నో రిస్క్ అంటోన్న పవన్ భామ ప్రణీత.. అప్పుడు ఫుడ్.. ఇప్పుడు ఆక్సిజన్..అభిమానుల ప్రశంసలు
పవన్ కళ్యాణ్ భామ ప్రణీత ఆయన్నుంచి మంచి విషయాలు బాగానే ఒంటబట్టించుకుంది. గతేడాది ఫుడ్ పెడితే, ఇప్పుడు ఆక్సిజన్ అందిస్తుంది. కరోనా పేషెంట్లకి తనవంతు సహాయాన్ని అందిస్తుంది. పవన్ ఫ్యాన్స్ ని ఖుషీ చేస్తుంది.
ప్రణీత చాలా రోజులుగా తెలుగులో సెకండ్ హీరోయిన్గానే నటిస్తుంది. పవన్ కళ్యాణ్ బ్లాక్ బస్టర్ `అత్తారింటికి దారేదీ` నుంచి ఈ భామ సెకండ్ హీరోయిన్ పోస్ట్ కే పరిమితమైంది.
`రభస`, `బ్రహ్మోత్సవం`, `హలో గురూ ప్రేమ కోసం`, `ఎన్టీఆర్ః కథానాయికుడు` వంటి చిత్రాల్లో ఈ అమ్మడికి దక్కింది సెకండ్ హీరోయిన్ పాత్రలే.
ప్రస్తుతం బాలీవుడ్లో సినిమాలు చేస్తూ బిజీగా ఉన్న ఈ బ్యూటీ కరోనా పేషెంట్లకి సహాయం అందిస్తూ తన గొప్ప మనసుని చాటుకుంటోంది. ప్రస్తుతం ఆమె తన సంస్థ నుంచి సహాయాన్ని అందిస్తుంది.
ఈ సందర్భంగా ఆమె చెబుతూ, `మనమంతా ఎంతో కొంత సాయం చేయాల్సిన తరుణమిది. ప్రతి ఒక్కిరికీ మనం సాయం చేయలేకపోవచ్చు. కానీ మన సహాయం కొద్ది మందికి ఉపయోగపడినా చాలు` అని తెలిపింది.
కరోనా ఫస్ట్ వేవ్ టైమ్లో మా ఫౌండేషన్ నుంచి చాలా మంది కరోనా బాధితులకు అన్నదానం చేశాం. ఇప్పుడు కొంత మొత్తాన్ని సేకరించి ఆక్సిజన్ కాన్సంట్రేటర్స్ ని కోవిడ్ ఆసుపత్రులకు అందిస్తున్నాం.
ప్రస్తుతం బయట పరిస్థితులు దారుణంగా ఉన్నాయి. ఇంట్లో నుంచి బయటకు వెళ్లకూడదు. నేను మాత్రం సాధ్యమైనంత వరకు ఇంటికే పరిమితమయ్యాను. బయటకు వెళ్లి నా ఫ్యామిలీని రిస్క్ లో పెట్టలేను. ఇంట్లోనే నుంచి సాయం చేస్తున్నా.
నా సోషల్ మీడియా అకౌంట్ల ద్వారా కోవిడ్ బాధితులకు అవసరమైన సమాచారాన్ని అందిస్తున్నాను. ఇది కొందరికి ఉపయోగపడినా చాటు. నాలాగే ఇండస్ట్రీకి చెందిన చాలా మంది సహాయం చేస్తున్నారు. అందుకు చాలా హ్యాపీగా ఉంది` అని పేర్కొంది ప్రణీత. దీంతో ప్రణీత చేస్తున్న హెల్ప్ కి అభిమానులు ప్రశంసిస్తున్నారు.
తెలుగులో ప్రస్తుతం ఈ అమ్మడికి సినిమాలు లేవు. కానీ హిందీలో మాత్రం `రమణ అవతార`, `భుజ్ః ది ప్రైడ్ ఆఫ్ ఇండియా`, `హంగామా 2` చిత్రాల్లో నటిస్తుంది.