అల్లు అర్జున్, ఎన్టీఆర్, మహేష్ లతో సూపర్ హిట్లు.. ఆ తర్వాత వరుసగా 7 డిజాస్టర్లు అందుకున్న హీరోయిన్

15

Pooja Hegde

ఒకప్పుడు అల్లు అర్జున్, ఎన్టీఆర్, మహేష్ బాబు లాంటి స్టార్ లతో సూపర్ హిట్ చిత్రాల్లో నటించిన ఒక హీరోయిన్ సోషల్ మీడియాలో ట్రెండింగ్ గా మారింది. అయితే అది పాజిటివ్ ట్రెండ్ కాదు. ఇటీవల కాలంలో ఆ హీరోయిన్ వరుసగా 7 డిజాస్టర్ చిత్రాలు ఎదుర్కొంది. ఆ హీరోయిన్ ఎవరు, ఏంటా డిజాస్టర్ చిత్రాలు ఇప్పుడు తెలుసుకుందాం. 

25

పూజా హెగ్డే కెరీర్ ని మార్చేసిన డీజే 

స్టార్ బ్యూటీ పూజా హెగ్డే గురించి పరిచయం అవసరం లేదు. 2014లో పూజా హెగ్డే ఒక లైలా కోసం చిత్రంతో టాలీవుడ్ లోకి ఎంట్రీ ఇచ్చింది. ఆమె ఎంట్రీ ఆశించినంతగా సక్సెస్ కాలేదు. ఆ తర్వాత నటించిన ముకుంద కూడా ఫ్లాప్ అయింది. దీనితో పూజా హెగ్డే మూడేళ్ళ పాటు టాలీవుడ్ కి గ్యాప్ ఇచ్చింది. బాలీవుడ్ లో చేసిన ప్రయత్నాలు కూడా వర్కౌట్ కాలేదు. కానీ అదృష్టం కొద్దీ ఆమెకి 2017లో అల్లు అర్జున్ సరసన డీజే చిత్రంలో నటించే అవకాశం అందుకుంది. డీజే పూజా హెగ్డే కెరీర్ ని మార్చేసింది. ఈ చిత్రంలో గ్లామర్ పరంగా పూజా హెగ్డేకి సూపర్ క్రేజ్ వచ్చేసింది. 

35

మహేష్, ఎన్టీఆర్, బన్నిలతో సూపర్ హిట్లు 

డీజే తర్వాత పూజా హెగ్డే వెనుదిరిగి చూసుకోలేదు. ఎన్టీఆర్ తో అరవింద సమేత, మహేష్ బాబుతో మహర్షి, మరోసారి బన్నీతో అల వైకుంఠపురములో లాంటి చిత్రాల్లో నటించి సూపర్ హిట్స్ అందుకుంది. దీనితో పూజా హెగ్డే టాలీవుడ్ లో తిరుగులేని హీరోయిన్ గా మారిపోయింది. అఖిల్ తో నటించిన మోస్ట్ ఎలిజిబుల్ బ్యాచిలర్ చిత్రం యావరేజ్ గా నిలిచింది. ఆ తర్వాత పూజా హెగ్డేకి బ్యాడ్ టైం మొదలైంది. 

45

రాధే శ్యామ్ నుంచి ఫ్లాపులు మొదలు 

ప్రభాస్ తో నటించిన భారీ బడ్జెట్ పాన్ ఇండియా చిత్రం రాధే శ్యామ్ మూవీతో పూజా హెగ్డేకి ఫ్లాపులు మొదలయ్యాయి. రాంచరణ్ తో నటించిన ఆచార్య, విజయ్ సరసన నటించిన బీస్ట్ చిత్రాలు కూడా డిజాస్టర్ అయ్యాయి. బాలీవుడ్ లో కూడా పూజా హెగ్డే స్టార్ హీరోలతో నటించింది. రణ్వీర్ సింగ్ తో నటించిన సర్కస్, సల్మాన్ ఖాన్ తో నటించిన కిసీకీ భాయ్ కీసీకి జాన్, షాహిద్ కపూర్ తో నటించిన దేవా చిత్రాలు కనిపించకుండా పోయాయి. 

55

ఆశలు పెట్టుకున్న రెట్రో కూడా పోయినట్లే 

ఇటీవల పూజా హెగ్డే సూర్య సరసన రెట్రో చిత్రంలో నటించింది. ఈ మూవీపై పూజా హెగ్డే బోలెడు అసలు పెట్టుకుంది. కానీ రెట్రో చిత్రం కూడా డిజాస్టర్ దిశగా పయనిస్తోంది. మే 1 న విడుదలైన ఈ చిత్రానికి వసూళ్లు ఏమాత్రం ఆశాజనకంగా లేవు. ఇది పూజా హెగ్డేకి వరుసగా 7వ ఫ్లాప్ మూవీ. ఇన్ని ఫ్లాపుల తర్వాత పూజా హెగ్డే కేరీర్ లో ఎలా బౌన్స్ బాక్ అవుతుంది అనేది ఆసక్తిగా మారింది.