అసలు మ్యారేజే చేసుకోవద్దనుకున్నా.. మూడు పెళ్లిళ్ల రహస్యం బయటపెట్టిన పవన్‌.. ఊర కుక్కలతో సమానమంటూ బాలయ్య బాంబ్

నందమూరి బాలకృష్ణ హోస్ట్ గా చేస్తున్న అన్ స్టాపబుల్ షో ఏ రేంజ్ లో దూసుకుపోతోందో ప్రత్యేకంగా చెప్పనవసరం లేదు. ఇటీవల ప్రభాస్ ఎపిసోడ్ ప్రసారం కాగా సర్వర్లు క్రాష్ అయ్యాయి. అంతలా బాలయ్య షోకి క్రేజ్ నెలకొంది. ఇప్పుడు పవన్ కళ్యాణ్ హాజరైన ఎపిసోడ్ పై అంతకు మించిన అంచనాలు ఉన్నాయి. పవన్ తొలి ఎపిసోడ్ కోసం ఫ్యాన్స్ ఎంతగానో ఎదురుచూస్తున్నారు. సోషల్ మీడియాలో హంగామా తారా స్థాయికి చేరింది. 

అభిమానుల నిరీక్షణకి తెరదించుతూ.. పవన్, బాలయ్య తొలి ఎపిసోడ్ నేడు స్ట్రీమింగ్ మొదలైంది. బాలయ్య పవన్ ని ఎలాంటి ప్రశ్నలు అడుగుతారు. రాజకీయంగా పవన్ కళ్యాణ్ ఎలాంటి సమాధానాలు ఇస్తారు? ఇక తన వ్యక్తిగత జీవితం.. 3 పెళ్లిళ్లపై పవన్ ఓపెన్ అవుతాడా ? ఇలా ప్రతి ఒక్కరిలో ఉత్కంఠ నెలకొంది. అనుకున్నట్లుగా తన పెళ్లిళ్ల గురించి బయట జరుగుతున్న చర్చకి ఎదురవుతున్న విమర్శలకు పవన్ అన్ స్టాపబుల్ వేదికగా చెక్ పెట్టే ప్రయత్నం చేశారు. 

ఈ పెళ్లిళ్ల గోల ఏంటి భయ్యా అని బాలయ్య ప్రశ్నించగా.. తన మొదటి పెళ్లి నుంచి అన్ని వివరాలు పూసగుచ్చినట్లు వివరించారు. పవన్ సమాధానం ఇస్తూ.. నాకు మొదటి వివాహం జరిగే సమయానికి పెళ్లి అంటే సరైన అవగాహన లేదు. పెళ్ళికి ప్రిపేర్ గా లేను. కానీ కుటుంబ సభ్యులు వివాహం చేశారు. దీనితో మొదటి భార్యతో అభిప్రాయాలు కుదర్లేదు. అందుకే విడిపోవాల్సి వచ్చింది. 

ఇక రెండవ భార్యతో కూడా అభిప్రాయాలు కుదర్లేదట. రెండవ పెళ్లి కూడా పోయింది. ఆ తర్వాత మూడవ వివాహం చేసుకున్నాను అని పవన్ తెలిపారు. అయితే తనకు మొదట పెళ్లి చేసుకునే ఆలోచనే లేదు అని పవన్ తెలిపాడు. ఒక యోగిలాగా మారుదామని అనుకున్నా. జీవితాంతం పెళ్లి చేసుకోకుండా ఉండాలనే ఆలోచన ఉండేది. కానీ అనుకోకుండా చేసుకోవాల్సి వచ్చింది. 

ఇక రాజకీయంగా పెళ్లిళ్ల విషయంలోనే నన్ను విమర్శిస్తూ ఉంటారు. ఎందుకంటే నన్ను తిట్టడానికి వాళ్ళకి నాలో ఇంకేమీ లేదు. అందుకే ఈ పాయింట్ తీసుకుని తిడుతుంటారు. నేను కూడా వాళ్ళని తిరిగి తిట్టొచ్చు. కానీ నాకు సంస్కారం అడ్డు వస్తోంది. 

వాళ్ళకి కూడా కుటుంబాలు ఉంటాయి. భార్య పిల్లలు ఉంటారు. నేను తిడితే వాళ్ళు బాధపడతారు. అందుకే వాళ్ళు తిట్టినా నేను సైలెంట్ గా ఉంటాను. ఆ సంస్కారం వాళ్ళకి లేదు. అందుకే వ్యక్తిగతంగా వెళ్ళకూడదు అని ఆలోచించలేకున్నారు అంటూ పవన్ హాట్ కామెంట్స్ చేశారు. దీనిపై బాలకృష్ణ స్పందించారు. ఇకపై మీ మూడు పెళ్లిళ్ల గురించి కామెంట్‌ చేసిన వాడు ఊరకుక్కతో సమానం అంటూస్టేట్‌మెంట్‌ ఇచ్చారు. వీరిద్దరి మధ్య చిట్‌ చాట్‌ ఆద్యంతం ఫన్నీగా సాగడం విశేషం.