్శించారు. టీవీలో ఈ చిత్రం డిజాస్టర్ అయింది అనడం కంటే ఘోర అవమానం ఎదుర్కొంది అని అనడం కరెక్ట్ ఏమో. అతి తక్కువ స్థాయిలో కేవలం 5.2 టిఆర్పి రేటింగ్ మాత్రమే నమోదైంది.
ఇంత పెద్ద బ్లాక్ బస్టర్ చిత్రానికి ఈ రిజల్ట్ ఏంటి అని ఎవరికీ అర్థం కావడం లేదు. అల వైకుంఠపురములో, పుష్ప 1, సరిలేరు నీకెవ్వరు చిత్రాలు టిఆర్పి రేటింగ్స్ లో రికార్డులు సృష్టించాయి. ఈ చిత్రాల దరిదాపుల్లోకి కూడా కల్కి వెళ్ళలేదు. అల వైకుంఠపురములో 29.4 రేటింగ్ వచ్చింది. పుష్ప 1కి 22, సరిలేరు నీకెవ్వరు చిత్రానికి 23 రేటింగ్ వచ్చింది.
Kalki 2898 AD
కల్కి టివిలో ఇలా ఫ్లాప్ కావడానికి అనేక కారణాలు కనిపిస్తున్నాయి. ఇది కంప్లీట్ గా యాక్షన్ మూవీ కావడం వల్ల ఫ్యామిలీ ఆడియన్స్ టీవీల్లో ఆసక్తి చూపలేదు అని అంటున్నారు. బుల్లితెరపై మంచి రేటింగ్ రావాలి అంటే ఫ్యామిలీ ఆడియన్స్ కీలకం అని చెబుతున్నారు. మొత్తంగా కల్కి చిత్రానికి ఇది పెద్ద షాక్ అని చెప్పొచ్చు.