హ్యాట్రిక్‌ ఫ్లాప్‌లు ఎదుర్కొన్న హీరోలు ఎవరో తెలుసా?.. పవన్, మహేష్‌, ఎన్టీఆర్‌, బన్నీ, రవితేజలకూ తప్పలేదుగా..
సినిమాల్లో పెద్ద హీరోల నుంచి చిన్న హీరోల వరకు అందరికి పరాజయాలు వస్తాయి. కానీ సీనియర్లని పక్కన పెడితేఇప్పుడు సూపర్‌ స్టార్లుగా, స్టార్లుగా రాణిస్తున్న వారిలో హ్యాట్రిక్‌ ఫ్లాప్‌లు ఎవరు కొట్టారో ఓ లుక్కేద్దాం.
టాలీవుడ్‌లో ఏ హీరోకైనా పరాజయాలు కామన్‌. ఎన్టీఆర్‌, ఎన్నార్ నుంచి, చిరంజీవి, బాలయ్య, వెంకీ, నాగ్ ల వరకు దీన్ని ఫేస్‌ చేశారు. మరి ఇప్పుడు సూపర్‌ స్టార్స్ గా రాణిస్తున్న నేటితరం హీరోలు పవన, మహేష్‌, ఎన్టీఆర్‌, ప్రభాస్, బన్నీ, రవితేజ, నాని, విజయ్‌ దేవరకొండ వరకు పరాజయాలను ఎదుర్కొన్నారు. కొందరైతే డబుల్ ,త్రిబుల్‌ హ్యాట్రిక్‌ ఫ్లాపులను ఫేస్‌ చేయడం గమనార్హం. మరి ఆ హీరోలు, ఆయా సినిమాలేంటో చూద్దాం.
pawan
పవన్ కళ్యాణ్‌ పవర్‌ స్టార్‌గా రాణిస్తున్నారు. ఇప్పుడు రాజకీయాల్లోకి వెళ్లారు. డిప్యూటీ సీఎంగా రాణిస్తున్నారు. ఆయన కెరీర్‌లో హ్యాట్రిక్‌ ఫ్లాపులున్నాయి. `జానీ`, `గుడుంబా శంకర్‌`, `బాలు`, `బంగారం`, `అన్నవరం` బ్యాక్‌ టూ బ్యాక్‌ పరాజయం చెందాయి. `జల్సా` తర్వాత మరోసారి `పులి`, `తీన్‌ మార్‌`, `పంజా` సినిమాలు పోయాయి. `సర్దార్‌ గబ్బర్‌ సింగ్‌`, `కాటమరాయుడు`, `అజ్ఞాతవాసి` చిత్రాలు కూడా బ్యాక్‌ టూ బ్యాక్‌ ఫ్లాప్‌ అయ్యాయి.
మహేష్‌ కి కూడా హ్యాట్రిక్‌ ఫ్లాపులున్నాయి. `పోకిరి` సినిమా తర్వాత వరసగా పరాజయం చెందాయి. `సైనికుడు`, `అతిథి`, `ఖలేజా` చిత్రాలు ఆడలేదు. ప్రస్తుతం ఆయన రాజమౌళితో సినిమా చేయబోతున్న విషయం తెలిసిందే.
ప్రస్తుతం `కల్కి 2898ఏడీ`తో రాబోతున్న ప్రభాస్ కెరీర్‌లోనూ వరుస పరాజయాలున్నాయి. `ఛత్రపతి` తర్వాత `పౌర్ణమి`, `యోగి`, `మున్నా`, `బుజ్జగాడు`,`బిల్లా`, `ఏక్‌ నిరంజన్‌`లతో డబుల్ హ్యాట్రిక్‌ కొట్టాడు డార్లింగ్‌. `బాహుబలి` తర్వాత `సాహో`, `రాధేశ్యామ్‌`, `ఆదిపురుష్‌` పోయాయి.
NTR
ఎన్టీఆర్‌ కెరీర్‌లో `సింహాద్రి` తర్వాత `ఆంధ్రావాలా`, `సాంబ`, `నా అల్లుడు`, `నరసింహుడు`, `అశోక్‌`, `రాఖీ` చిత్రాలతో డబుల్ హ్యాట్రిక్‌ కొట్టాడు తారక్‌. `బృందావనం` తర్వాత `శక్తి`, `ఊసరవెళ్లి`(జస్ట్ యావరేజ్‌), `దమ్ము`, `బాద్షా`, `రామయ్యా వస్తావయ్యా`, `రభస`ఆల్మోస్ట్ డబుల్ హ్యాట్రిక్‌ పరాజయాలను అందుకున్నారు ఎన్టీఆర్‌. ప్రస్తుతం `దేవర`తో రాబోతున్నాడు.
