Pooja Hegde: పూజాకి కాబోయే భర్తకి ఉండాల్సిన లక్షణాలు చెప్పిన తల్లి .. అవి మాత్రం మస్ట్‌ అంటూ హింట్‌.. బీ రెడీ

బుట్టబొమ్మ పూజా హెగ్డే పెళ్లీడుకొచ్చింది. రేపో మాపో పెళ్లి చేసే వయసు వచ్చింది. తన తోటి కథానాయికలందరు పెళ్లిళ్లు చేసుకుంటున్నారు. బాయ్‌ ఫ్రెండ్స్ ని మెయింటేన్‌ చేస్తున్నారు. కానీ పూజా మాత్రం ఆ విషయాలను సీక్రెట్‌గా ఉంచుతుంది. 

స్టార్‌ హీరోయిన్‌ పూజా హెగ్డే.. ప్రస్తుతం తెలుగు, హిందీలో సినిమాలు చేస్తూ బిజీగా ఉంది. కానీ గతంలో మాదిరి జోరు కనిపించడం లేదు. 33ఏళ్ళు ఉన్న పూజా హెగ్డే లవ్‌ ఎఫైర్‌ల విషయంలో మాత్రం పెద్దగా వార్తల్లో నిలిచింది లేదు. ఆ మధ్య సల్మాన్‌ ఖాన్‌తో డేటింగ్‌లో ఉన్నట్టు పుకార్లు వచ్చాయి. అది నిజం కాదన్నారు. దర్శకుడు త్రివిక్రమ్‌ పేరు కూడా తెరపైకి వచ్చింది. కానీ అవి రూమర్స్ కే పరిమితమయ్యాయి. కానీ  పూజాకి బాయ్‌ ఫ్రెండ్‌ లేరనే అంతా నమ్ముతుంటారు. 

ఇదిలా ఉంటే ప్రస్తుతం పూజాతోటి హీరోయిన్లు పెళ్లిళ్లు చేసుకుని లైఫ్‌లో సెటిల్‌ అవుతున్నారు. సినిమా కెరీర్‌ని కూడా బ్యాలెన్స్ చేస్తున్నారు. తమన్నా, రకుల్‌ వంటి వారు బాయ్‌ఫ్రెండ్లతో ఎంజాయ్‌ చేస్తున్నారు. కానీ పూజా మాత్రం ఇంకా సింగిల్‌గా ఉందనే టాక్‌ ఉంది. పెళ్లి గురించిన ఊసే లేదు. మ్యారేజ్‌ విషయాలను ఆమె ఎప్పుడూ దాటవేస్తూ ఉంటుంది. ఈ నేపథ్యంలో తాజాగా ఆమె మ్యారేజ్‌ విషయం చర్చకొచ్చింది. అది కూడా తన తల్లి లతా హెగ్డే ముందు ఆ ప్రస్తావన వచ్చింది. దీంతో దీనిపై ఆమె ఆసక్తికర వ్యాఖ్యలు చేసింది. 

మదర్స్ డే సందర్భంగా పూజా హెగ్డే, తల్లి లతా హెగ్డే ఓ మీడియా సంస్థతో ముచ్చటించారు. ఇందులో పూజా పెళ్లి ప్రస్తావన వచ్చింది. ఎలాంటి భర్త కావాలో అన్న ప్రశ్నకి లతా హెగ్డే స్పందించారు. పెద్ద లిస్ట్ నే ఆమె బయటపెట్టారు. ప్రధానంగా పూజాని అర్థం చేసుకునే వ్యక్తి కావాలని చెప్పింది. అలాంటి వ్యక్తి కోసం ఎదురుచూస్తున్నట్టు తెలిపింది. పెళ్లి అనే బంధం కలకాలం ఉండాలంటే భార్యాభర్తలిద్దరి భాగస్వామ్యం అవసరమని, ఇద్దరి మధ్య అండర్‌స్టాండింగ్‌ ఉంటేనే అది నిలుస్తుందని చెప్పింది. ఒకరినొకరు గౌరవించుకోవాలని, గౌరవం ఇవ్వని వ్యక్తితో కలిసి ఉండటం చాలా కష్టమని చెప్పింది లత.  

ఇంకా ఆమె చెబుతూ, పూజా చాలా సెన్సిటివ్‌ అట. ఆమెని ప్రతి చిన్న విషయంలోనూ జాగ్రత్త తీసుకునే వ్యక్తి కావాలని, అతడు స్ఫూర్తిగా నిలిచే వాడై ఉండాలని, కెరీర్‌ని ప్రోత్సహించాలని, అలాంటి అబ్బాయినే పూజా కోరుకుంటుందని చెప్పింది లతా హెగ్డే. అలాంటి వ్యక్తి కోసం ఎదురుచూస్తున్నామని పేర్కొంది. దీంతో ప్రస్తుతం పూజా తల్లి చెప్పిన డిటెయిల్స్ ఇప్పుడు వైరల్‌ అవుతున్నాయి. అలాంటి లక్షణాలున్న అబ్బాయిలకు ఇదొక బంపర్‌ ఆఫర్‌ అనే చెప్పాలి. అయితే ఆఫర్‌ బాగానే ఉందిగానీ, అది మామూలు కుర్రాళ్లకి సాధ్యమా? అంటే కష్టమే, పూజా స్టార్‌ హీరోయిన్‌, ఆమెకి తగ్గ స్టేటస్‌, ఆస్తులు ఉన్న వ్యక్తులనే పెళ్లి చేసుకుంటారు. మీడియా ముందు ఇలానే చెబుతుంటారు. చివరికి ఏ వ్యాపార వేత్తనో చూసుకుని మ్యారేజ్‌ చేసుకుంటారనేది అందరికి తెలిసిందే.

పూజా హెగ్డే తెలుగులో మహేష్‌, త్రివిక్రమ్‌ కాంబినేషన్‌లో రూపొందుతున్న `ఎస్‌ఎస్‌ఎంబీ28` చిత్రంలో నటిస్తుంది. దీంతోపాటు పవన్‌, హరీష్‌ శంకర్‌ సినిమాలో మొదట ఆమెనే అనుకున్నారు. కానీ ఈ ఛాన్స్ మిస్‌ అయినట్టు తెలుస్తుంది. మరోవైపు హిందీలో ఇటీవల సల్మాన్‌ ఖాన్‌తో `కిసీ కా భాయ్‌ కిసీ కి జాన్‌` చిత్రంలో మెరిసింది. ఇప్పుడు హిందీలో షాహిద్‌ కపూర్‌తో కలిసి ఓ సినిమా చేస్తుంది. సిద్ధార్థ్ రాయ్ కపూర్‌ దీన్ని నిర్మించనున్నారని సమాచారం.