OTT Releases: ఈ వారం ఓటీటీల్లో రిలీజ్ ల పండగ... థియేటర్లకు షాక్
థియేటర్లకు గట్టి పోటీ ఇస్తున్నాయి ఓటీటీలు. డిజిటల్ రిలీజ్ లకు డిమాండ్ బాగా పెరిగిపోయింది. చాలా వరకూ థియేటర్లు మూత పడడంతో ఎక్కువగా సినిమాలన్నీ ఓటీటీల్లోనే విడుదలవుతున్నాయి. ప్రతీవారం థియేటర్ రిలీజ్ లకంటే ఓటీటీ రిలీజ్ ల సంఖ్యే ఎక్కువగా ఉంటోంది. మరి ఈవారం ఓటీటీల్లో మెరిసే సినిమాల సంగతి చూస్తే..
కరోనా టైమ్ లో ఫ్యామిలీ ఆడియన్స్ ను తెగ ఎంటర్టైన్ చేస్తున్నాయి. ఇప్పటికే థియేటర్లు ఓపెన్ అయినా.. ఓటీటీలకు మాత్రం డిమాండ్ తగ్గలేదు. థియేటర్లలో సినిమాలు విడుదలవుతున్నా.. మరికొన్ని సినిమాలు మాత్రం ఓటీటీల బాట పడుతున్నాయి. చిన్న సినిమాలతో పాటు పెద్ద హీరోల సినిమాలు కూడా ఓటీటీ బాటపడుతున్నాయి. ఈవారం టాలీవుడ్,బాలీవుడ్ సినిమాలతో ఓటీటీలో పండగ జరగబోతోంది.
కోలీవుడ్ స్టార్ తండ్రీ.. కొడుకులు చియాన్ విక్రమ్, ధ్రువ్ విక్రమ్ లు కలిసి నటించిన సినిమా మహాన్. యంగ్ స్టార్ కార్తీక్ సుబ్బరాజు డైరెక్షన్ లో వచ్చిన ఈ సినిమా షూటింగ్ ఎప్పుడో పూర్తయింది. కానీ, కరోనా కారణంగా ఎప్పటికప్పుడు రిలీజ్ పోస్ట్ పోన్ అవుతుంది. ఇక ఫైనల్ గా ఈ సినిమాను ఫిబ్రవరి 10న అమెజాన్ ప్రైమ్ లో రిలీజ్ చేయబోతున్నారు.
సూపర్ స్టార్ మహేష్ బాబు మేనల్లుడు గల్ల అశోక్ హీరోగా పరిచయమైన మూవీ హీరో. నిథి అగర్వాల్ హీరోయిన్ గా నటించిన ఈసినిమా థియేటర్లలో రిలీజ్ అయ్యి బాగుంది అనిపించింది. ఇక ఈ మూవీని ఫిబ్రవరి 11 నుంచి డిస్నీ ప్లస్ హాట్ స్టార్ లో రిలీజ్ చేయబోతున్నారు.
తెలుగులో రీ ఎంట్రీ తరువాత దూసుకుపోతోంది సీనియర్ హీరోయిన్ ప్రియమణి. ఈమె హీరోయిన్ గా అభిమన్యు తెరకెక్కించిన లేడీ ఓరియోంటెడ్ మూవీ భామా కలాపం. ఈ సినిమా ఫిబ్రవరి 11న ఆహాలో స్ట్రీమింగ్ కానుంది.
అక్కినేని ఫ్యామిలీ హీరో సుమంత్, వర్షిణీ సౌందర రాజన్, నైనా గంగూలీలు హీరో హీరోయిన్లుగా రూపొందుతున్న సినిమా మళ్లీ మొదలైంది. ఈ సినిమా చాలా కాలంగా రిలీజ్ కోసం వెయిట్ చేస్తుంది. ఈ మూవీని ఫిబ్రవరి 11 నుంచి జీ5లో స్ట్రీమింగ్ చేయబోతున్నారు.
బాలీవుడ్ లో ఇప్పటికే చర్చనీయాంశం అయిన సినిమా గ్రెహ్రాయియా. కేవలం ఓటీటీ కోసమే తీసిన ఈ సినిమాను ఫిబ్రవరి 11న అమెజాన్ ప్రైమ్ లో రిలీజ్ చేయబోతున్నారు. బాలీవుడ్ స్టార్ బ్యూటీస్ దీపికా పదుకోనే, అనన్యా పాండే తో పాటు యంగ్ స్టార్ సిద్ధాంత్ చతుర్వేది, ధైర్యా కర్వాలు కీలకపాత్రలు చేసిన ఈ సినిమా ట్రైలర్ ఇప్పటికే రచ్చ రచ్చ చేస్తొంది.
ఇక ఈవారం ఓటీటీల్లోకి వెబ్ సిరీస్ లు కూడా వెల్లువలా స్ట్రీమింగ్ కాబోతున్నాయి. ఈనెల 9న మలయాళ సినిమా ఫ్రీడమ్ ఫైట్సోనీ లివ్ లో ఫిబ్రవరి 11 నుంచి స్ట్రీమింగ్ అవుతుండగా.. హిందీ సినిమా రక్తాంచల్ ఫిబ్రవరి 11 నుంచి ఎంఎక్స్ ప్లేయర్ లోరిలీజ్ కాబోతోంది. క్యాచింగ్ కిల్లర్స్ వెబ్ సిరీస్ సీజన్ 2 ఫిబ్రవరి 9 నుంచి, ఇన్వెంటింగ్ అన్నా వెబ్ సిరీస్ ఫిబ్రవరి 11 నుంచి, లవ్ అండ్ లీషెస్ – కొరియా సినిమా ఫిబ్రవరి 11 నుంచి ఓటీటీలో సందడి చేయబోతున్నాయి.
అటు హాలీవుడ్ నుంచి కూడా ఫిబ్రవరి 11 న ద ప్రివిలేజ్ హాలీవుడ్ సినిమా రిలీజ్ అవుతుండగా.. ఐ వాంట్ యూ బ్యాక్ హాలీవుడ్ మూవీ ప్రైమ్ లో ఫిబ్రవరి 11 నుంచి, కొరియా సిరీస్ స్నో డ్రాప్ డిస్నీ హాట్ స్టార్ లో ఫిబ్రవరి 9 నుంచి.. ఐ వాంట్ యూ బ్యాక్ –హాలీవుడ్ మూవీ ప్రైమ్ లో ఫిబ్రవరి 11 నుంచి, టాల్ గర్ల్ – హాలీవుడ్ సినిమా ఫిబ్రవరి 11 నుంచి రిలీజ్ అవ్వడానికి రెడీ అవుతున్నాయి.