అల్లు అర్జున్‌ `దేశముదురు` తర్వాత `పరుగు`, `ఆర్యా 2`, `వరుడు` చిత్రాలతో ఫ్లాప్‌ చవిచూశాడు. ఇప్పుడు `పుష్ప 2`తో ఇండియాని షేక్‌ చేయడానికి రాబోతున్నాడు.
మాస్‌ మహారాజా రవితేజ కెరీర్‌లో `అమ్మా నాన్న ఓ తమిళ అమ్మాయి` తర్వాత `ఒక రాజు ఒక రాణి`, `దొంగోడు`, `వీడే` సినిమాలు పోయాయి. `వీరా`, `నిప్పు`, `దరువు`,అలాగే, `నేల టికెట్టు`, `అమర్‌ అక్బర్‌ ఆంటోనీ`, `డిస్కో రాజా` చిత్రాలు పోయాయి. ఇటీవల `ధమాఖా` తర్వాత `రావణాసుర`, `టైగర్‌ నాగేశ్వరరావు`, `ఈగల్‌` చిత్రాలు పరాజయం చెందాయి.
Nithin, vakkamtham vamsy
నితిన్‌.. డబుల్, త్రిబుల్‌ హ్యాట్రిక్‌ ఫ్లాపులు అందుకున్న హీరో నితిన్‌. ఆయన `రామ్‌`, `టక్కరి`, `ఆటాడిస్తా`, `విక్టరీ`, `హీరో`, `ద్రోణ`, `రెచ్చిపో`, `సీతా రాముల కళ్యాణం లంకలో`, `మారో` పరాజయాలతో త్రిబుల్‌ హ్యాట్రిక్‌ కొట్టాడు. `అ ఆ` తర్వాత `లై`, `చల్‌ మోహన రంగా`, `శ్రీనివాస కళ్యాణం`తో హ్యాట్రిక్‌ కొట్టాడు. `చెక్‌`, `రంగ్‌ దే`, `మ్యాస్ట్రో`, `మాచర్ల నియోజకవర్గం`, `ఎక్సట్రా ఆర్డినరీ మ్యాన్‌`లతో అదే బాటలో ఉన్నాడు నితిన్‌.
ఎనర్జిటిక్‌ స్టార్‌ రామ్‌ విషయంలోనూ అదే ఉంది. ఆయన నటించిన `ఎందుకంటే ప్రేమంట`, `ఒంగోలు గిత్త`, `మసాలా` చిత్రాలు ఆడలేదు. `ఇస్మార్ట్ శంకర్‌` తర్వాత `రెడ్‌`, `ది వారియర్‌`, `స్కంద` చిత్రాలు ఆడలేదు. ఇప్పుడు `డబుల్ ఇస్మార్ట్`తో రాబోతున్నాడు.
నేచురల్‌ స్టార్‌ నాని కూడా `పైసా`, `ఆహా కళ్యాణం`, `జెండా పై కపిరాజు` చిత్రాలతో హ్యాట్రిక్‌ ఫ్లాప్‌లు చూశాడు. ఇప్పుడు ఆయన `సరిపోదా శనివారం` సినిమాతో రాబోతున్నారు.
అలాగే కళ్యాణ్‌ కెరీర్‌లోనూ వరుస ఫ్లాపులున్నాయి. ఆయన `జయీభవ`, `కత్తి`, `ఓం` చిత్రాలతో హ్యాట్రిక్‌ ఫ్లాపులు చవిచూశాడు. ఇప్పుడు విజయశాంతితో కలిసి ఓ సినిమా చేస్తున్నాడు.
విజయ్‌ దేవరకొండ కెరీర్‌లో డబుల్ హ్యాట్రిక్‌ ఉన్నాయి. `టాక్సీవాలా`(యావరేజ్‌) తర్వాత `డియర్‌ కామ్రేడ్‌`, `వరల్డ్ ఫేమస్ లవర్‌`, `లైగర్‌` చిత్రాలతో హ్యాట్రిక్‌ కొట్టాడు.
Naga Chaitanya
నాగచైతన్య.. `బంగార్రాజు` తర్వాత `థ్యాంక్యూ`, `లాల్‌ సింగ్‌ చద్దా`, `కస్టడీ` సినిమాలు పోయాయి. ఇప్పుడు సాయి పల్లవితో కలిసి `తండేల్‌`తో రాబోతున్నాడు. వీరితోపాటు అఖిల్‌, అల్లరి నరేష్‌, మంచు హీరోలు, నాగ శౌర్య, శర్వానంద్‌ వంటి హీరోలు కూడా ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
