`గుంటూరు కారం`, `నా సామిరంగ`లో ఒక కామన్‌ పాయింట్‌.. నైజాంలో దెబ్బకొట్టడానికి కారణమదేనా?
సంక్రాంతి పండక్కి వచ్చిన మహేష్‌బాబు `గుంటూరు కారం`, నాగార్జున `నా సామిరంగ` చిత్రాలు సందడి చేస్తున్నాయి. కానీ నైజాంలో ఈ సినిమాలు అంతగా ప్రభావాన్ని చూపడం లేదు. మేకర్స్ మిస్టేక్‌ ఇదే..
సంక్రాతి పండగ అంటే ముందుగా గుర్తొచ్చేది సినిమాల పండగే. నాలుగైదు సినిమాలు రిలీజ్‌ అవుతూ సందడి చేస్తుంటాయి. ఆడియెన్స్ ని అలరిస్తుంటాయి. ఈ సారి కూడా నాలుగు సినిమాలు విడుదలయ్యాయి. మహేష్‌బాబు `గుంటూరు కారం`, వెంకటేష్‌ `సైంధవ్‌`, నాగార్జున `నా సామిరంగ`తోపాటు తేజ సజ్జ, ప్రశాంత్‌ వర్మ కాంబినేషన్‌లో వచ్చిన `హనుమాన్‌` మూవీస్‌ వచ్చాయి. ఆడియెన్స్ ని అలరిస్తున్నాయి. సినిమా ఫలితాలు ఎలా ఉన్నా సంక్రాంతికి మాత్రం రచ్చ నెక్ట్స్ లెవల్‌లో ఉందని చెప్పొచ్చు.
అయితే ఇందులో వెంకటేష్‌ నటించిన `సైంధవ్‌` మూవీ తొలి రోజు నుంచి పోటీలో డీలా పడిపోయింది. డిజాస్టర్‌ టాక్‌తో క్లీన్‌ స్వీప్‌ అయ్యే పరిస్థితి. ఇక `హనుమాన్‌` మూవీ రచ్చ చేస్తుంది. వీటితోపాటు `గుంటూరు కారం`, `నా సామిరంగ` చిత్రాలు బాక్సాఫీసు సందడి చేస్తున్నాయి. అయితే ఈ సినిమాలు అనుకున్న రేంజ్‌లో ఆడియెన్స్ కి రీచ్‌ కావడం లేదు. ఏపీలో అంతో ఇంతో రెస్పాన్స్ బాగుంది. నైజాంతో పోల్చితే అక్కడ ఎక్కువ రియాక్షన్ ఉంది. మరి నైజాంలో తక్కువ స్పందనకు కారణమేంటి? వీటిలో ఉన్న లోపాల కారణంగా `హనుమాన్‌` సినిమాకి ఎలా ప్లస్‌ అవుతుందనేది చూస్తే.
`గుంటూరు కారం` సినిమాలో టైటిల్‌ కూడా ఏపీని రిప్లెక్ట్ చేసేలా ఉంది. పైగా హీరో యాస కూడా అలానే సాగుతుంది. మహేష్‌ ది గుంటూరు కావడంతో ఆ యాసని ఈజీగా పట్టేశాడు. చాలా వరకు ఇది ఏపీ కల్చర్‌ని ప్రతిబింబించేలా ఉంది. దీంతో ఈ మూవీకి నైజాంలో ఆశించిన స్థాయిలో ఆదరణ కనిపించడం లేదు. ఏపీతో పోల్చితే ఇక్కడ రెస్పాన్స్ తక్కువగా ఉంది. సినిమా టైటిల్‌ కూడా ఈ గ్యాప్‌కి కారణమయ్యిందని అంటున్నారు.
మరోవైపు నాగార్జున నటించిన `నా సామిరంగ` పూర్తిగా సంక్రాంతి పండగ సినిమా. అందులో కూడా ఏపీ కల్చర్‌ని ప్రతిబింబించే ఎలిమెంట్లే ఉన్నాయి. పూర్తిగా గోదావరి ప్రాంతాల కల్చర్‌ని రిప్లెక్ట్ చేస్తుంది. దీంతో అది నైజాం ఏరియాలో ఈ మూవీకి రెస్పాన్స్ కాస్త తక్కువగా ఉంటుంది. ఏపీలో ఆదరణ బాగుంది. ఇలా కల్చర్‌ డిఫరెంట్స్ కారణంగా ఆదరణ విషయంలో కొంత గ్యాప్‌ కనిపిస్తుంది.
గతంలోనూ తెలంగాణ నేపథ్యంలో వచ్చిన `దసరా`, `బలగం` వంటి చిత్రాలు నైజాంలో బాగా ఆదరణ పొందాయి. కానీ ఆంధ్ర, సీడెడ్‌లో మాత్రం ఆశించిన స్థాయి రెస్పాన్స్ రాలేదు. అక్కడ కొన్న బయ్యర్లకు నష్టాలు వచ్చాయి. ఇవే కావు చాలా సినిమాల విషయంలో ఆ డిఫరెంట్స్ కనిపిస్తుంది.
అదే డిఫరెంట్స్ ఇప్పుడు సంక్రాంతి సినిమాల విషయంలోనూ చోటు చేసుకుందని విశ్లేషకులు, ట్రేడ్‌ వర్గాలు చెబుతున్నాయి. దీంతో తెలంగాణలో `గుంటూరు కారం`, `నా సామిరంగ` ఆడియెన్స్ పెద్దగా ఆసక్తి కనిపించడం లేదని తెలుస్తుంది.
ఈ రెండు సినిమాలు నైజాంలో ఆశించిన రేంజ్‌లో ఆడకపోవడంతో.. అది `హనుమాన్‌` మూవీకి హెల్ప్ అవుతుంది. ఆ సినిమా ఇక్కడ మంచి కలెక్షన్లని రాబడుతుంది. ఇప్పటికే బ్రేక్‌ ఈవెన్‌ దాటిపోయింది. ఆల్‌రెడీ లాభాల్లోకి వెళ్లిపోయింది. మున్ముందు ఇది మరింత ఆదరణ పొందే అవకాశం కనిపిస్తుంది. ప్రశాంత్‌ వర్మ దర్శకత్వం వహించిన ఈ చిత్రంలో తేజ సజ్జా హీరోగా నటించారు. హనుమంతుడి ఎలిమెంట్లు సినిమాకి ప్లస్‌ అయ్యాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
