ప్రభాస్ కారణంగానే ఎన్టీఆర్కి ఫ్లాప్.. `రామయ్యా వస్తావయ్యా` డిజాస్టర్కి అసలు కారణం చెప్పిన దిల్రాజు..
ఎన్టీఆర్ హీరోగా హరీష్ శంకర్ దర్శకత్వంలో రూపొందిన `రామయ్యా వస్తావయ్యా` మూవీ పరాజయం చెందిన విషయం తెలిసిందే. తాజాగా దీనికి గల కారణాలను నిర్మాత దిల్ రాజు తెలిపారు.
ఎన్టీఆర్ నటించిన ఫ్లాప్ చిత్రాల్లో `రామయ్యా వస్తావయ్యా` మూవీ ఒకటి. ఈ సినిమా ఇప్పుడు సడెన్గా వార్తల్లోకి ఎక్కింది. కారణం దర్శకుడు హరీష్ శంకర్ రియాక్ట్ కావడమే. కెమెరామెన్ చోటా కె నాయుడు.. ఓ ఇంటర్వ్యూలో హరీష్ శంకర్ గురించి కాస్త తప్పుగా మాట్లాడటంతో మండిపోయిన హరీష్ శంకర్.. ఆ సినిమాకి కెమెరామెన్గా నిన్ను తీసేసి మరొకరిని పెట్టుకోవాలనే ఆలోచన వచ్చిందని, కానీ బ్యాడ్ నేమ్ వస్తుందని మార్చకుండా సినిమా పూర్తి చేశామని, కానీ సినిమా ఫెయిల్యూర్ నిందని మీపై వేయలేదని చెప్పారు హరీష్ శంకర్.
ఈ మేరకు ఆయన సోషల్ మీడియా ద్వారా ఓ నోట్ని పంచుకున్నారు. అది పెద్ద రచ్చ రచ్చ అయ్యింది. ఇంకా దీనిపై కెలుకుతానంటే ఎప్పుడైనా, ఎక్కడైనా రెడీ అని కూడా సవాల్ విసిరాడు దర్శకుడు హరీష్ శంకర్. దీంతో `రామయ్యా వస్తావయ్యా` మూవీ చర్చనీయాంశం అయ్యింది. ఆ సినిమా ఫ్లాప్కి కారణమేంటనేది ఆరా తీసే పనిలో నెటిజన్లు ఉన్నారు. అందులో భాగంగా దిల్ రాజు చెప్పిన ఓ పాత వీడియోని వైరల్ చేస్తున్నారు. ఈ మూవీకి దిల్ రాజే నిర్మాత కావడం విశేషం.
ఇందులో ఆయన మాట్లాడుతూ, తాను చేసిన సినిమాల్లో మూడు చిత్రాలు సక్సెస్ అయ్యేందుకు అవకాశం ఉందని, కానీ రాంగ్ టైమ్, స్క్రిప్ట్స్ కారణంగా ఫెయిల్ అయ్యాయని తెలిపారు. వాటిలో `రామ రామ కృష్ణ కృష్ణ`, `మున్నా`, `రామయ్యా వస్తావయ్యా` చిత్రాలు అని తెలిపాడు దిల్ రాజు.
`రామయ్యా వస్తావయ్యా` సినిమా బ్యాడ్ టైమింగ్లో ఫెయిల్ అయ్యిందన్నారు. ప్రభాస్ నటించిన `రెబల్` సినిమా కంటే ముందు `రామయ్యా వస్తావయ్య` కథ వేరే ఉందని, ఆ కథ నచ్చే ఎన్టీఆర్, హరీష్, నేను కమిట్ అయ్యామని చెప్పారు. కానీ `రెబల్` సినిమా కారణంగా కథని మార్చినట్టు తెలిపారు. ఫాదర్కి జరిగిన అన్యాయంపై కొడుకు ప్రతీకారం తీర్చుకోవడమే కాన్సెప్ట్ ఒకేలా ఉందని, మొదట అనుకున్న కథని వద్దనుకున్నామని తెలిపారు.
ఆ తర్వాత హరీష్ స్క్రిప్ట్ లో మార్పులు చేసి, ఈ కథ చెప్పాడు. ఓకే ఇది కూడా బాగుంది కదా అని చేయడానికి ముందుకు వచ్చాం. టైమ్ అలా మార్చేసిందని, `రెబల్` కంటే ముందే మా సినిమా వచ్చి ఉంటే రాంగ్ స్టెప్ వేసే వాళ్లం కాదు, మేం ముందు అనుకున్న కథ వేరు. అదే అయితే, `రెబల్` కంటే ముందే తమ సినిమా వచ్చి ఉంటే సక్సెస్ అయ్యేదని తాను నమ్ముతున్నట్టు దిల్ రాజు తెలిపారు.
ఎన్టీఆర్ హీరో, హరీష్ శంకర్ దర్శకత్వంలో `రామయ్యా వస్తావయ్యా` చిత్రం వచ్చింది. సమంత, శృతి హాసన్ హీరోయిన్లుగా నటించారు. దిల్ రాజు నిర్మించిన ఈ మూవీ 2013లో విడుదలైంది. పరాజయం చెందింది.
మొత్తంగా ప్రభాస్ `రెబల్` కారణంగా ఎన్టీఆర్ కి ఫ్లాప్ పడిందని దిల్ రాజు మాటలని బట్టి అర్థమవుతుంది. ఇక రాఘవ లారెన్స్ దర్శకత్వంలో వచ్చిన `రెబల్` చిత్రంలో తమన్నా హీరోయిన్గా నటించగా, కృష్ణంరాజు.. ప్రభాస్కి తండ్రిగా నటించాడు. తండ్రిని ప్రత్యర్థులు చంపేయడంతో వారిపై ప్రభాస్ ప్రతీకారం తీర్చుకుంటాడు. 2012లో వచ్చిన ఈ మూవీ పరాజయం చెందింది. `రామయ్యా వస్తావయ్యా` ఫస్ట్ అనుకున్న కథ కూడా ఇలానే ఉండటంతో, ఆ తర్వాత స్క్రిప్ట్ ని మార్చేశారట. కానీ అది కూడా ఫ్లాప్ అయ్యింది.